sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Allaffimmi pisortaq - attaveqaqatigiinnermut immikkoortortaqarfiup imarsiornermut allaffia

Namminersorlutik Oqartussat

Nuuk
Ikkunneqarpoq: 21-12-2020
Piffissaq atuuffissaa naassaaq: 21-01-2021
Suliffissamut ID normut: LJA-81505887
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq

Kalaallit Nunaanni attaveqaqatigiinnermut tunngasut ineriartupiloorput – attaveqaqatigiinnermullu immikkoortortaqarfik ulapaarfiuvoq.

Allaffimmi sulianut immikkut ilisimasalinnik suleqateqarnissaminik kajumissuseqartumik, allaffissornermillu piginnaaneqartumik allaffimmi pisortassarsiorpugut. Attaveqaqatigiinnermut immikkoortortaqarfik siammasissumik suliassaqarfeqarluni ulluinnarni ulapaarfiuvoq.

Tamanit eqqummaariffigineqarluni aaqqissuussaanermi isumaqatigiissutinik aqutsinermik, Naalakkersuisullu politikkikkut anguniagaasa piviusunngortinneqarnissaannik inatsisilerinikkut allaffissornikkullu suliaqarfiusumi atorfik pineqarpoq.  

Atorfik pillugu nassuiaat
Ineqarnermut Attaveqaqatigiinnermullu Naalakkersuisoqarfimmi immikkoortortaqarfiit sisamaapput, imarsiornermut immikkoortortaqarfillu Attaveqaqatigiinnermut Immikkoortortaqarfiup ataaniilluni. Immikkoortortaqarfimmi allaffinni marluusuni aapparivaa.

Attaveqaqatigiinnermut immikkoortortaqarfiup ”nunamut, immamut silaannarmullu” tunngasut iluini suliassanik pilersaarusiorneq, ataqatigiissaarineq suliaqarnerlu isumagisarai, taamaattumillu imarsiornermi, silaannakkut angallannermi, mittarfeqarnermi, umiarsualiveqarnermi, nalunaarasuartaateqarnermi aammalu nunakkut imaatigullu assartuussinermi suliassaqarfinnut akisussaasuulluni.

Attaveqaqatigiinnermut immikkoortortaqarfik siammasissunik suliaqarpoq, nunarujussuarlu siammasissunik najugaqarfeqartoq, attaveqaatillu ingerlalluarnissaannik pingaartitsiviulluinnartoq sullitaralugu.

Namminersorlutik Oqartussat umiarsualiviinut imarsiornermut allaffik qitiusumik oqartussaavoq, tamatumalu saniatigut Namminersorlutik Oqartussat nuna tamakkerlugu umiarsualiviutaasa nutarterneqarnissaannut, aserfallatsaalineqarnissaannullu akisussaasuulluni. Tamatuma saniatigut imarsiornermut suliassaqarfik allaffiup isumagisaraa, taamaattumillu suliassat suliarineqartarnerini nunanik assigiinngitsunik siammasissumik suleqateqartarluni, Namminersorlutik Oqartussanilu Naalakkersuisoqarfiit sinneri akimortumik attuumassuteqarfigalugit.

Attaveqaqatigiinnermut Immikkoortortaqarfimmi suliat politikkikkut eqqumaffigineqartorujussuupput, aammalu tamanit tusagassiorfinnillu soqutigineqarluni. Suliassat suleqataaffigisagut innuttaasut tamarmik ulluinnarni atugaannut pingaaruteqartorujussuupput, nunatsinnilu ineriartorfiusinnaasut piviusunngortinneqarnissaannut isumaqartorujussuullutik.

Teknikkimut, aningaasaqarnermut, misissueqqissaarnernut, inatsisinut allaffissornikkullu suliassanut tunngasunik allaffimmi sulisunik siunnersueqatiginnissinnaasumik allaffimmi pisortassarsiorpugut. Tamatuma saniatigut immikkoortortaqarfimmi sulisut pisortarlu, Naalaakkersuisoqarfimmilu pisortat allat suleqatigalugit attaveqaqatigiinnermi suliassaqarfiit akimorlugit sulinermut allaffimmi pisortaq nukittorsaaqataassaaq.

Suliassat siumut ingerlannissaannut piginnaaneqaruit, politikkikkut oqaluuserisassat atuuttut tunngavigalugit suliassat ataavartumik tulleriiaarsinnaagukkit, aammalu suleqatit pisortallu suliani suleqatigisinnaagukkit atorfimmut naleqqussimassaatit.

Attaveqaqatigiinnermut Immikkoortortaqarfimmi sulisut suliassaminnik namminneq suliaqartarlutik, suliassaminnullu kiisalu aningaasaqarnermut akisussaaffeqarlutik sulisuupput pikkorissut namminersorlutik sulisinnaasut. Allaffimmi sulisut allat peqatigalugit tunngavissanik pitsaasunik isumannaatsunillu pissarsiniarnissaq pitsanngorsaanissarlu suliassarissavatit, taakkulu atorlugit immikkoortortaqarfimmi pisortap politikkikkut aalajangiisartut aamma Naalakkersuisoqarfimmi pisortaq siunnersorsinnaassallugit.

Suliat avatangiisini ulapaarfiusuni suliatigullu unammillernartuni ingerlanneqarput, tassanilu sulinermik nuannarisaqarneq akisussaaffeqarnerlu angusanik pitsaasunik, tulluusimaarutigisinnaasatsinnik inerneqartarput.

Ataatsimooqatigiinneq pitsaasuuvoq pingaartorsiorfiunanilu, aammalu ulluinnaat amerlanertigut ulapaarfiusut isumagissaarnermik sunnersimaneqartarput. Suliffeqarfiuvugut inissaqartitsiviulluartoq, suleqatigiit nuannersumik ataatsimoorfigisaat aammalu sulinerup iluani ilaqutariittullu inuunerup ataqatigiinnissaannik ataqqinniffiusoq.

Kandidatitut ilinniarsimasumik, ajornanngippallu aaqqissuussaanermi aningaasanut inatsimmik suliaqarfiulluni politikkikkut aqunneqartumi ukiuni arlalinnik misilittagaqareersumik aallaavittut pissarsiorpugut. Qinnuteqartoq piukkunnaateqarluartoq aamma imarsiornermut tunngasunik misilittagaqassaaq. Kalaallisut oqaaseqaruit pitsaassaqaaq, piumasaqaataanngilarli.

Tusarfiginissat qilanaaraarput, aammalu Kalaallit Nunaanni naalakkersuisuni sulineq, attaveqaqatigiinnermut immikkoortortaqarfiup suliai, sullivippullu pitsaasoq pillugit paasissutissanik tunniussinissamut piareersimavugut.

Pinerluuteqarsimannginnermut uppernarsaat
Atorfimmi atorfinissinnaassaguit, malittarisassat naapertorlugit pinerluuteqarsimannginnermut uppernarsaateqartariaqarputit. Taamaattumik pinerluuteqarsimasunik/pinerluuteqarsimanngitsunik allattorsimaffimmit uppernarsaammik aallaqqaammut tunniussissaatit. Taanna najukkami politeeqarfimmi imaluunniit www.politi.dk/bestil/bestil-straffeattest-imi pissarsiarineqarsinnaavoq.
 
Akissarsiat, atorfininnermilu atugassarititaasut
Atorfik massakkut akissaateqarfik 36-imiippoq.

Aallaavittut isumaqatigiissutitigut piumasaqaataasut naapertorlugit atorfinitsitsisoqassaaq, qinnuteqartorli Kalaallit Nunaanni pisortaqarfinni tjenestemandinut inatsisit naapertorlugit tjenestemandioreersimappat, tjenestemandinut atugassarititaasut naapertorlugit atorfinitsitsisoqarsinnaalluni.

Namminersorlutik Oqartussat, isumaqatiginninniarsinnaatitaallunilu peqatigiiffiup akornanni isumaqatigiissutit atorfininnermi atuuttut naapertorlugit akissarsiat, atorfininnermilu atugassarititaasut inissinneqassapput, matumani atorfininnermi soraarnermilu angalasinnaatitaaneq, pigisallu assartorneqarsinnaanerat ilanngullugit.

Nunanit allanit Danmarkimiillu qinnuteqartut atorfinitsitaassagunik, periarfissaassappat coronamut akiuussutissamik kapineqarsimassapput.

Naalagaaffimmi tjenestemandit kiisalu AC-nut isumaqatigiissutit, ilaatigut DJØF-ip Finansministeriallu akornanni isumaqatigiissut, naapertorlugit atorfillit, Namminersorlutik Oqartussat ataanni atorfininnerminnut atatillugu akissarsiaqaatiginagu sulinngiffeqarsinnaatitaapput. Tamatuma saniatigut nunap iluani pissutsinut Naalakkersuisoqarfiup kommuninut, nunallu immikkoortortaannut innersuussutigivaa, Namminersorlutik Oqartussat ataanni atorfininnermi akissarsiaqaatiginagu sulinngiffeqarnissaminnik qinnuteqartut ammaffigineqassasut. Sulinngiffeqarnissaq pillugu aalajangersakkat, Namminersorlutik Oqartussani atorfinitsinneqartut aapparisaannut/inooqataannut aamma atuupput.

Aallaaviusumik sapaatip akunneranut akunnerni 40-ni suliffiuvoq, atorfimmullu tunngatillugu ukiumut akunnerni 320-ni, qaammatinullu pingasunut akunnerni 80-ini suliartoqquneqaratarsinnaanermut pisussaaffeqarpoq, ullullu sulinngiffiusussat aannaanerinut ajunngitsorsiassat pillugit aalajangersakkat atuutinngillat.

Ineqarneq
Atorfimmut atatillugu inissaqartitsisoqanngilaq. Qinnuteqartoq Namminersorlutik Oqartussani atorfeqarnini aqqutigalugu ineqareersimappat, atorfimmut atatillugu inissaminik innersuunneqarsinnaatitaanini pigiinnassavaa. Atorfimmut atatillugu inissiaq atorfinitsitaanermut atammat, atorfimmit tunuarnermi inissiaq qimanneqassaaq.

Ulloq atorfiniffissaq
Marsip aallaqqaataa, isumaqatigiissuteqarnikkulluunniit.

Piffissaq suliffiusussaq
Sapaatip akunneranut akunnerit 40-t.

Qinnuteqarnissamut ulloq killigititaq
2021-mi januaarip 20-ani.

Oqaloqatiginninnerit ataavartumik ingerlanneqassapput.

Soqutiginnippit?
Apeqqutissaqaruit, immikkoortortaqarfimmi pisortaq Kenneth Lund Bøjler kebo@nanoq.gl tel.: +299 346656-imut attaveqarfigisinnaavat.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia