sullissivik.gl
Atorfimmut ussassaarummut oqaatsinut allanut nuunniarlutit tooruk

Allaffissornermi sulisussarsiorpoq

Namminersorlutik Oqartussat

Nuuk
Ikkunneqarpoq: 20-11-2019
Piffissaq atuuffissaa naassaaq: 10-12-2019
Suliffissamut ID normut: LJA-77627037
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq
Attaveqarfissamut paasissutissat

Namminersorlutik Oqartussat

Linda Brandt 
Intaleeqqap Aqqutaa 1
Oqarasuaat +299346501

Namminersorlutik Oqartussat
Akileraartarnermut Aqutsisoqarfik
Allaffissornermi
sulisussarsiorpoq
 
 
Ilanngaaserisoqarfimmi allaffissornikkut periutsinik ineriartortitsisarnernut pilersitsisarnernullu suliniuteqarluartumik suleqatikkuminartumik pikkorissumillu sulisussarsiorpugut.  Akisussaaffe-qarnermit, suleqatigiinnermit suliassanillu unammillernartunit aammalu aqutsisunillu qanigisaqar-nermit kajumissuseqalersinneqartaruit, taava Ilanngaaserisoqarfimmi allaffissornikkut suleqatitut atorfik ilinnut soqutiginarsinnaavoq.
 
Suliassat pissanganartut
Ulluinnarni sulisarnerput ilaatigut ulapaarfiusarlunilu pissanganartarpoq, tassami ullut tamarmik assi-giinngisaannarput ullormullu suliassatut pilersaarutaasimasut allanngoriartaarsinnaasarput. Taamaat-tumik pingaaruteqarpoq suliassanik naammassinninniarnermi allaffissornikkut periutsit sakkullu ersarissut tigujuminartuussasut. Allaffimmi pisortaq suleriutsinillu aqutsisoq peqatigalugit Ilanngaaserisoqarfimmi ulluinnarni suliassaqarfinni arlalinni suleqatigisassavatit, kisianni pingaarnertut suliassatit ilaatigut tassaassapput:
 

  • F2-imut ilisimasaqarnissaq tassani allagarsiivinni allakkanik isaasunik agguaassineq
  • Ilanngaaserisoqarfimmi allaffissornikkut suliassanik suliaqarneq
  • Sullitanik sullissineq
  • Pisianik inniminniinernik aqutsineq, taakkununnga ilaallutik angalasarnerit. 
  • Digitaalitigut iluarsiisarnernik nammineerluni iluarsiissutinik ineriartortitsisarnernut peqataaneq
  • Ilanngaaserisoqarfiup nammineq suleriaasiinik, periaasiinik, pilersaarutaanik malitassaanillu ineriartortitsinermi suliaqartarnermi piviusunngortitsinermilu peqataaneq
 
Piginnaasat
Allaffimmiutut assigisaanilluunniit ilinniaqartuuvutit, ajornanngippat pisortaqarfiit allaffeqarfiisa allami inissisimasumi ilaanit misilittagaqarnermik ilallugu, tassanilu nassiussuinernik, aqutsinermik, pilersaarusiornermik ineriartortitsinernillu suliaqartarnernik sungiussisimasuullutit.
Kiffartuussinermik, aaqqissuusaasumillu suleriaaseqarputit, ataqatigiissaarillaqqissuuvutit, piler-saarusiullaqqissuullutillu nutaanillu iluarsiissutissanik pilersitsissallutit tunuarsimaarfigisuunngilat. Aammattaaq Excel, Word, PowerPoint-imillu sulisinnaasuuvutit minnerunngitsumillu F2-imik ilisimasaqarluarnissat iluaqutaassaaq, kisiannili piumasaqaataanngilaq. Kiisalu illit ilinnut aaqqissugaaffiullu peqataaffigiligassavit ineriartortinnissanik soqutiginninnissat pingaaruteqarpoq.
 
Peqatigisaanillu suleqatitsialaassuutit, inussiarnersuullutit piumassuseqarluarlutit suliartortartoq, taava immaqa taassaassaatit sulisussatut ujartugarput.
 
Aningaasarsiatigut atorfinitsitaanermilu atugassarititaasut
Akissarsiatigut aamma atorfeqartitaanermi atugassarititaasut, taakkununnga ilanngullugit atorfinik-kiartorluni soraarlunilu angalasinnaatitaanermut aamma pequtit nuunneqarsinnaanerat akiliunneqar-tarneq pillugu Namminersorlutik Oqartussat aamma pineqartup kattuffiata isumaqatiginninniarsin-naatitaasup akornanni atorfinitsitaanermi piffissami atuuttumi isumaqatigiissutaasa/sulisunut isuma-qatigiissutaat naapertorlugit atorfinititsisoqassaaq.
Sapaatip akunneranut akunnerit 40-t suliffiusarput, naatsorsuutigisinnaavalli nikerartumik sulisarnis-saq taakkununnga ilaalluni akunnerup naanerani.

Najugaq
Atorfimmut atatillugu sulisunut inissiamik innissaqartitsisoqanngilaq.

Atorfik pillugu saaffiginninneq
Atorfik pillugu annertunerusunik paasiniaanissamut tikilluaqquneqarputit attavigineqarsinnaavorlu allaffimmi suleriutsinik aqutsisoq Uvdloriánguaκ Hansen, oqarasuaat (299) 34 65 83 e-mail uvh@nanoq.gl

Qinnuteqaat ilinniagaqarsimanermut siusinnerusukkullu suliffigisimanermut paasissutissat soraa-rummeernernilu uppernarsaatit il.il. qinnutigineqassaaq nittartakkakkut ugguuna www.naalakkersuisut.gl.

Ulloq atorfinitsitaaffissaq tassaavoq 1. februar 2020 isumaqatigiissuteqarnikkulluunniit.

Qinnuteqarfissaq kingulleq: Qinnuteqaatit Akileraartarnermut Aqutsisoqarfiup  tigoreersimassavaa  kingusinnerpaamik 9. december 2019.
 
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Qinnuteqaaternut allakkianik ilanngussinngilatit. Taamaakkaluartoq qinnuteqaatit nassiunniarukku "Ok" tooruk, imaluunniit "Taamaatiguk" tooruk aammalu qinnuteqaqqilinnginnarni allakkiat ilanngutikkit.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia