sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Allaffimmi pisortap qitornartaarnermi sulinngiffeqarnisaanut paarlatsissarsiorneq - Nunanut allanut allaffeqarfik

Namminersorlutik Oqartussat

Nuuk
Ikkunneqarpoq: 05-03-2021
Piffissaq atuuffissaa naassaaq: 26-03-2021
Suliffissamut ID normut: LJA-81799187
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq

Nunanut allanut nukissiuutinullu Naalakkersuisoqarfimmi allaffimmi pisortaq qitornartaarnermi sulinngiffeqarnisaanut paarlatsissarsiorneqarpoq. Sulinngiffeqarnissaq kingusinnerpaamik 1. Maj 2021 aallartissasoq, 31. Maj 2022-illu tungaanut pissasoq naatsorsuutigaarput. Allaffiup pisortaa Naalakkersuisoqarfimmi pisortaanermut attaveqarpoq, Naalakkersuisoqarfimmili pisortaqatigiinni ataatsimeeqataasarluni.

Nunanut allanut allaffeqarfik 
Nunanut allanut allaffeqarfiup Naalakkersuisut nunanut allanut tunngassutilinnik toqaannartumik sullippai. Allaffiup suliassat assigiinngitsut akisussaafigai, Issittumilu suleqatigiiffinni suleqatigiinnermut tunngasut immikkut sammisaralugit, soorlu Nalagaaffiit peqatigiit, illersorneq sillimaniarnerlu, nunanut allanut niuernermi politikki, kiisalu nunanut avannarlernut suleqateqarneq.
Allaffimmi allaffimmiut arfineq pingasuupput, taakkuli akornanniipput specialkonsulentit, AC- fuldmægtigit kiisalu ilinniartut ikiortitut sulisorineqartut.

Illit suliassatit    
Allaffimmi allaffimmiut arfineq pingasut sulineranni aqutsisuussaatit, tassungalu ilanngullugu Nunanut allanut Naalakkersuisup pisortaanerullu sullinnissaa isumagisarissavat.

Naatsorsuutigissavat ulapaarfiusumi soqutiginarluinniartumilu sulinissat, suliarpassuit assigiinngiataartut politikkikkut aallaavillit, allaffissornertigullu isumagisariallit. Atorfimmi assigiinngiiartaartunik suliassaqartarpoq, annertuumillu akisussaaffeqarluni, taamaattumillu unnukkut sapaatillu akunnerisa naanerini sulisarnissaq naatsorsuutigineqassaaq. Suliat nikerarneri aallaavigalugit suliat assigiinngitsut suliarisarnissaat naatsorsuutigissavat, taavalu piffissap ilaani suliassat tuaviuussassat takkuttassapput, pingaarnersiuillunilu tulleriaarisarnissat pisariallit suliarinisaat naatsorsuutigineqassalluni.

Allaffimmi pisortap suliai, Naalakkersuisup, soqutigisaqaqatigiilluni suliniaqatigiiffiit, nunani allani suleqatit, sulisunik sinniisoqarfiit kiisalu allaffimmi sulisut Naalakksersuisoqarfimmilu sulisut akornanni qitiusumik inissisimapput. Tamanna isumaqarpoq allaffiup pisortaa isummertarnernigut allajaatsuussariaqartoq, pisortatut sulinermit misilittagaqartariaqartoq, annertuumilllu politikkikkut sulianik ilisimasaqarlunilu paasisimasaqartariaqartoq, politikkikkut pingaarnersiunermi tulleriaarisarnernut tunngasunik paasisimasaqartariaqartoq, allaffissornertigullu politikkerit aaliagingaannik atuutsitinissamik ingerlatsisinnaasariaqartoq. Allaffiup pisortaanut ulluinnarni suliassat unammillernartut pisortatut sulisinnaanermik, pingaarnersiuilluni tulleriaarisinnanermik, anguniakkamik angusaqarsinnaanermik, pitsaassutsimik isummaarisinnaanermik kiisalu oqaloqatigiissinnaanermik, sulisullu akornanni ataavartumik attaveqatigiissinnanermik, pisariaqartitsipput.

Allaffiup pisortaa Naalakkersuisoqarfimmi pisortaqatigiinni peqataasarpoq, pisortaqatigiillu peqatigalugit Naalakkersuisoqarfiup suliffeqarfittut isumannaatsumik ingerlanneqarnissaanik isumannaarisussaapput. Naalakkersuisoqarfimmi pisortat suliffeqarfimmi akaareqatigiinnerup nukittorsartuarnissaa patajaatsuunissaalu pingaartippaat. Taamaattumillu illit allaffiup pisortaatut isummersuisarnissat, kaammattuisarnissat, sulianik agguaassisarnissat, nersualaarinnittarnissallu pisariaqarpoq. Sulisutit suliaminnik iluatitsilluartarnissaat aqqutissiussavat, sulisullu ataasiakkaat suliaminik akisussaallutik ingerlatsisarnissaat salliutissavat, pingaartissavat allaffimmi sulinermi suliat sukkasuumik isumagineqartarnissaat, taamalilluni suleqatigiilluarnikkut atorneqarsinnaasunik patajaatsunillu angusaqartarnissaq isumannaarneqassalluni.

Pisinnaasat   
Ingerlaqqiffiusumik ilinniagaqarputit, ukiut arlariit pisortani suliffeqarfinnililuunniit namminersortuni allaffissornermi pisortatut atorfeqarsimanermik misilittagaqarputit.
Attaveqaqatigiittarneq pitsaassutsimillu isumannaarinnittarneq suliassarni pingaaruteqaqimmata, piumasaqaatigaarput oqallorissuunissat, minnerunngitsumik allattariarsornikkut.

Ilanngullugu naatsorsuutigaarput:
Pisortatut misilittagaqarnissat, pisortatut aqutsillaqqissuunissat
Politikkikkut aaliangiiniartarnerit ingerlariaasiat paasisimasaqarlutillu ilisimasaqarfigissagitit
Kalallit Nunanni nunanut allanut pissutsinik soqitiginnissasutit
Ulluinnarni ulapaarsiusuni allanngrartunillu suliaqarfiusuni sungiusilluarsimanissaq
Sullissinissamut tunngatillugu aaqqissuussamik suleriartarnissaq, suliakkiunneqartut piffissaq eqqorlugu tunniussinnaassallugit.
Suleqatigiissinnaassuseqarneq ulapaarfiusumilu eqqissilluni ukkissisinnaneq
Aaqqiissutissanik siunnersuisinnaaneq nuannersunullu eqqummaarinneq
Allaffissornertigut sammisatigut inuttullu unammillernartoqartillugu aaqqiissuteqarsinnaaneq
Politikkikkut sullissinermik aallaaveqarluni sulinermi malunnaatilimmik suliaqarsinnaaneq
Oqaatsinik piginnaasaqarneq - Kalaallit oqaasiinik, danskit oqaasiinik aamma tuluit oqaasiinik piginnaaneqarneq
Nunatsinni inuiaqatigiinni pissutsinut ilisimasaqarluarneq.

Neqeroortigaarput
Atorfik pissanganartoq kiffaanngissuseqarfilik nunarsuarmioqatigiinnillu tamanit soqutigineqartoq.
Suliffik ulapaarfiusoq, suleqatit pitsaasut, akunnerminnilu pingaartorsioratik attaveqatigeeriaasillit, suliffik suleqatigiit suliffigissaarnissaanik pimoorussilluni pingaartitalik.

Sillimaniarnikkut akuerisaaneq
Atorfimmut akuerisaanissamut piumasaqaataavoq maleruagassat naapertorlugit sillimaniarnikkut akuerisaanissat. Taamaattumik kaammattuutigissavarput siulliullugu pinerlussimannginnermut uppernarsaammik nassiusissasutit. Taanna najugaqarfinni politeeqarfimmi, imaluunniit internetikkut www.politi.dk/bestil/bestil-straffeattest pissarsiarisinnaavat.

Atorfininnissamut atugassarititaasut
Akissarsiatigut aamma atorfeqartitaanermi atugassarititaasut, taakkununga ilanngullugit atorfinikkiartorluni soraarlunilu angalasinnaatitaanermut aamma pequtit nuunneqarsinnaanerat akiliunneqartarneq, Namminersorlutik Oqartussat aamma pineqartup kattuffiata isumaqatiginninniarsinnaatitaasup akornanni atorfinitsitaanermi piffissami atuuttumi isumaqatigiissutaasa/sulisunut isumaqatigiissutaat naapertorlugit ingerlanneqartarput.
Sapaatip akunneranut 40 tiimit sulisassaaq.

Ineqarneq
Atorfimmut atatillugu sulisunut inissiamik utaqqiisaasumi maleruagassat atuuttut naapertorlugit innersuussisoqarsinnaavoq, tassanilu maleruagassat atuuttut malillugit inimut akiliisinneqartassalluni, ineqarnermit ingerlatsinermut aningaasartuutit matussuserneqassallutik, kiisalu inip pequsersorneqarneranut aningaasartuutit matussuserneqarnissaat ilanngunneqassalluni. Suliunnaarnermi ini qimanneqassaaq. Atorfillip ineqarnermi piumasaqaatinut tunngasut arlaatigut sumiginnarpagit, anisitaanermillu kinguneqartinneqarpat, inimik allamik neqeroortoqaqqissanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa.

Paasissutissanik annerusumik perusukkuit
Qinnuteqaatit kingusinnerpaamik 25. marts 2021 tigoreersimassavarput
Naatsorsuutigaarput sap. ak. 12-13-imi qinnuteqartunik oqaloqateqarnerit ingerlatissallugit.
Naatsorsuutigaarput atorfininnissaq 1. Maj 2021 imaluunniit piaartumik isumaqatigiissuteqarnerup kingorna.
Qinnuteqaat ilinniarsimasanut suliffigisimasanullu uppernarsaatit kiisalu pinerlussimannginnermut uppernarsat, soraarummeernermut uppernarsaatit nassiunneqassapput nittartakkami "qinnuteqaat nassiuguk" toorlugu.

E-mail-ikkut qinnuteqaatinik tigusineq ajorpugut.
 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffissat assigusut
Styrelsen for Sundhed og Forebyggelsen - Personaleadministrationen
Styrelsen for Sundhed og Forebyggelsen - Personaleadministrationen
Styrelsen for Sundhed og Forebyggelsen - Personaleadministrationen