sullissivik.gl
Atorfimmut ussassaarummut oqaatsinut allanut nuunniarlutit tooruk
kalaallisut (Kalaallit Nunaat)
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Kommune Qeqertalik

Allagarsiuteqqitaq, akissarsialerisoq Kommune Qeqertalik

Kommune Qeqertalik

Aasiaat
Ikkunneqarpoq: 03-08-2020
Piffissaq atuuffissaa naassaaq: 24-08-2020
Suliffissamut ID normut: 330319077
Atorfeqarnermi atugassarititaasut: Tamakkiisoq
Suliassaqarfik: Allat
Atorfiup taaguutaa: Lønkonsulent
Ilinniagaq: Aningaasaqarnermut økonomi
Misilittakkat - Annertunerusumik: Løn, Allaffissorneq
Oqaatsit:
Danskisut Atuarneq/ oqalunneq/ allanneq
Kallaallisut Atuarneq/ oqalunneq/ allanneq

Allagarsiuteqqitaq: akissarsialerisoq

Kommune Qeqertalik tamakkerlugu akissarsialerivik akissarsialerisussamik naatsorsuinermillu suliaqartussamik sulisussarsiorpoq, 01.09.2020 isumaqatigiissuteqarnikulluunniit sulilertussamik.

 

Kommune Qeqertalik-mi akissarsialerisut arfiniliupput, ukunani siammarsimasut: Qasigiannguani akissarsialerisoq, Qeqertarsuarmi akissarsialerisoq, Kangaatsiami akissarsialerisoq, Aasianni akissarsialerisut pingasut.

 

Akissarsialeriffik politikkikkut inissisimaffimmi INUA-mi inissimavoq. Atorfiullu Aasianni inissisimanissaa siunertaavoq.

 

INUA (Atuuffia) tassaavoq:

Allattoqarfik/Ineriartortitsivik – Ataatsimut aningaasartuutit, allaffik. Akileraarutitigut tapiissutit aamma nalimmassaanerit. Erniat (Aningaasaqarneq pillugu periusissat). Eqaannerusumik oqimaaqatigiisitsinerit (aningaasaatit aamma akiitsut). Aningaasaqarneq (aqutsineq aamma aaqqissuussaaneq). Sulisoqarnermut immikkoortortaqarfik (aqutsineq aamma aaqqissuussaaneq). IT (akuulersitsineq aamma ingerlatsineq). Illuutit. Pisiniartarneq.

 

Suliffimmi pitsaassutsimik pingaartitsillutit sulisinnaassuutit, suliffimmilu pitsanngorsaatissanik aaqqiissutissanillu aaqqissuussamik sulinissamik piginnaaneqarlutit.

 

Suliassat pingaarnerit:

  • Aningaasarsianut tunngasunik Akissarsiat-nut ikkussuineq.

  • Akissarsiat allagartaasa misissorneri

  • Ingerlaavartumik immikkoortortaqarfinnik assigiinngitsunik attaveqarneq.

  • Immikkoortortaqarfinni assigiinngitsuni akissarsiat pillugit sullissineq

  • Webtas, sulisut naqittangaat

  • Nikinganaveersaartitsineq (afstemning)

  • Email takkussuuttunik nakkutiginninneq

  • Suliassat allat

     

    Naatsorsuutigaarput qinnuteqartoq makkuninnga tunuliaqutaqarnissaa:

  • Suliamut attuumassuteqartumik ilinniagaqarneq – ass. HK allaffimmioq.

  • Misilittagaqarneq akissarsianillu soqutiginnittuuneq

  • Pisortatigoortumik akissarsiat pillugit ilisimasaqarneq

  • Isumaqatigiissutinik ilisimasaqarneq

  • Qarasaasiamik atuinermik misilittagaqarneq

  • Aaqqissuussamik sulisinnaaneq akisussaaffeqartumillu sulinissaq

  • Namminersorluni akisussaaffilimmik suliaqarsinnaasoq

  • Suleqatiginnilluarsinnaasoq, qiimasoq attaveqaqatigiuminartorlu

  • Suliassanik nutaanik suliaqarnissamut piginnaanilik

     

    Pineqaatissinneqarsimannginnermut uppernarsaat: 

    Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

     

    Akissaatinut atorfinitsitaanermullu tunngatillugit atugassarititaasut:

    Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

    Atorfinititsineq qaammatini pingasuni misiliutitaqassaaq.

    Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersornerullutik Oqartussat kommunillu Kalaallit Nunaanni illuutaanut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq.  Naatsorsuutigineqassaaq inigisamik Kommune Qeqertalik-mi innersuunneqarnissaq sivisunerusinnaammat, tamatumani inoqutigiinnut inissamik naleqquttumik pissarsinissaq inissatigut unammillernartumiinneq pissutigalugu. Atorfininnerup nalaani atorfimmut atasumik inimik innersuussisoqarsinnaatinnagu sulisut atorfimmut atasumik ineqarnissaminut tunineqarsinnaatitaasut utaqqiisaasumik ineqarnissaminut neqeroorfigineqartassapput.

    Atorfininnermi angalanermut pequtillu nassiunnerinut malittarisassat atuuttut naapertorlugit sulisitsisoq akiliussissaaq.

    Qinnuteqaat:

    Qinnuteqaatip ilisarnaataa ”Akissarsialerisoq” aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup 24. August 2020 qaangiutinnginnerani sulisoqarnermut immikkoortortaqarfimmiit tiguneqareersimassaaq.

     

    Imatut qinnuteqaateqassaatit:

    Atorfik qinnuteqarfigerusutat takugukku, uagutsinnut qinnuteqaammik nassitsissuutit email hr@qeqertalik.gl aqqutigalugu.

    Atorfik pillugu apeqqutissaqaruit Aningaasaqarnermut pisortaq Alida C. Rafaelsen attavigisinnaavat, allaffigalugu alra@qeqertalik.gl  imaluunniit sianerlutit 70 19 00

     

    Tusarnissat qilanaaraarput.

    --- 

    Kommune Qeqertalik pillugu:

    Kommune Qeqertalik tassaavoq Qeqertarsuup Tunuata kujasinnerusortaani kommuni nutaaq pilersinneqaqqammisoq. Kommunerput sisamanik illoqarfeqarpoq arfineq-pingasunillu nunaqarfeqarluni aamma kommunip suliai suni tamani ersittuunissaat anguniagaraarput. Sulisutta pitsaasumik kiffartuussinertik takutissavaat aamma kommunimi sulineq  kalaallit naleqartitaannut kulturikkullu tunuliaqutaannut nalimmassassallugu kissaatigaarput. Aaqqissuussaanerput nutaaq pillugu uani itinerusumik atuarit: http://qeqertalik.gl/

     

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffissat assigusut
Kommune Kujalleq
Nanortalik
Avannaata Kommunia
Namminersorlutik Oqartussat
Ilulissat
Namminersorlutik Oqartussat
Qaqortoq