sullissivik.gl
Atorfimmut ussassaarummut oqaatsinut allanut nuunniarlutit tooruk

Allaffimmi pisortaq

Namminersorlutik Oqartussat

Nuuk
Ikkunneqarpoq: 13-08-2019
Piffissaq atuuffissaa naassaaq: 01-09-2019
Suliffissamut ID normut: LJA-74785147
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq
Attaveqarfissamut paasissutissat

Namminersorlutik Oqartussat

Kristine Dalager 
Imaneq 4
Oqarasuaat +299 345727

Ilinniartitaanermut, Kultureqarnermut Ilageeqarnermullu Naalakkersuisoqarfimmi allaffimmi pisortaq
 
Aqutsisut allattoqarfianni allaffimmi pisortatut atorfimmut nutaamik pilersinneqartumut Ilinniartitaanermut, Kultureqarnermut Ilageeqarnermullu Naalakkersuisoqarfik allaffimmi pisortassarsiorpoq.
 
Aqutsisut Allattoqarfianniipput Naalakkersuisoq aamma Naalakkersuisoqarfimmi pisortaq Naalakkersuisunillu aamma Inatsisartunik naalakkersuisoqarfiup politikkikkut suleqateqarneranik ataqatigiissaarisuullutik. Tamatuma saniatigut naalakkersuisoqarfiup iluani allaffissornikkut suliassanik arlalinnik aqutsisut allattoqarfiat ataqatigiissaarisuuvoq, tassunga ilanngullugit nutserinermi suliassat pitsaassutsimillu qulakkeerineq.
 
Suliassat
Allattoqarfiup suliassaanut najoqqutassat atuuttut naapertorlugit aamma piffissaliussatut isumaqatigiissutaasut iluini suliarineqarnerinut politikkikkullu kiffartuussineq pillugu suliat ingerlanerisa qulakkeerneqarnissaannut allaffimmi pisortaq naalakkersuisoqarfimmi pisortamut akisussaavoq.
 
Allaffimmi pisortaq Aqutsisut allattoqarfiani sulisunut aqutsisutut akisussaavoq, tassunga ilaatigut ilanngullugit naalakkersuisup allattaa allaffimmilu fuldmægtigi, taakkulu akornanni suliassat agguartarlugit. Allaffimmi pisortaq naalakkersuisoqarfimmi pisortanut ilaavoq, tassaasut naalakkersuisoqarfimmi pisortaq immikkoortortanilu pisortat sisamat.
 
Ulluinnarni suliassat ilaatigut tassaapput allattoqarfiup suliassaanik ataqatigiissaarineq ukununnga naleqqiullugu:

  • Aqutsisunik sullissineq (suliffimmut atasumik angalanissanik pilersaarusiorneq, ataatsimiinnissanik piareersaaneq il.il.)
  • Inatsisartut Naalakkersuisullu ataatsimiinnerinut ataatsimiinnermi atortussat
  • Kukkunersiuineq oqaasertanillu naatsunik nutserineq
  • Allakkanik nalinginnaasunik agguaaneq
  • Naalakkersuisoqarfimmi peqannginnerit pillugit naalakkersuisoqarfiup iluani paasissutissiineq
  • Naalakkersuisoqarfimmi ataatsimiinnerni imaqarniliorneq
 
Pisinnaasat
Suliatigut pisinnaasat:
  • Naleqquttumik suliatigut ilinniagaqarsimaneq
  • Pisortatut misilittagaqarneq (suliatigut aqutsinerusinnaavoq)
  • Kukkunersiuinermik nutserinermillu misilittagaqarneq
  • Namminersorlutik Oqartussat allakkanik nalunaarsuisarnerannik ilisimasaqarneq
  • Politikkikkut suliniaqatigiiffimmi sulinermiit misilittagaqarneq
 
Inuttut pisinnaasat:
  • Piffissani ulapaarfiusuni isumatusaarsinnaaneq
  • Nammineerluni aaqqissugaasumik sulisarneq, akisussaassuseqarneq pitsaassuserlu pingaartillugit
  • Kalaallisut danskisullu allatatigut oqaatsinilu pisinnaasaqarneq
  • Kalaallit Nunaanni pissutsinut ilisimasaqarneq
 
Uagut pilluta
Ilinniartitaanermut, Kultureqarnermut Ilageeqarnermullu Naalakkersuisoqarfik 40-it missaannik sulisoqarpoq. Aqutsisoqarfiit marluk naalakkersuisoqarfimmut atassuteqarput, Ilinniartitaanermut Aqutsisoqarfik aamma Digitaliseerinermut Aqutsisoqarfik. Aqutsisut allattoqarfianniipput maannakkut allaffimmi pisortaq, allaffimmi fuldmægtigi aamma naalakkersuisup allattaat. Naalakkersuisoqarfimmi aaqqissugaanikkut allanngortiterineq ilutigalugu Aqutsisut allattoqarfiat maannakkut ineriartortinneqarpoq. Allaffimmi pisortaq taamaattumik aqutsisut piginnaasaannik allannguinernut piareersimassaaq.
 
Akissarsiat atorfinitsitsinermilu piumasaqaatit
Atorfik maannakkut akissaateqarfimmut 36-imut naapertuuttumik immikkoortitaavoq/akissaatitigut aalajangerneqarsimavoq. Akissarsiat akissaateqarfik 36-imi aalajangersimasumik akissarsiani ulloq 1. april 2018-imi qaammammut 45.394 kr.-inik ukiumullu 544.723 kr.-inik annertussuseqarput.
 
Atorfinitsitsineq aallaaviatigut isumaqatigiissutini piumasaqaatit malillugit pissaaq, qinnuteqartorli Kalaallit Nunaanni pisortani tjenestemandinut inatsisit naapertorlugit tjenestemandioreerpat tjenestemandinut piumasaqaatit atorlugit atorfinitsitsisoqarsinnaalluni.
 
Akissarsiat atorfinitsitsinermilu piumasaqaatit, tassunga ilanngullugit atorfininnermi soraarnermilu angalanissamut pequtillu nuunnissaannut pisinnaatitaaffik, piffissami atorfininnerup nalaani Namminersorlutik Oqartussat pineqartullu kattuffiata isumaqatigiinniarsinnaatitaasup akornanni isumaqatigiissut atuuttoq naapertussavaat.
 
Naalagaaffimmi tjenestemandit aamma AC-ni isumaqatigiissutit arlallit malillugit atorfeqartut, ilaatigut DJØF-ip aamma Aningaasaqarnermut ministeriaqarfiup akornanni isumaqatigiissut, Namminersorlutik Oqartussani atorfininnermut atatillugu akissarsiaqarnatik suliffeqarsinnaatitaapput. Nunamut namminermut ministeriaqarfik aamma kommuninut nunallu immikkoortuinut inassutigisamavaa Namminersorlutik Oqartussani atorfininnermi akissarsiaqarnani sulinngiffeqarsinnaaneq pillugu qinnuteqaatinut akuersaassasut. Sulinngiffeqarallarneq pillugu aalajangersakkani aamma Namminersorlutik Oqartussani atorfinittunut aappaasut/inooqataasut ilaapput.
 
Piffissaq suliffiusoq aallaaviatigut tassaavoq sapaatip akunneranut nalunaaquutap akunneri 40-it, atorfimmullu piareersimanissamut pisussaaffiit ukiumut 320-iupput aamma qaammatinut pingasunut 80-iullutik aamma ullut sulinngiffissat annaasat pillugit ajunngitsorsiassat pillugit aalajangersakkat atorneqarnatik.
 
Ulloq atorfiniffiusoq tassaavoq 1. september 2019 imaluunniit tamatuma kingorna piaarnerpaamik.
 
Inissiaq
Atorfimmut sulisumut inissiassaqartitsisoqanngilaq. Qinnuteqartoq Namminersorlutik Oqartussani atorfeqarnermigut sulisunut inissiaqareerpat sulisut inissiaanni inissaqartitaanermut pisinnaatitaaffik pigiinnarneqassaaq. Sulisunut inissiaq atorfinitsitsinermi pissutsinut atasuuvoq, aamma atorfeqarnermi pissutsit atorunnaarpata qimanneqassalluni.
 
Paasissutissat suli allat:
Atorfik pillugu annertunerusumik ilisimasaqarusukkuit Naalakkersuisoqarfimmi pisortaq Lone Nukaaraq Møller LNM@nanoq.gl-ikkut attavigisinnaavat.
 
 
Qinnuteqarnissamut piffissaliussaq tassaavoq 31. august 2019.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Qinnuteqaaternut allakkianik ilanngussinngilatit. Taamaakkaluartoq qinnuteqaatit nassiunniarukku "Ok" tooruk, imaluunniit "Taamaatiguk" tooruk aammalu qinnuteqaqqilinnginnarni allakkiat ilanngutikkit.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia