sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Akunnaaq søger overassistent

Kommune Qeqertalik

Aasiaat
Ikkunneqarpoq: 27-10-2020
Piffissaq atuuffissaa naassaaq: 20-11-2020
Suliffissamut ID normut: LJA-81317119
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq

Akunnaami Sullissivik Overassistentimik sulisussarsiorpoq

 

Kommune Qeqertalik Akunnaami Sullissivimmi Overassistentimik 1. december 2020 imaluunniit isumaqatigiissuteqarnikkut sulilersussamik sulisussarsiorpoq. Kommune Qeqertalik Akunnaaq allaffimmiumik saaffiginnittunik sullissisinnaasumik, nunaqarfimmi aqutsisunut allattaasinnaasumik pissarsiorpoq, taamaattumik soqutiginnikkuit una allagarsiussaq atuarlugu ingerlaannariannguarit.

Illoqarfimmi Pisortaq toqqaannartumik pisortarissavat – Sulisoqarnermut allaffissornikkut sulianik ingerlatseqataassaatit aammalu kommunip immikkoortortaqarfii allat sullisissallugit aammalu attaveqarfigisarnissaat akisussaaffigissavat. Kiisalu soqutiginartunik atorfimmi suliassanik akisussaaffinnillu pissanganartunik suliassaqarputit.

Suliassaqarfiit akisussaaffiillu:

  • Piniarnermut allagartanik qinnuteqaatit suliaralugit.
  • Piniarnermi pisassiissutigineqartut - Tuttunut, Umimmannut akuersissutinik tunniussineq, Kapisilinnut akuersissutit, Qaleralinniarnissamut aammalu saarullinniarnissamut akuersissutit, Qilalugartassiissutit, Tikaagullittassiissutit akuerineri suliarineri pisarineqartullu nalunaarutigalugit.
  • Teknikkeqarfiup ataani sulliviit nakkutiginerini suleqataaneq, suliakkiineq pisariaqartitsiner-lu malillugu sulisussarsiorneq.
  • Kommunit illuutai, A/S INI inaataanik nakkutiginninneq isumaginninnerlu.
  • Ullut 14-ikkaarlugit akissarsialinnik nalunaarutiginninneq kiisalu qaammammut tiimimut allattuiviit isumagineri.
  • Akiliisitsiniartarfimmut innersuussinerit.
  • Nunaqarfimmi aqutsisut ataatsimiissutissaat kiisalu imaqarniliorneri agguaassorlugit.
  • Ineqarnermut tapiissutinik qinnuteqaatit isumagalugit.
  • Suliffissarsiortunik nalunaarsuineq, sullissinerlu.
  • Suliassat takkussuuttut assigiinngitsut isumagalugit.

 

Naatsorsuutigaarput:
Allaffissornikkut ingerlatsisarnerup iluani ilinniagaqartutit imaluunniit naleqquttumik suliffeqarfinni allaffissorluni ingerlatsinermik misilittagaqartutit, qallunaatut kalaallisullu allassinnaallutit oqalussinnaallutillu.

Inuttut illit: 

Aaqqissuussaasumik sulisarputit, torersaartuullutit sullissillaqqissuullutillu. Tusarnaartarputit isummatillu pitsaasumik siunertalimmik annittarlugit attaveqatigiinneq ajunngitsoq attanneqarluni.

Akissarsiat atorfininnermilu atugassarititaasut:

Atorfininnermi atugassarititaasut, tamatuma ataani akiliunneqarluni atorfininnermut atatillugu angalaneq kiisalu pigisat assartorneqarnerat, Naalakkersuisut Kattuffiullu isumaqatigiinniarsinnaatitaasup akornanni isumaqatigiissutit atuutsinneqartut naapertorlugit atorfinitsitsisoqassaaq.

 

Atorfimmut atatillugu inissaqartitsisoqarpoq.

Atorfimmut paasissutissat sukumiinerusut Illoqarfiup pisortaanut Arne S. Reimerimut oqarasuaat 38 70 61

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia