sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Afdelingsleder handicapområde Narsaq

Kommune Kujalleq

Narsaq
Ikkunneqarpoq: 29-03-2023
Piffissaq atuuffissaa naassaaq: 19-04-2023
Suliffissamut ID normut: LJA-84652867
Atorfeqarnermi atugassarititaasut: Tamakkiisoq
Suliassaqarfik: Aqutsineq, Allaffik & allaffissorneq, Isumaginnittoqarfik, Peqqinnissaq

Narsami innarluutilinnut suliassaqarfimmi immikkoortortami aqutisutut atorfik

ALLAGARSIUTEQQITAQ:


Narsami innarluutilinnut immikkoortortaqarfimmi aqutsisutut atorfik juunip ulluisa aallaqqaataanniit 2023 imaluunniit isumaqatigiissuteqarnikkut inuttassarsiorneqarpoq.


Sullivik Kommune Kujallermi Inunnik Isumaginnittoqarfiup ataani inissisimavoq, immikkoortortarlu aaqqissuussaanikkut ineqarnikkut sullivinnilu illersugaasuni innarluutilinnut ataqatigiissaarisup ataani inissisimalluni. 


Immikkoortortami aqutsisup suliassaa pingaarneq tassaavoq innuttaasunut annertuumik innarluutilinnut sunniuteqarluartumik tapersersuissalluni ikiuissallunilu, kiisalu innuttaasunit iluarisimaarinnittoqarnissaa innuttaasullu ikiuunnermi tamakkiisumik ataqatigiittoqarneranik misigitinnissaa.


  • Atorfiup imarisai ilaatigut makkuupput:
  • Narsami inunnut innarluutilinnut najugaqatigiiffimmi, innarluutilinnut sukissaarsartarfik sammisassaqartitsiviutigisumi ulluinnarni ingerlatsinerup ataqatigiissaarinerullu qulakkeernissai
  • Najugaqatigiiffimmi najguaqartut tapersersortaasa suliaat nakkutigalugillu ataqatigiissaarnissaat
  • Inuit innarluutillit namminneq angerlarsimaffimminni tapersersorteqartut tapersersortaasat nakkutiginissaat taakkuninngalu ataqatigiissaarineq qulakkiissallugit
  • Inunnut innarluutilinnut kiffartuussinissamut periusissatut aalajangiunneqarsimasut naapertorlugit suliarineqartarnissaat qinnuteqartarnerillu qulakkiissallugit
  • Ataavartumik angerlarsimaffimmi tapersersortit ilinniartittuartarnissaat, kiisalu suliassaqarfiup qaffasinnerpaamik pitsaassusilerneqarnissaa ineriartortinneqarnissaalu qulakkiissallugit
  • Orniguttarluni sulinissaq qularnaassallugu kiisalu inuit tapersersorteqartariaqartut pillugit assigiinngitsut suleqatigiinnerat ilisimasaqarfigissallugu
  • Suliassaqarfiup iluani avataanilu suleqatigisat qanimut ataavartumillu suleqatiginissaat qulakkiissallugu
  • Innarluutilinnik sullissisut ataqatigiissaarisuannut ukiumoortumik nalunaarusiortoqarnissaa qulakkiissallugu


Piginnaasatigut piumasaqaatit makku pigissagitit naatsorsuutigaarput;

  • Isumaginninnermi perorsaasutut assigisaanilluunniit ilinniagaqartutit
  • Aqutsisutut misilittagaqarluartuussasutit
  • Tapersersortinut ataqatigiissaarinermik misilittagaqarluartuussasutit
  • Nammineersinnaanermik akisussaaffimmillu suliassaqarfiup naammassisinnaanissaanut piginnaaneqartuussasutit aammalu isumassarsianik nutarterinissamillu piginnaasaqassasutit pilersaarusiullaqqissuussasutillu
  • Allaffissornikkut aningaasaqarnikkullu misilittagaqartutit, taamatuttaaq qarasaasialerinermik piginnaasaqartuussasutit
  • Attaveqarsinnaanermik oqariartuuteqarsinnaanermillu, kiisalu anguniagaqarsinnaanermik piginnaasaqartuussasutit
  • Sullissinermi oqartussaaffeqarfinni aalajangiinissamut misilittaqarsimassasutit, soorluttaaq kalaallisut qallunaatullu allassinnaallutillu oqalussinnaassasutit


Uagut neqeroorutigisinnaavavut;

  • Sullivik pissarsiffiulluartoq ilaatigut ulapaarfiusinnaasoq, suliassaqarfik ineriartortitsinikkut sunneeqataaffigisinnaasat
  • Kommune Kujallermi innarluutilinnut immikkoortortani aqutsisut Qaqortoq aamma Nanortalik peqatigalugit inuttut ilisimasatigullu ineriartorfiusoq
  • Suliassaqarfimmi nammineersinnaaneq akisussaassuseqarneq aalajangeeqataasinnaanerlu


Atorfininneq akissarsiallu:

Akissarsianut atorfinitsitaanermilu atugassarititaasut atorfinitsitaanerup nalaani Kalaallit Nunaanni Namminersorlutik Oqartussanut Kommuninut isumaqatigiissutit atuuttut naapertorlugit pissapput. Qinnuteqartunut avataaneersunut ilaqutariit amerlassusaat naapertorlugu atorfininnermut atatillugu inissiamik atugassaqartitsisoqassaaq, malittarisassallu atuuttut naapertorlugit nuunnermi angalanermilu aningaasartuutit akilerneqassallutik.


Pinerlussimannginnermut uppernarsaat:

Atorfik una meeqqanik pinerliisimannginnermut aamma pinerlittaalinermut unioqqutitsisimannginnrmut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu atorfinitsitsineq aatsaat pisinnaavoq kommune pineqaatissinneqarsimannginnermut uppernarsaammik pissarsereerpat


Innarluutilinnut immikkoortortami aqutsisoq Pipaluk Thomassen oqarasuaat 38 15 36 imaluunniit e-mail pith@kujalleq.gl  saaffigalugu paasissutissat sukumiinerusut atorfimmilu suliassat nassuiaataat pissarsiarineqarsinnaapput.


Qinnuteqaat, pineqaatissinneqarsimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat kiisalu soraarummeersimanermit uppernarsaatit assilineri il.il. PDF-filinngorlugit kommunip nittartagaatigut nassiunneqariissapput kingusinnerpaamik ulloq apriilip ulluisa 19-iat 2023.


MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.


”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput ”


Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia