sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Akileraaruserisussaq

Namminersorlutik Oqartussat

Nuuk
Ikkunneqarpoq: 05-06-2020
Piffissaq atuuffissaa naassaaq: 27-06-2020
Suliffissamut ID normut: LJA-80405335
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq

Namminersorlutik Oqartussani
Akileraartarnermut Aqutsisoqarfik
nutaamik sulisussarsiorpoq



Akileraartarnermut Aqutsisoqarfimmi sulisuunissat kajumigaajuk ullullu assigiinngisitaartut pissanganartullu atussallugit iluaraajuk taava neriuppugut tusarfigissallutit.

Akileraaruserisussamik suliaqartussamik ataatsimik pissarsiorpugut 1. juli 2020-miit imaluunniit isumaqatigiissuteqarnikkut atorfinittussamik.

Qinnuteqartup piginnaasai apeqqutaallutik atorfinitsitsinissaq pissaaq Akileraaruserinermi Kukkunersiuinermut Allaffimmi imaluunniit Akileraaruseriffimmi, taakku Akileraarutit Nakkutilliinerillu Immikkoortortaqarfiup ataaniillutik.
Akileraaruserinermi Kukkunersiuinermut Allaffimmi atorfininnermi Nuummi suliffeqarfimmi inissisimassaaq,  Akileraaruseriffimmilu atorfininnermi Ilulissani suliffeqarfimmi inissisimalluni.

Akileraaruserinermi Kukkunersiuinermut Allaffimmi ilaatigut suliaraagut Selskabit namminersorlutillu ingerlassaqartut akileraartarnermut tunngatillugu misissuiffigisarneri, siunnersuisarnerit ilitsersuisarnerillu.

Akileraaruserinermi Kukkunersiuinermut Allaffimmi sulisutut pingaarnertut suliassaraatit
 

  • Akileraartarnermut tunngatillugu suliffeqarfiit misissuiffigineqarneri
  • Nammineerluni nalunaarutit naatsorsuutillu misissuiffigineri
  • inaarummik naatsorsuutit allannguiffigeqqullugit qinnuteqatit akineqarneri
  • Ornigulluni misissuiartornermut peqataanerit
  • Apeqqutinut nalinginnaasunut aamma  akileraaruserinermut tunngatillugu apeqquteqaatinut immikkut ittunut akissuteqarnerit
  • Nalinginnaasumik allaaffimmi suliassanngortunik sulineq

Akileraaruseriffimmi sulisutut pingaarnertut suliassaraatit
-      Akileraartarnermut tunngatillugu akissarsiortut nammineerlutik nalunaarsuutaat         misissuiffigalugu, tassunga atatillugu akissarsiortut isertitaanik inaarineq

-      Inaarutaasumik naatsorsuutit suliarineqarneri

-      Kiisalu akissarsiortut isertitaanik inaarinermi suliassat nalinginnaasut allat.

Akileraaruserinermi Kukkunersiuinermut Allaffimmi atorfimmut piginnaasassatut piumasaqaatit
Takorusupparput suliamut paasisimasaqarnerit aamma assingusumik atorfeqarnermi misilittagaqarnerit, naatsorsuutigineqarpoq teorimik aamma sulisimaninni naleqquttumik misilittagaqarnerit aamma nalinginnaasumik naatsorsuuserinermik ilisimasaqarnerit, kukkunersiuinermi assigisaanilluunniit soorlu naatsorsuuserinermi suliaqarsimaneq/ naatsorsuusiornermi ikiortaasimaneq.  

Pingaaruteqarpoq suleqammit ilinniartinneqarnermi aamma / imaluunniit ilinniaqqinnikkut sammisamut soqutiginnittuunerit nutaanillu ilisimasaqalernissamut kajumissuseqartuunerit.

Akileraaruseriffimmi atorfimmut piginnaasassatut piumasaqaatit
Suliaqarfitsinni suliamut paasisimasaqarnerit aamma assingusumik atorfeqarnermi misilittagaqarnissat naat-sorsuutigaarput, kisitsisilerinermut piginnaaneqassaatit, peqqissaartuuneq aammalu suleqatikkuminartuuneq piginnaasaqarfigilluassallugit. Iluaqutaassaaq akileraarusiisarnermut inatsisinik ilisimasaqarluaruit soorlu iluaqutaalluinnassasoq marlunnik oqaaseqartuuguit kalaallisut/danskisullu aammalu tuluttut oqaatsinik atuisinnaasuuguit.

Atorfinnut taakkununnga atuuttut
Oqaloqatigiiffigiuminartumi pimoorussiffiusumili, ilaannikkullu ulluinnarni ulapaarfiusinnaasumi sulinissat kissaatigivat, ulapaarneq nuannarisuullugu, inatsisinik aaqqitassanillu nutaanik paasinnissinnaassuseqarlutit. Pitsaasumik suleqatiginnissinnaassuseqartuuvutit, paatsuunganartunik suliassanik oqaatsitigut allakkatigullu ersarissumik saqqummiussisinnaallutit.

Atorfinitsitaanermi atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu anga-lanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Ineqarneq
Atorfimmut Nuummiittumi inissaqartitsisoqanngilaq.
Atorfimmut Ilulissaniittumi atorfimmut malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Qinnuteqartoq Namminersorluni Oqartussani atorfeqarnerminut atatillugu ineqareersimappat inigisaq pigiinnarneqassaaq. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Atorfik pillugu saaffiginninneq
Atorfik pillugu paasissutissanik annertunerusunik pissarsinissamut tikilluaqquneqarputit attavigissallugu allaffimmi pisortaq Debora Møller, oqarasuaat 34 65 06, e-mail demo@nanoq.gl

Eqqaamajuk atorfik sorleq qinnutiginerlugu ersarissarnissaa.

Qinnuteqaat ilinniarsimanermik siusinnerusukkullu suliffigisimasamik paasissutissartalik, soraarummeer-simanermut uppernarsaatit assilinerannik oqaaseqaatinillu il.il. ilanngussartalik, “Qinnuteqaat nassiuguk” toorneratigut piareersarsinnarlugu nassiunneqassaaq.
Qinnuteqaat e-mailikkut nassiunneqassanngilaq.
Qinnuteqarnissamut killissarititaq: Qinnuteqaat Akileraartarnermut Aqutsisoqarfimmit tiguneqareersimassapput kingusinnerpaamik tallimanngornermi ulloq 26. juni 2020.



 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut Nuummiittumi inissaqartitsisoqanngilaq.
Atorfimmut Ilulissaniittumi atorfimmut malittarisassat qaqugukkulluunniit atuuttut
naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffissat assigusut