Allagarsiuteqqitaq - Aqqusinermi ujartuilluni angalaartartunut sulisussarsiorpoq / Genopslag - Medarbejder søges til Gadeteamet i Myndighedsområd

Kommuneqarfik Sermersooq

Nuuk

Ikkunneqarpoq: 22-09-2023

Piffissaq atuuffissaa naassaaq: 13-10-2023

Suliffissamut ID normut: 331578526

Atorfeqarnermi atugassarititaasut: Tamakkiisoq

Suliassaqarfik: Allat

Atorfiup taaguutaa: Medarbejder

Misilittakkat - Annertunerusumik: Samarbejde,

Oqaatsit:

Danskisut	Atuarneq/ oqalunneq
Kallaallisut	Atuarneq/ oqalunneq

Oqartussaaffeqarfik Aqqusinermi ujartuilluni angalaartartunut suleqatissarsiorpoq, sumiiffimmi inuttut piginnaasanik sungiusartinneqarnermik tunngaviusumik ingerlatsinermi suliniummut ataqatigiissaarisutut ingerlatsisussamik, blok 8-mi inissisimasoq, najugaqartunut 11-nut inissalik. Najugaqartut najugaqartuugallarput qaammatillu arfinillit qaangiuppata qinnuteqaqqissallutik. Sulisoq Aqqusinermi ujartuilluni angalaartunut attuumassuteqassaaq sulianillu ataqatigiissaarisoq qanimut aqutsisorissallugu.

Sulinerit suliatigut ataqatigiissaarisumik qanimut malinnaaffigineqassapput, taassuma ikorfartussavaatit sumunnarfiit kiisalu suliniutit ataatsimut isigalugit pitsaassusaat qulakkiissallugu. 

Aqqusinermi ujartuilluni angalaartutut suliaqarneq sunaava?:

Aqqusinermi ujartuilluni angalaartartut pitsaaliuinermik suliaqartussatut aaqqissuussaapput ilaatigut illoqarfimmi sanngiinnerpaatut inissisimasut angerlarsimaffeqanngitsullu pillugit innuttaasut ataasiakkaat ataavartumik malitseqartitsiviginissaat qulakkeerniarlugu pinaveersaartitseriaaseqarnikkut inooqataatitsinissamut peqatigiinnerulernissamullu tunngasunik suliaqartarlutik.  Suliniummi suleqateqartoqarpoq allanik assigiinngitsunik sulialinnik.

Aqqusinermi ujartuilluni angalaartartut ilaatigut suliarisarpaat: Nuummi inuit pineqartut sumiiffigisartagaanni aqqusinerni ujartuilluni angalaartarneq. Katillugu inunnut 31-inut Najugaqarnissamut Sungiusarfimmi inuttut piginnaasanik sungiusaasoqartarpoq aamma nammineq najugaqarnissamut sungiusaasoqartarluni.

Taamatut suliaqarnermi Aqqusinermi ujartuilluni angalaartartuuneq neqeroorutigineqarportaaq innuttaasumik sumiiffimmi toqqissisimaffiginerusinnaasaani naapittarnissaanut pisariaqartitsineq piusoq, taamaattumillu Uummateqarfimmi/Hjerterummimi qulaajaaffigineqarnissamut innuttaasut periarfissikkumallugit sumiiffissaqalersinneqarnissaat sulissutigineqarpoq.

Tunngaviatigut innuttaasut iliuusissatut pilersaarusiorfigineqassapput Aqqusinermi ujartuilluni angalaartartunit ikorfartorneqarnissamut, aqqutissiuunneqarnissamut tapersersorneqarnissamut malinnaavigineqarnissamullu periarfissaqassallutik tamannalu Kommuneqarfik Sermersuumi angerlarsimaffeqanngitsunut aamma inuuniarnermikkut ajornartorsiuteqartunut tamakkiisumik isumaginninnikkut sullissinissamut ilaatinneqarpoq. 

Suliassat:

·Pitsaaliuisumik inuttut piginnaasanik sungiusartinneqarnermik tunngaviusumik ingerlatsineq atuisunullu piumasaqaatinik aamma suliniummut ilanngullugu illumi malittarisassanik atuutsitsineq.

·Aalajangersimasumik periuseqarluni ataqatigiissumik aaqqissuussinermik ingerlatsineq.

·Najugaqarnissamut sungiusarnermut qinnuteqaatinik aqutsineq.

·Qinnuteqartoq peqatigalugu atuisunut piumasaqaatinik Illumilu malittarisassanik eqqartuineq.

·Attartornermi isumaqatigiissutinik suliaqarneq.

·Najugaqartut suleqatigalugit najugaqartunut Iliuusissatut pilersaarutinik suliaqarneq.

·Najugaqartut peqatigalugit malitseqartitsilluni oqaloqatiginninneq.

·Atuisut akiliutaannik malitseqartitsineq.

·Najugaqartunut ataatsimiigiaqqusinernik allakkanillu assigiinngitsunik suliaqarneq.

·Qinnuteqaqqinnernik malitseqartitsineq.

·Aqqusinermi ujartuilluni angalaartut allat suleqatigalugit najugaqartunik ataatsimiititsinissanik pilersaarusiorneq.

·Outlookimi ullorsiutit Aqqusinermi ujartuilluni angalaartunut attuumassuteqartumik atuineq.

·IT-mi allaffissornikkut atortunik atuineq.

Suleqatissarput tassaassaaq:

Sullivimmi ulapaarfiusumi nammineerfiusumilu suliassaqarfitsinni minnerunngitsumillu sullitatsinnut alapernaatsuunissamut soqutiginnittuunissamullu pingaarutilimmi sulilluarsinnaasoq.  Illit soqutigigit, allat ilinniarfiginissaat, eqqarsaasersorsinnaaneq, naammagittarsinnaaneq, suleqateqarsinnaaneq, ersarissumillu attaveqarnerup pingaaruteqassusaanik paasisimasaqartutit aamma aaqqissuussaanikkut suliaqarnermik paasisimasaqartutit. Suliassanut aaqqissuussaasumik suleriaaseqarnissaq aamma tamakkiisumik takunnissinnaassuseqarnissaq kiisalu naammagittartuunissamut piginnaasaqarnissaq immikkut piumasaqaataavoq.Pingaaruteqarpoq namminersorluni sulisinnaanissap pikkoriffiginissaa, suliffigisap inissisimanera suleqatit suliffigisaannit allami inissisimammat. Sulisoq Kommuneqarfik Sermersuumi Suliffeqarnermut Isumaginninnermullu Ingerlatsivimmut illoqarfiup qeqqaniittumut aalajangersimasumik atassuteqassaaq.

·Isumaginninnermi siunnersorti, isumaginninnermi perorsaasoq assigisaaluunniit.

·Attaveqatigiinnermik qanilaarfiusumik pilersitsillaqqissoq.

·Innuttaasunik inuuniarnermikkut ajornartorsiuteqartunik angerlarsimaffeqanngitsunillu sullissisinnaasoq 

·Suliassaqarfinnut suliassanut aaqqissuussaasumik periuseqarlutit aallussisuusutit.

·Tarnikkut ikiueqqaarsinnaasoq.

·Timikkut ikiueqqaarsinnaasoq.

·Illoqarfissuarmik Nuummik ilisimasaqarluartoq.

·Inissaqartitsisoq, eqaatsumik sulisinnaasoq tamakkiisumillu isiginnissinnaasoq.

·Kalaallisut danskisullu oqallorillutillu allattariarsullaqqittutit, tuluttullu paasisinnaasutit.

·Uppernarsaanerup pingaaruteqassusaanik paasisimasaqartutit.

·Innuttaasumik malitseqartitsinissamut pilersaarusiornermi siuarsimanissamik pilersaarusiornissaanut paasisimasaqartutit soqutiginnittutillu.

·Ajornartorsiutinik aaqqiissutinik anguniagaqarusuttuusutit.

·Nammineersinnaasoq.

·IT-mik ulluinnarni atuinermik sungiusimasaqartoq.

·Biilersinnaanermut allagartalik.

Neqeroorutigaarput:

Suliassaqarfiit suliatigut ataqatigiissaarisumik qanimut malinnaaffigineqassapput, taassuma ikorfartussavaatit sumunnarfiit kiisalu suliniutit ataatsimut isigalugit pitsaassusaat qulakkiissallugu peqatigitillugu ataavartumik malitseqartitsinernik aaqqissuussinermut aalajangersimasumik suliarineqartartunut atatillugu nammineq akisussaaffeqassallutit.

·Inunnik ataasiakkaanik nuannersunik paasisimasaqarluartunillu ulluinnarni naapitsineq.

·Suliffeqarfik pissanganartoq ataavartumillu ineriartortoq.

·Suleqatigiit tunniusimasut akisussaassuseqartut pikkorissut, pitsaassutsimik pitsaasumik ineriartornissamillu angusaqarusuttut.

·Sukumiisumik ilinniartitsineq.

·Allaffik suliffillu blok 8-mi inissisimavoq.

·Sullisit.

·Aqqusinermi ujartuilluni angalaartartut pitsaasumik toqqissisimasumillu suliffeqarnissaq pingaartillugu sulisarput.

Aqqusinermi ujartuilluni angalaartartut suliffiuvoq pujortarfiunngitsoq

Atorfininneq: Isumaqatigiinnikkut / Piffissaq suliffik: Sapaatip akunneranut akunnerit 40-t / Suliffik: Nuuk

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Ataqatigiissaarisoq Unni Holm Dyring , oqarasuaat +299 368037 imaluunniit e-mail: unnd@sermersooq.gl

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.
Atorfinititsineq qaammatini pingasuni misiliutitaqassaaq.

Inissaq:

Atorfik initaqanngilaq

Qinnuteqaat:

Qinnuteqaat qulequtserlugu Atorfiup ilisarnaataa 854-23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.