Malugiuk atorfimmut allagarsiissutaasumut matumunnga piffissaliussaq naareerpoq! Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Akiligassalerisumik sulisussarsiorneq
Ikkunneqarpoq: 12-02-2025
Piffissaq atuuffissaa naassaaq: 28-02-2025
Suliffissamut ID normut: LJA-85946673
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq
Akiligassalerisumik (Kreditorbogholder) sulisussarsiorneq – Greenland Airports A/S-ip – Mittarfeqarfiit Nuummi qullersaqarfianut
Atorfik pissanganartoq neqeroorutigaarput kreditorbogholderitut, tassani akiligassanut tunngatillugu suliaqarfiit tamaasa akisussaaffigissavatit. Taamaattumik ulluinnarni ingerlatsinermut ineriartortitsinermullu tunngasunik suliaqassaatit.
Suliassatit:
Greenland Airports A/S – Mittarfeqarfiit akiligassanut immikkoortortaqarfia akiligassat allagartaqarfiani (faktura) tamani aqutsisuussaaq, qulakkeerinnissallunilu akiligassat akuerisaasut akilerneqarnissaat.
Akiligassanut immikkoortortaqarfimmi suliassatit makkuussapput:
- akiligassanut ingerlatsinermi programmi atorlugu akiligassat uppernarsarlugit
- akuerisassanngorlugit ingerlateqqillugit aammattaarlu naatsorsuusianut akisussaaqataaneq
- akuerineqartut akilernissaannik isumaginninneq
- atatillugu naatsorsuutinik misissuinissaq aammalu malitseqartitsineq misissuinerlu
- aammalu akiligassanut immikkoortortaqarfiup naatsorsuutaata naatsorsuutigineqarnissaata isumangineri
- aningaasartuutinik suliaqarneq aammalu angalanermut aningaasartuutissanik siumoortitsineq
- nalunaarusiassanik nalunaarsuineq
- tunngatillugu apeqqutinut saaffiginnissutinut tamanut akisisarneq
Piginnaasatit:
AU-mik imaluunniit allaffimmiutut ilinniarsimasuuvutit, minnerpaamillu ukiuni pingasuni misilittagaqarlutit. Readsoft, AX2012, D365 imaluunniit aningaasaqarnermut ingerlatsinermut systeminik allanik misilittagaqaruit iluaqutaassaaq, Office pakkemillu atuisinnaallutit.
Taamatuttaaq IT-mut piginnaasaqarluarlutit, allattariarsornikkut oqalunnikkullu ersarilluartumik paasissutissiillaqqillutit, kalaallisut, aamma / imaluunniit danskisut tuluttullu paasissutissiilluarsinnaavutit, aammalu makkuninnga saniatigut piginnaasaqarlutit:
- sullarissuusutit
- / ilakkuminartuusutit
- suleriusitigullu ineriartortitsinissamik soqutigisaqartuuvutit
- naapikkuminartuusutit
- pingaarnersiuillaqqissuusutit
- akisussaassuseqarlutit, pitsaassutsimik sulisunut akulerutillaqqissuullutillu
Isumannaallisaanermut akuerisaaneq:
Atorfimmut atorfinitsinneqassaguit, uppernarsarneqarsinnaasariaqarpoq isumannaallisaanermut akuerineqaqqaarnissat. Pineqaatissinneqarsimannginnermut uppernarsaat aammattaaq ilanngunneqassaaq. Pinerluuteqarsimannginnermut uppernarsaat ilanngullugu nassiunneqassaaq. Paasissutissanik piniarneq najukkami politeeqarfiimut aaneqarsinnaavoq imaluunniit www.sullissivik.gl aqqutigalugu.
Atorfimmut atatillugu atugassarititaasut:
Atorfik unamminartoq, pissanganartoq namminersorsinnaassusermillu suliffiuvoq. Akissarsiat inunnut ataasiakkaanut naleqquttut, piginnaasat misilittakkallu aallaavigalugit akissarsiaritinneqassapput, kiisalu maleruagassaat naapertorlugit feeriartarnermut periarfissaqarlutit – kiisalu immikkut sapaatip akunneranik ataatsimik feeriarneqarsinnaalluni. Atorfik sapaatip akunneranut 40 tiimit suliffiuvoq.
Suliffeqarfimmi ukiuni arlalinni angusaqarluarsimasumi atorfik pissanganartoq neqeroorutigaarput, Kalaallit Nunaanni avammut sammisumik suliffimmi. Suleqatitit suliffeqarfiup immikkoortortaqarfiini assigiinngitsuni suleqatigisassavatit. Greenland Airports A/S – Mittarfeqarfiit - mi suliffik pissanganartoq ulapaarsiulluartorlu ineriartornartumik avatangiiseqarlunilu suleqatit pikkorissut tunniusimasullu suleqatigisassavatit.
Ineqarnermut tunngasut:
Atorfimmut atatillugu sulisunut inissiamik innersuussisoqanngilaq.
Paasissutissat sukumiinerusut:
Atorfimmut apeqqutissaqaruit, akiliisitsiniartarfimmi immikkoortortaqarfimmi aqutsisoq Nukaaraq L. Kristensen oqarasuaatikkut attavigisinnaavat: +299 38 43 67. Aamma HR-imut apeqqutissaqaruit, e-mailikkut saaffiginnissinnaavutit: HR@mit.gl.
Qinnuteqarniaruit:
Qinnuteqaatit, CV-it kiisalu ilinniarsimanermut uppernarsaatit link ataaniittoq toorlugu nassiunneqassapput kingusinnerpaamik 28. februar 2025.
MALUGIUK: Qinnuteqaatit e-mailikkut tiguneq ajorpagut. Taamaattumik e-mailikkut nassiunneqartut tiguneqarsinnaanngillat.