Allagarsiuteqqitaq - Aningaasaqarnermik aqutsillaqqissumik Business Partnerimik Nukissiorfiit

Aningaasaqarnermut aamma naatsorsuuserinermut paasinnilluarsimasumik Business Partnerinngimut immikkoortoqarfitsinnut Business Partnerimik pimoorussisumik aamma misissueqqissaartartumik inuttassarsiorpugut. Business Partneri immikkoortoqarfik Nuummi qullersaqarfimmi inissisimavoq. Pineqartoq tassaavoq suliffimmi nuna tamakkerlugu ingerlataqartumi, piujuartitsinermik assut pingaartitaqartumi, aamma ulluni tamani inuiaqatigiinni akisussaaffimmik annertuumik tigusinnittuusumi atorfik pissanganartoq aamma ajugaaffiginiagassartalik.

Kalaallit Nunaata pinngortitarsuanik pinnersumik misigisaqarnissamut periarfissatsialannik Nuuk neqerooruteqarpoq, tamaaniimmata piniariartarfiit, aalisariartarfiit, ujakkaarluni sisoraartarnerit, aamma sisoraatinik timersornerit allat. Illoqarfik aamma kultureqarnikkut pisoorsuuvoq, ilaatigut tamaani Kulturip Illorsua Katuaq eqqumiitsulianik saqqummersitsisarpoq aamma filmertarfeqarpoq.

Business Partneri immikkoortoqarfik Aningaasaqarnermut pisortamik qullersaqarpoq, aammalu Aningaasaqarnermut immikkoortoqarfiup ilagaa. Immikkoortoqarfik maannakkut Business Partnerinngimi pisortamik ataatsimik, kiisalu Business Partnerinik tallimanik inuttaqarpoq. Immikkoortoqarfimmi sammisani pingaarneq tassaavoq niuerfiusumik ineriartortitsineq aamma ingerlattakkanik pitsaanerpaanngorsaaneq, digitaalinngorsaaneq, niuernermik paasinninneq, misissueqqissaarneq, aamma suliffeqarfimmi tamarmiusumi ilanngussuisarnerit aqqutigalugit aningaasaqarnerup pitsanngorsarnissaa.

Business Partnering immikkoortoqarfik tassaavoq immikkoortoqarfik nutaaliorfiusoq, ajorinagit IT-mi aamma BI-mi sakkussat iluini nutaanerpaanik atuisartoq. Ilaatigut UiPATH-imit softwarerobotti allaffissornermi ingerlattakkanik imminik ingerlatsisarnermut atugaraarput. Aamma ilaatigut machine learningimik tunngaveqartutut missingersuusiornermut iluserisatta, Rolling Forecast modelip atorunnaarsinniarneranut IBM Planning Analytics atugaraarput. Paasissutissanik (datanik) suliaqarnitsinni IBM Analyticsimit BI-mik aaqqiissuterput atugaraarput, soorunalumi aamma Exceli. Suliassat maannakkut ingerlatat ilagaat siunissami ERP-mik aaqqiissummik toqqaanissaq.

Atorfik

Business Partneritut aningaasaqarnermik aqutsinermut, ilanngullugu missingersuutinik suliaqarnermut akisussaaffeqalissaatit. Aamma aningaasaqarnermik misissueqqissaarutit suliarinerini qitiusumik inissisimassaatit, aammalu Pisortaqarfimmut nalunaarusiortassallutit, tamakkulu misissueqqissaarnermik piginnaasaqarluarnissamik, aamma aningaasaqarnermik paasinninnissamik pisariaqartitsipput. Inissisimaffigisat aamma nunap immikkoortuinik aamma immikkoortoqarfinnik toqqartukkanik qanimut suleqateqarnissamik nassataqarpoq, tamatumuuna Nukissiorfinnut aningaasaqarnikkut naleqassusermik pilersitsiniartoqassalluni. Suliassatit ilaatigut makkuninnga imaqassapput:

• Aaqqissuussiffimmi immikkoortut aningaasaqarnermik aqutsinerinik ikiuisarneq
• BI-mik nalunaarusiat pingaarutillit ineriartortinnissaat
• Pisortanut Business Partneriuffigisannut isumasioqatigisartakkatut atuuffeqarneq
• Pisortani aalajangiussinissanut paasissutissanit ingerlatanit aalajangiussinissamut tunngavigisassanik suliaqarnerit
• Suliffeqarfimmi isumassarsianik pilersitseqataasunut aamma allannguisunut paasissutissanut tunngasunut ornigulluni paasiniaasartuuneq
• Suliffeqarfimmi KPI-dashboardimik ineriartortitsineq
• Suliffeqarfimmi kaaviiaartitsinermut ilusaasumi akigititassanik naatsorsuusiortarnerit
• Pisortaqarfimmut aamma Nukissiorfiit suliaqarfittut naalakkersuisoqarfianut siunertanut aalajangersimasunut suliassanik isumaginnittarnerit.

Atorfik Business Partneringimi pisortamik qullersaqartuuvoq.

Ulluni suliffiusuni aaqqissuussiffimmut tamarmiusumut siammasissumik attaveqarfeqassaatit, kiisalu pisortaqarfik qanimut suleqatigissallugu. Immikkut ittunik tunngavinnik peqassaguit ilimanarpoq taakku iluaqutigineqarsinnaassasut, suliffeqarfiup ineriartornermik ingerlatarisaani illit atorfiup imarisaanut sunniuteqarnissamut periarfissatsialaqassammat.

Piginnaasat

Atorfimmi iluatsitsilluassaguit aningaasaqarnermik aqutsinermik, controllingimik, aamma niuerfimmik ineriartortitsinermik misilittagaqarluarnissat, kiisalu misissueqqissaarinermik suliaqarfinnaassuseqarnissat naatsorsuutigaarput. Taamaattumik aningaasaqarnermut tunngatillugu sakkussanik katersatsinnik piginnaasaqarluarnissaat pingaarutilittut tunngaviuvoq. Aamma ornigunniartuunermik piginnaasaqarnissaat naatsorsuutigaarput, aammalu atuisartunik aamma suleqatigisartakkanik oqaloqateqartarsinnaanissat naatsorsuutigalutigu. Ima ittumik inuttassarsiorpugut:

• Cand.merc./cand.oecon.-itut imaluunniit assingusumik ilinniagaqarsimasoq
• Aningaasaqarnermik aqutsinermik, aamma missingersuutinik malitseqartitsinermik piginnaasaqarluartoq
• Ingerlatsinermut aningaasaqarnermik paasinnissimasoq, kiisalu oqaasertalersuillaqqissoq
• Niuernermik ataatsimut isiginniffitsialaap iluani nutaaliorsinnaalluartoq, aammalu suleqatigiinnermut inernerisassanut sammiveqartitamut pikkorittuusoq
• BI-mik aaqqiissutinik ilisimasaqartoq
• LEAN-imik ilisimasaqarneq aamma suliffeqarfimmi misilittagaqarneq iluaqutaassapput
• Kalaallit inuiaqatigiivinik ilisimasaqarneq, aamma arlalinnik oqaaseqarneq (kalaallisut/danskisut) iluaqutaassapput.

Atorfininneq qaammatini pingasuni misiliutitaqarpoq

Akissaatitigut atorfeqartitaanermilu atugassarititaasut:

Naalakkersuisut (Kalaallit Nunaanni Namminersornerullutik Oqartussat) kattuffigisallu naleqquttup isumaqatigiissutaat naapertorlugu akissarsiaqartitsineq pissaaq.

Atorfimmut tunngasunik paasisaqarnerorusukkuit una attavigineqarsinnaavoq:

Business Partneringimi Pisortamut Jens B. Jessenimut saaffiginninnikkut pissarsiarineqarsinnaapput, oq. nr. (+299) 34 95 00.

Paasissutissat allat:

Allanut nalinginnaanerusunut tunngatillugu apeqqutissaqaruit sulisoqarnermut immikkoortortaqarfik saaffigisinnaavat uunga: hr@nukissiorfiit.gl

Nukissiorfiit pillugu

Nukissiorfiit Kalaallit Nunaat tamaat innaallagissamik, imermik aamma kiassarnermik pilersugaraa. Peqatigiilluta niuerfigisatsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2019-imi innaallagissamik, imermik kiassarnermillu nioqqutigisatta 72 %-ia tassaavoq nukissamit atajuartumit pisoq. 2030-p tungaanut nukissamik atajuartumik 100 %-imik ingerlatsinissaq sulissutigaarput. Nukissiorfiit iluani sulisunut 400-nut tamanut toqqammavissanik pitsaanerpaanik pilersitsiniarneq iluatsitsiffigaarput.

Tassaavugummi Kalaallit Nunaanni aamma Danmarkimi suliffeqarfiit annerpaamik sulisuminnit iluarineqarnerpaat akornanniittoq. Uagut pilluta uani annermik atuagassaqarpoq: www.nukissiorfiit.gl