sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Administrativ leder til Borgerservice i Kangerlussuaq

Qeqqata Kommunika

Sisimiut
Ikkunneqarpoq: 12-05-2021
Piffissaq atuuffissaa naassaaq: 01-06-2021
Suliffissamut ID normut: LJA-82089570
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq

Atorfik Kangerlussuarmi Sullissinermut Ingerlatsivimmi inissisimavoq. Allaffimmi pisortaq ataaseq, isumaginninnermi siunnersorti ataaseq, allaffimmi ikiorti ataaseq, sanaartornermi konstruktøri taamatullu handyman/pedeli sulisussatut naatsorsuussaapput. Atorfik assigiinngitsunik tamatigoorluinnartunillu suliassaqarfiuvoq, tassani eqaatsumik suleriaaseqartuunissat piumasarineqarpoq aammalu Kangerlussuarmi innuttaasunut qanilaartumik attaveqartuunissat naatsorsuutigineqarluinnarpoq.

 

Akisussaaffiit suliassallu

Allaffeqarfimmi ulluinnarni aqutsineq.

Sulianik ingerlatsineq kommunemi immikkoortortaqarfinni tamani,  tassanilu inunnik sullissineq atugarissaarnermut immikkoortortap ataani aamma suliassanik suliassaqartarsinnaalluni.

Nunaqarfimmi aqutsisunut siunnersuineq allattaanerlu.

Qeqqata Kommuniani Kangerlussuarmi sinniisuuneq

Ineriartortitsineq

Missingersuutit naatsorsuutillu

Suliassat allat atorfimmut attuumassuteqartut

Naalakkersuisunut inatsisartunullu ilaasortanik, nunani allani politikerinik sulisunillu suliffeqarfinnillu allanik ataatsimiisitsinissat aaqqissuunnissaat

 

Pisinnaasat

Pisortatut misilittagaqartuusutit

Politikkikkut aqunneqartumi suliffeqarfimmi misilittagaqartuusutit

Eqaatsumik suleriaaseqartutit ”ulapaarnerup nalaani” eqqissisimasinnaallutit

Kalaallisut qallunaatullu oqaaseqartuusutit tuluttullu sapinngisaqarluarlutit

Ammasuusutit inunnillu pingaarutilinnik oqaloqatiginnilluarsinnaallutit

Namminersorlutit suliaqarluarsinnaasutit suleqatiginnilluarsinnaallutillu

Iliuusissat nutaat piareersarluarsinnaagitit naammassinissaasa tungaannut

 

Aningaasarsiat atorfininnermilu atugassarititaasut

Akissarsiat atorfinitsitaanermilu atugassarititaasut atorfininnerup nalaani Naalakkersuisut kattuffiullu isumaqatigiissuteqarsinnaatitaasup akornanni isumaqatigiissutit atuuttut naapertorlugit aaqqinneqassapput.

 

Inissaqartitsisoqarsinnaavoq, malittarisassallu atuuttut malillugit ineqarnermut qaammammut akiliisoqartassalluni il. il.

 

Atorfinitsitsineq pissaaq piaartumik imaluunniit isumaqatigiinnikkut.

 

Atorfimmut sukumiinerusumik paasissutissat pineqarsinnaapput sianerluni allalluniluunniit Pisortaanerup sulisuanut pisortaq Hans Christian Sværd oqarasuaat (+299) 86 7302, email: hcsv@qeqqata.gl imal. Nunaqarfinni ataqatigiissaarisoq Louisannguaq Rosing, oqarasuaat (+299)  81 7833,
e-mail:loro@qeqqata.gl

 

Kangerlussuaq pinngortitagissaarluinnartoq misigisaqarfigiuk. 100 km-it sinnerlugit aqquserngit katillugit takissusillit. Kangerlussuaq amerikkarmiut sakkutooqarfiginikuuaat, ullumikkullu  Qeqqata Kommunianiilluni. Kangerlussuaq silagilluartarneratigut, nunakkut angalaarnissamut piniarnissamullu periarfissaqarluartuuvoq. Nunaqarfimmi innuttaasut 500-t tikingajalluinnarlugit amerlatigipput, taakkunannga meeqqat 24-t meeraateqarfimmi ”Meeraateqarfik Nuka”-iittarlutik kiisalu meeqqat 68-it ”Qinnguata atuarfia”-ni atuartuullutik.

 

 

Qinnuteqaatit ilinniarsimanermut uppernarsaatit pisariaqaritat, CV, sulisitsisukunit oqaaseqaatit kiisalu inuit imminut tunnga-sunik oqaaseqarsinnaasut saaffiginneqarsinnaasut allattorsi-maffii ilanngullugit nassiunneqassapput

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia