Dronning Ingridip Napparsimmavissuani immikkut pisarialinnut nakkutilliivik IMA peqqissaasutut aquts

Ikkunneqarpoq: 14-03-2025

Piffissaq atuuffissaa naassaaq: 04-04-2025

Suliffissamut ID normut: LJA-85992616

Atorfeqarnermi atugassarititaasut: Suliffimmi sungiusartoq/ Ilinniartoq, Tamakkiisoq

Suliassaqarfik: Peqqinnissaq

Dronning Ingridip Napparsimmavissuani immikkut pisarialinnut nakkutilliivik IMA peqqissaasutut aqutsisumik pissarsiorpoq

Peqqissaasuuit pimoorussisoq aqutsinermik misilittagalik, napparsimasut immikkut nakkutigisariallit toqqissinartunik avatangiiseqarnissaat annertuumik ukkassaraajuk? Nuummi Dronning Ingridip Napparsimmavissua peqqissaasutut aqutsisussamik, ilinniakkat akimorlugit avatangiisini immikkoortortamik aqutsinermi inerisaanermilu pingaarutilimmik inissisimaffeqarnissamik kajumittumik pissarsiorpoq.

IMMIKKOORTORTAAQ

Maannamut immikkoortortaq (IMA), pingaarnertut napparsimasunik nakorsaatinik nakorsaanermik immikkoortuneersunik, timip pisataasa arlaat suliunnaarsimasunik, uummalluutilinnillu uninngasoqartarpoq. Maanna immikkoortortami pilatsittunut immikkoortortaneersunittaaq nakkutilliisinnaanngorluta, immikkoortortamik annertusaallutalu sulisunik amerlisaanissamut aningaasaliiffigineqarpugut.

Taamaammat, immikkoortortap ataatsimoorussanngornissaanut, peqqissaasoq suliniutinik immikkut suliaqartoq qanimut suleqatigalugu ikiuuttussatut, ILLIT aqutsinermik misilittagaqarluartutit sapiissuseqarluartutillu atorfissaqartippatsigit.

Immikkoortortaq IMA ataatsimoorussaq nutaaliaasussaq; nakorsaatinik nakorsartittunut immikkoortortameersunut, pilatsittunut immikkoortortameersunut uummalluutilinnullu immikkut nakkutigisarialinnut uninngaviussaaq.

Ilinniakkat akimorlugit qanimut suleqatigiippugut, piginnaaneqarluartunik suleqatigiinnik atorfeqavissunik immikkullu ilinniagalinnik taartaasartunik amerlasuunik sulisoqarpugut. Qanimut suleqatigiinneq sulisoqarnerullu annertuumik eqaatsuunera, avatangiisinik uummaarisunik, illit aqutsisutut immikkoortortami kulturimut/ileqqunut suleriaatsinullu sunniuteqarsinnaaninnik pilersitsivoq. Siunnerfeqarluta ilinniagaqassutsikkut toqqammavigisatsinnik, suleriaatsinik suleqatigiinnerullu aaqqissuussaaneranik nukittorsaalluta, IMA ataatsimoorussaq pissanganartumik ineriartorlunilu allannguiffiusussanngorpoq. Taamaammat peqqissaasutut aqutsisumik, suliniutinik aqutsinermik misilittagaqarluartumik, inerisaanermik tamatuminnga ingerlatsisinnaasumik, pissarsiorpugut.

IMA ataatsimoorussaq aaqqissuussaanikkut Nuummi Dronning Ingridip Napparsimmavissuani pilattaaviup peruluttunillu nakkutilliiviup ataani inissisimavoq. Tassani napparsimasunut isumannaallisaaneq, ilinniagaqasutsikkut qaffasissumik inissisimaneq napparsimasunillu ataavartumik paaqqutarinninneq annertuumik pingaartippagut, peqqissaaneq inummik ataatsimut isiginninnermik tunngaveqapoq, napparsimasut ataasiakkaat imminnut tungiorsinnaassusaannut naapertuussagaalluni, napparsimasoq qanigisaasullu namminneq nappaamminnut nakorsarneqarnerminnullu peqataatinneqarlutillu aalajangeeqataatinneqarput.

SULIASSATIT AKISUSSAAFFITILLU

Aqutsisutut ilinniagaqassutsikkut pitsaassutsitsinnik, sullivimmi avatangiisitsinnik suleqatigiinnitsinnillu inerisaanissami nukittorsaanissamilu pingaarutilimmik inissisimassaatit. Akisussaaffitit makkuussapput:

· Sulisunik, siunnersortinik aqutsisunillu qanimut suleqateqarlutit, allannguinernik aqutsinermi piviusunngortitsinermilu pingaartilimmik inissisimassaatit, tamannalu suliniutinik aqutsillaqqissuunermik piumasaqaatitaqarpoq. Immikkoortortami suleriaatsinik pitsaassutsimillu aaqqissuussamik ataavartumillu pitsanngorsaanissaq qulakkeerniarlugu, ilaatigut PDSA-cirklen (Plan-Do-Study-Act) iluaqutsiullugu aaqqissuussamik periuseqarlutit inerisaanermik pitsanngorsaanermillu ingerlatsissaatit.

· Atorfeqavissunik taartaasartunillu aqutsineq inerisaanerlu

· Immikkoortortami ileqqunik suleriaatsinillu inerisaaqataaneq

· Politikkinik, malittarisassanik maleruagassanillu suliaqarneq nutarterinerlu

· Sulisunik ilinniartitsineq ilitsersuinerlu

· Immikkoortortani aqutsisunik qitiusumillu immikkoortumi pisortanik qanimut suleqateqarneq

· Sulisoqarnikkut qanoq inissisimanermik ataatsimut isiginnissinnaaneq, sulisussarsiniarneq sulisunillu nutaanik atorfinititsineq.

NEQEROORUTIGAAGUT

· Inerisaanermi pingaarutilimmi, immikkoortortap siunissami aaqqisuussaanissaanut suleriaasissanillu ilusiliinissamut, suliniutinik aqutsinermi piginnaasannik atuifigisinnaasanni siuttuunissamut periarfissaq assissaqanngitsoq.

· Aqutsisutut atorfik pissanganartoq unammillernartorlu assigiinngitsorpassuarnik suliassartalik

· Inuttut ilinniagaqassutsikkullu ineriartornissamut periarfissaqarneq

· Suleqatit pimoorussisut sullivimmilu avatangiisit isumassarsinartut, ilinniagaqassutsimik ineriartortuarnissamillu ukkassiviusut

· Ataatsimuussuseq nukittooq, sulisut pimoorussisut sulisullu peqatigiiffiat eqeersimaartoq

· Nunatsinni Peqqinnissaqarfimmi immikkoortortami pingaarutilimmi inerisaanermi sunniuteqarsinnaaneq

PISSARSIARINIAGARPUT

· Qaffasissumik ingerlariaqqiffiusumik, inuussutissarsiummut tunngatillugu qaffasissumik ilinniagaqarpoq, imal. masteritut ilinniagaqarpoq aqutsinermillu misilitagaqarluarluni – imal. aqutsisutut ineriartornissamut kujungerluni piginnaneqarlunilu

· Peqqissaasutut pimoorussisuuvoq misilittagartooq suliniutinik nutaanik inerisaanissamut kajungertoq

· Ilinniakkat immikkoortortallu akimorlugit pitsaasumik suleqatigiissitsisinnaasoq

· Ilungersunartorsiornerni ataatsimut isiginninnermik attassisinnaasoq eqqissisimasumik, pissutsit piviusut aallaavigalugit periusilik

· Kulturit akimorlugit sullivimmi avatangiisinik iluarinnittoq unammilligassanilu periarfissanik nasaarsinnaasoq

· Qungujunnartunik nuannarisalik illarumatoorlu – sullivimmilu avatangiisinik pitsaasunik pingaartitsisoq

Tamakku tamaasa piginnaaneqarfiginngiligit? Ajunngilluinnarpoq! Pingaarnertut pissarsiariniagarput tassaavoq eqqortumik kinaassusilik, kajungertoq piukkunnartorlu – immikkut piginnaaneqarfissat peqatigiilluta inerisarsinnaavagut.