sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Akileraartarnermut Aqutsisoqarfik soraarnerussutisianut suliassaqarfimmi allaffimmi fuldmægtigissarsiorpoq/siunnersortissarsiorpoq

Namminersorlutik Oqartussat

Nuuk
Ikkunneqarpoq: 23-09-2021
Piffissaq atuuffissaa naassaaq: 23-10-2021
Suliffissamut ID normut: LJA-82702710
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq

Akileraartarnermut Aqutsisoqarfik soraarnerussutisianut suliassaqarfia suliffiuvoq pissanganartoq suliassanik unammillernartunik peqarluartoq kiisalu sulinermut piginnaasanik ineriartorfiulluarsinnaasoq.

Akileraartarnermut Aqutsisoqarfik siunnersortissarsiorpoq suleqatigiinni pingasunut ilaasussamik, taakkulu Aningaasaqarnermut Naalakkersuisoqarfik, soraarnerussutisianik aqutsisut soraarnerussutisiaqalernissamut aaqqissuussinermut peqataasussaatitaanermut suliaqarnermi immikkoortut allat  qanimut suleqatigaat. Suliassat taamaattumik assigiinngitsorujussuupput.

Soraarnerussutisianut suliassaqarfimmi sulisut assigiinngitsorpassuarnik suliaqartarput illillu misilittakkatit piginnaasatillu malillugit ersarinnerusumik aalajangersarneqarumaarlutik.  Immikkut akisussaaffik tassaassaaq innuttaasunut tunngatillugu sulianik sullissineq ilitsersuinerlu kiisalu soraarnerussutisianut assigiinngitsunut atatillugu sulinermik nalunaarsuiffik Nakkutilliinermillu Allaffik isumasioqatigalugit ingerlallugit.

Illit akisussaaffiit

  • Soraarnerussutisiaqalernissamut aaqqissuussinermut peqataasussaatitaaneq pillugu innuttaasunit saaffiginnissutinik suliaqarneq ilitsersuinerlu.
  • Atortunik suleriaatsinillu nutaanik inerisaanermi peqataaneq.
  • Nunani allani soraarnerussutisiaqartitsivinnut tapiissutinut qinnuteqaatit suliarineri
  • Soraarnerussutisiaqalernissamut aaqqissuussinermut peqataasussaatitaaneq pillugu ukiumoortumik naatsorsuutinik nassiussuinissamut piareersaaneq.
  • Soraarnerussutisianik aaqqissuussinermik piffissaatinnagu atorunnaarsitsinermik nalunaarutinik tigusineq naligiissaarinerlu.

Illit pillutit
Atorfimmit assingusumit misilittagaqarnissat ilinniarsimanissallu kissaatiginarpoq. Naatsorsuutigineqarpoq nalinginnaasumik naatsorsuusiornermik, kukkunersiuinermik assigisaannillu ilinniagaqarlutillu sulinermik misilittagaqarnissat, ass. naatsorsuusiornermik suliaqarnermik, soraarnerussutisianik aqutsinermik imaluunniit assingusumik ilinniagaqarnermik sulisimanermilluunniit.  Akileraartarneq pillugu inatsimmik ilisimasaqarneq misilittagaqarnerlu iluaqutaassaqaaq.

Ulloq sulilerfissaq
Atorfik piaarnerpaamik imaluunniit isumaqatigiissuteqarnikkut inuttalerniarneqarpoq.

Paasissutissat sukumiinerusut
Atorfik pillugu paasisaqarnerorusukkuit Akileraartarnermut Aqutsisoqarfimmi allaffimmi pisortaq Miki Jensen mikj@nanoq.gl-imut attavigisinnaavat.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia