Allaffissornikkut atorfilittaq attaveqatigiilerisinnaasoq
Namminersorlutik Oqartussat
Nuuk
Ikkunneqarpoq: 17-09-2024
Piffissaq atuuffissaa naassaaq: 18-10-2024
Suliffissamut ID normut: LJA-85692764
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq
Allaffissornikkut atorfilittaq attaveqatigiilerisinnaasoq
Atorfilittatut illoqarfigisanni atorfinigit
Utoqqaat pillugit oqaaseqartartup allattoqarfia allaffissornikkut atorfilittamik attaveqatigiilerinermik suliaqarluarsinnaasumik 2024-mi December 1-ani imaluunniit isumaqatigiissuteqarnikkut piffissalikkamik sulilersinnaasumik suleqatissarsiorpoq.
Marluinnik oqaaseqartuuit - kalaallisut qallunaatullu, utoqqaat atugaannik pitsanngorsaaqataarusussuseqarluarpit, inatsisinik paasinnissinnaallutillu atuisinnaavit, allaffissornermut tunngasunik suliaqarsinnaallutit, attaveqaqatigiilerinermik suliassanut sungiusimasaqarluarlutit - oqaluttariarsornikkut allattariarsiornikkullu, taava imaassinnaavoq illit tassaasutit atorfimmut inuttassarsiuussatsinnut naleqquttoq.
Suliassat makkuusinnaapput:
• Utoqqaat atugaasigut akimmisaarutit pillugit utoqqaarnik qanigisaannillu oqaloqateqarneq, siunnersuineq ilitsersuinerlu
• Utoqqarnik qanigisaannillu oqaloqateqareernermi allagaqaasiorneq
• Inatsisit, nalunaarutit ilaalu ilanngullugit naapertorlugit utoqqaat atugaat pillugit sulianik malitseqartitsineq
• Utoqqalinersiat, utoqqaat illuannut nuunnissamut il.il. kommunini ingerlatsivinnut attaveqarneq
• Utoqqaat pillugit nalunaarutiginninneq
• Kommunit ingerlatsiviinut, naalakkersuisoqarfinnut assigisaannullu pisortatigoortumik allagaqaatinik suliarinninneq
• Nutaarsiassanik, tusagassiuutitigut nalunaarutinik oqallissaarutinillu allanneq
• Utoqqaat atugaat pillugit nittartakkap imarisaanik nutarterineq
• Utoqqaat pillugit oqaaseqartartoq peqatigalugu utoqqaat atugaat pillugit oqallissaarutaasinnaasunik suliniuteqarneq
• Naalakkersuisut tusarniaassutaannut akissutissanik suliarinninneq
• Tusagassiuutinut attaveqartarneq aammalu suleqatit avataaneersut attaveqarfigisarnerinut ataqatigiissaarineq
• Paasisassarsiorluni angalanerit pillugit ataqatigiissaarinerit
• Avataanut suliakkiussanik ataqatigiissaarineq.
Piginnaasat
Takorloorparput suleqatissarput makkuninnga piginnaasaqassasoq:
• Inatsisilerinermik ilisimasaqarneq aammalu allaffissornikkut suliassanik ilisimaarinninneq
• Attaveqaqatigiinnermut paasissutissanillu ingerlatitseqqiisarnermut piginnaasaqarluarneq
• Namminersorluni eqaatsumik aammalu tunniusimalluni sulisinnaassuseqarneq
• Akisussaassuseqarluartuuneq
• Suleqatigiinnermut piginnaasaqarluartuuneq
• Nutaaliorsinnaassuseqarneq, inussiarnersuuneq, tusarnaarluarsinnaaneq aammalu alapernaatsuuneq
• Kalaallisut qallunaatullu tamakkiisumik piginnaasaqarneq.
Atorfimmut atatillugu angalasarnissaq naatsorsuutigineqassaaq.
Akissarsiat sulinermilu atugassat
Akissarsiat sulinermilu atugassarisassat, atorfininnermi namminersorlutik oqartussat sulilersussallu kattuffiata attuumassuteqarfiataluunniit isumaqatigiinniarsinnaatitaasup akornanni isumaqatigiissut tunngavigineqassaaq.
Utoqqaat pillugit oqaaseqartartup allattoqarfiani misilittagaqarlualersimaneq tunngavigalugu allaffissornermi atorfilittatut atorfimmut qinnuteqarusuttut illoqarfigisami atorfininnissaminnut periarfissaqalerput.
Ineqarneq
Sulinermut atatillugu inigisassamik neqerooruteqartoqanngilaq. Qinnuteqartorli Namminersorlutik Oqartussat aqqutigalugit sulinermut atatillugu inigisaqaruni taanna inigiinnarneqarsinnaavoq. Sulinermut atatillugu inigisaq atorfimmut pituttorsimassaaq atorfeqarunnaarnermilu qimanneqartussaassalluni.
Atorfimmut atatillugu inissaqartitsinnginneq allanngortikkusupparput. Maanna nunatsinni sumiikkaluartulluunniit atorfimmut qinnuteqarnissaminnut periarfissinneqarlutik illoqarfigisaminni atorfininnissaminnut periarfissinneqarput.
Atorfimmut qinnuteqaasiortunik oqaloqateqallattaasoqassaaq.
Atorfik pillugu paasisaqarnerorusuppit?
Atorfik pillugu paasisaqarnerorusukkuit utoqqaat pillugit oqaaseqartartoq Kiista P. Isaksen attavigissallugu tikilluaqqusaavutit, mobilip normua: 544729, imaluunniit e-mail: kipi@nanoq.gl
Ulloq qinnuteqarfissaq kingulleq: oktober 18-at 2024.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.