Malugiuk atorfimmut allagarsiissutaasumut matumunnga piffissaliussaq naareerpoq! Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Allagarsiuteqqitaq - Ilulissani Suliniutinik ataqatigiissaarisumik
Nukissiorfiit
Ikkunneqarpoq: 15-07-2024
Piffissaq atuuffissaa naassaaq: 05-08-2024
Suliffissamut ID normut: LJA-85595185
Atorfeqarnermi atugassarititaasut: Tamakkiisoq
Suliassaqarfik: Allat
Suliffeqarfimmi namminermi aamma avataani suleqatigisartakkat suleqatigilluarlugit suliniutit iluatsilluartumik aqussinnaavigit?
Ilulissani Nukissiorfiit illit atorfissaqartippaatsit. Nunap nukissiamik aamma imermik pilersorneqarnerata ineriartortinneqarnissaanut aamma nutarteriffigineqarnissaanut iliuuseqarnerup pitsaanerulersinnissaannut peqataassaatit. Suleqatitut pingaaruteqassaatit, illit suliaqarfinni suliniutinik nammineerlutit aqutsisartussaq aamma Nukissiorfiit pilersaarutaannik eqquutitsisarnissamik suliniummilu ilanngutitinneqarnissaannik qulakkeerinnittartussaq. Qaninnertut pisortarissavat Ilulissani immikkoortortaqarfimmi pisortaq.
Suliassatit pingaarnerit makkuupput
- suliniutissatut aamma pilersaarutit siunnersuutit pisariaqartut ataatsimoortumik nassuiaasiortarnissaat
- suliniutini piffissamut pilersaarutip, pitsaassutsip aamma aningaasaqarnerup eqquutsinneqartarnissaasa qulakkeertarnissaa
- nunap immikkoortuani suliniutinut aningaasaliissutit malittarisassat aamma anguniakkat atuuttut malillugit pisarnissaasa qulakkeerneqartarnissaa
- suliniutinut peqataasunut suliakkiisarnissaq aamma nunap immikkoortuani pisortamik teamlederinillu ataqatigiissaarisarnissaq
- teamlederit suleqatigalugit suliniutinik sanaartortitsinermut aqutsinerup isumagisarnissaa
- suliniutit pissarsiarineqartut suliffeqarfiup iluani aamma avataani soqutigisaqarfiit qanimut suleqatigalugit ingerlanneqartarnissaasa akisussaaffiginissaa
Suut naatsorsuutigissavigit?
Immikkoortortaqarfimmi suleqatinut pikkorissunut aallussilluartunullu ilaalissaatit. Uagutsinni naatsorsuutigisinnaavat ulluinnarni qanoq sulianik ilinniarsimasut immikkoortortaqarfimmilu suminngaanneersuunerat apeqqutaatinnagit suleqatigiittuni. Maani suliassarpassuaqarpoq assigiinngiiaartuusunik aamma assigiinngitsunik tunngaveqartut suleqatigiiaarlutik. Nukissiorfinni suliatigut aamma inuttut ineriartornissamut periarfissaqarluarpoq.
Suleqatissarsiorpugut makkuninnga piginnaanilimmik
- suliniutinik aqutsinermik misilittagaqartumik
- tekniskimut tunngasumik ilinniagalimmik, soorlu assersuutigalugu ingeniøritut imaluunniit maskinmesteritut
- aningaasaqarnermut paasinnilluarsinnaasumik
- biilersinnaanermut allagartalimmik, allaffissornermi aamma IT-mik piginnaaneqarluartumik
- nammineersinnaassuseqassaatit, nammineerlutit suliffeqarfiullu anguniagaanik angusaqarusussuseqarlutit.
Illit inunnik aamma suliatigut ilinniarsimasunik qanoq ikkaluartunilluunniit oqaloqatigiissinnaanermik piginnaaneqartuussaatit. Ammasuussaatit, attaveqalersinnaanermut piginnaaneqarlutit, sanngisuujussanngilatit aamma aallussilluartuullutit, taamatut suliniutip iluatsilluartumik naammassineqarnissaa qulakkeerneqarluni.
Aningaasarsianut atorfinitsitaanermullu atugassarisat:
Atorfinitsitaaneq Naalakkersuisut (Namminersorlutik Oqartussat) aamma attuumassutilittut sulisartut kattuffiata akornanni isumaqatigiissut najoqqutaralugu pissaaq.
Atorfininneq qaammatini pingasuni misilitsiffeqartillugu pissaaq.
Atorfimmut inissiamik innersuussisoqarsinnaavoq.
Namminersorlutik Oqartussani atorfeqarneq aqqutigalugu sulisunut inissiamik innersuussissummik peqariissagaanni sulisunut inissiamut innersuussutaasumut pisinnaatitaaffik pigiinnarneqassaaq.
Atorfinitsitsinissaq pissaaq sapinngisamik piaarnerpaamik imaluunniit isumaqatigiinnikkut.
Atorfik pillugu paasissutissat erseqqinnerusut uani pissarsiassaapput:
Nunap immikkoortuani pisortaagallartoq Suulut Geisler, e-mailikkut: suulg@nukissiorfiit.gl imaluunniit oqarasuaatikkut saaffiginninneq ugguuna: oq. (+299) 94 67 77.
Annermik paasissutissaatit:
Apeqqutit nalinginnaanerusut HR-imut immikkoortoqarfimmut e-mailikkut uunga nassiunneqassapput: hr@nukissiorfiit.gl
Nukissiorfiit pillugu
Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta niuerfigisatsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2019-mi innaallagissamik, imermik kiassarnermillu nioqqutigisatta 72 %-ia tassaavoq nukissamit atajuartumit pisoq. 2030-p tungaanut nukissamik atajuartumik 100 %-imik ingerlatsinissaq sulissutigaarput. Nukissiorfiit iluani sulisunut 400-nut tamanut toqqammavissanik pitsaanerpaanik pilersitsiniarneq iluatsitsiffigaarput. Tassaavugummi Kalaallit Nunaanni aamma Danmarkimi suliffiit sulisuminnit nuannarineqarnerpaarpaat akornanniittoq. Uagut pilluta uani annermik atuagassaqarpoq: www.nukissiorfiit.gl