sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Afdelingsleder til fritidshjemmet Naasoq

Qeqqata Kommunika

Sisimiut
Ikkunneqarpoq: 16-05-2022
Piffissaq atuuffissaa naassaaq: 27-06-2022
Suliffissamut ID normut: LJA-83619129
Atorfeqarnermi atugassarititaasut: Tamakkiisoq
Suliassaqarfik: Meeqqat & inuusuttut, Aqutsineq

Fritidshjemmet Naasoq meeqqanut 72-nut, atualertussaniit, 1. 2. 3. klassemi atuartunut kiisalu oktuubarip aallaqqaataaniit martsip naaneranut. 5-6. Klassinut unnukkut klubbertitsisarpoq.

Suliffeqarfik soqutiginartoq pinngortitamik aammalu illoqarfiup iluani periarfissanik atorluaasoq inuttullu ineriartorfiusoq pissarsiaqarnartoq tamallu oqartussaaqataa-nerannik pingaartitaqartoq sulisussarsiorpoq. Meeqqanik inuusuttuaqqanillu sullisse-qataarusussinnaavit? Ukiaanerani upernassap tungaanut unnukkoorfiusartoq soqutiginartippiuk? Taava illiusimassaaq suliffitsinni pisariaqartitarput.

Suliassat akisussaaffiillu:

Meeqqanut suli atualinngitsunut perorsaanikkut inerikkiartuutaasumik ulluunerani neqeroorutit pillugit Inatsisartut inatsisaat nr. 16, 3. december 2012-imeersoq atuutsi-nnissaanut akisussaaqataassaatit, tamatumalu saniatigut Qeqqata Kommuniata nittartagaani nassuiarneqarnikuusut, Qeqqata Kommuniata politikkikkut takorluugaat, sulisoqarnermut politikia, Meeqqanut Inuusuttunullu politikki perorsaanikkut anguniakkat malillugit sulissallutit. aammalu ”Kulturikkut ingerlatsineq sunngiffimmilu sammisassaqartitsineq pillugit Inatsisartut inatsisaat nr. 5, 6. Juni 2016-imeersoq” sullitat malinnaavigineqarnissaanut akisussaaqataassaatit, tamatumalu saniatigut Qeqqata Kommuniata Meeqqanut Inuusuttunullu politikkikkut angu-niagaat aammalu pilersaarutaat, perorsaanikkut periusissiatut takorluugaat malillu-git sulissallutit.

Piginnaasassatit:

· Perorsaasutut ilinniagaqartutit

· Aqutsisutut piginnaasaqarluartutit

· Akisussaassuseqarluartutit

· Eqeersimaartuusutit, tunniusimasuusutit nutaamillu eqqarsartartutit

· Tamakkiisumik takunnissinnaassuseqassasutit

· Ulapaarfimmi uippakajaarneq ajortutit

· Nikerarsinnaasutit allannguisinnaasutillu

· Suleqatikkuminartuusutit, kiinneraartutit avatangiisinilu akuersaartumi pata-jaatsuusutit

· Suleqatinut sullitanullu maniguuttoq namminersorsinnaassusilik.

· Ineriartortitsinissamut soqutigisaqartutit

· Susassaqaqatigiit peqatigalugit sulisinnaasutit

· Inatsisinik ilisimaarinnissasutit

· Inunnik sullissinermik nuannarisaqartuusutit soqutigisaqartuusutillu.

· Sullitanik naliginnillutit attaveqarsinnaasutit.

Ilinnut naatsorsuutigaarput:

· Perorsaasutut ilinniagaqarsimassasutit assingusumilluunniit

· Nutaanik pilersitsisinnaassuteqartutit

· Sulianut atatillugu tamakkerlugu isiginnillaqqissuusutit isumassarsiullaqqissuseqartutillu

· Suliffinnut patajaatsuusutit/aalajaatsuussasutit,

· Suliannut akisussaassuseqartutit tunniusimallutillu

· Suleqatigiinnissamut pingaartitsisuusutit suleqatikkuminartutillu

· Qiimasoq/ uummaarittoq aamma nuannaartoq

· Kalaallisut oqalussinnaasoq qallunaatut oqalussinnaasutit (piumasaqaataanngilarli)

· IT qarasaasiamut piginnaasaqartutit

· Suliniutinut nutaanut ammasuusutit, saaffikkuminartuusutillu

· Kaammattuinermik nersorinninnermillu nuannarinnittuusutit

Neqeroorutigissavarput:

· Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Naalakkersuisut kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput

· Inissaqartitsisoqarsinnaavoq, malittarisassat atuuttut malillugit ineqarnermut qaammammut akiliisoqartassalluni

· Akeqanngitsumik timigissartoqarsinnaalluni

· Sulinermi atugassarititaasut pitsaasut

· Sulisut angajoqqaallu akornanni suleqatigiinneq pitsaasoq

· Suleqatit pitsaasut

Akissarsiat, atorfinitsitaanermilu atugassarititaasut:

Akissarsiat atorfeqartitaanermilu atugassarititaasut Namminersorlutik Oqartussat, Nunatsinni Perorsaasut Kattuffiat (NPK) imaluunniit kattuffiup isumaqatiginninniarsin-naatitaasup susassaqartup akornanni isumaqatigiissut atuuttoq naapertorlugu pissapput.

Ulloq aallartiffik: 1. august 2022 isumaqatigiissuteqarnikkulluunniit.

Qaammatini pingasuni misiligummik atorfinitsitsisoqassaaq.

Pineqaatissinneqarsimannginnermut aammalu meeqqanik pinerliisimannginnermut uppernarsaat:

Atorfik matumani pineqartoq pineqaatissinneqarsimannginnermut meeqqanillu pinerliisimannginnermut uppernarsaammik pissarsiniarnissamut pisussaaffeqarneq pillugu inatsimmi ilaatinneqarpoq. Inatsit naapertorlugu kommuni uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit piniarneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Ineqarneq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqar-tarnermut maleruaqqusat qaqugukkulluunniit atuuttut naapertorlugit akiliisoqar-tassaaq. Atorfineqqaarnermi sulisutut ataavartumik initaarnissamut innersuussi-soqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il.il. akiliuteqartoqartassaaq.

Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

Atorfik pillugu paasissutissat annertunerusut Fritidshjemmet Naasoq pisortaanut Paneeraq Petersen-mut, oqarasuaat 865160-mut imaluunniit Meeqqeriviit Allaffiani pisortammut Amos Frederiksen, oqarasuaat 86 74 02 piniarneqarsinnaapput.

Atorfinitsitsineq pissaaq 1. august 2022-mi isumaqatigiinnikkulluunniit.

Qinnuteqaat ilinniarsimanermut uppernarsaatinik, imminut ilisaritinnermik oqaaseqaatinik attaveqarfissamillu ilalik kingusinnerpaamik 27.  juni 2022 uunga tunniunneqassaaq:

Paasissutissat pisariallit:

Qinnuteqaat pinerlussimannginnermut uppernarsaammik, meeqqanik pinerlissimannginnermut uppernarsaammik, ilinniakkanut suliffigisimasanullu uppernarsaammik, ilinniarnermut uppernarsaatinik, sulisitsisumit oqaaseqatinik allanillu PDF-filimut immiussanik ilallugu kommunip nittartagaatigut nassiunneqassapput.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia