sullissivik.gl
Atorfimmut ussassaarummut oqaatsinut allanut nuunniarlutit tooruk

Allagarsiuteqqitaq

Namminersorlutik Oqartussat

Upernavik
Ikkunneqarpoq: 20-05-2020
Piffissaq atuuffissaa naassaaq: 11-06-2020
Suliffissamut ID normut: LJA-80306343
Atorfeqarnermi atugassarititaasut: Tamakkiisoq
Suliassaqarfik: Atuartitsineq & Meeqqerineq
Attaveqarfissamut paasissutissat

Namminersorlutik Oqartussat

Charlotte Lund Mølgaard 
Manutooq 1
Oqarasuaat +299 38 56 14

Studieadjunktitut/-lektoritut imalt. adjunktitut kalaallit oqaasiinik ilinniartitsisussamik sulisussarsiorneq.

Ilisimatusarfimmi/Ilinniarfissuarmi kalaallit oqaasiinik ilinniartitsisumik studieadjunktimik/-lektorimik imalt. adjunktimik augusti 1-ani 2020 imaluunniit isumaqatigiissuteqarnikkut sulilersinnaasumik sulisussarsiorpugut.

Ilinniarfissuarmi ilinniartitsisunngorniartunik ilinniartitsineq inuussutissarsiutigalugu suliffittaarnissamut bacheloritut ilinniarneruvoq, Ilisimatusarfiup  ataani Ilinniartitsinermik Ilisimatusarfimmi  ingerlanneqarluni.  Ilinniartitsisut 25-t missaanniittut  suleqatigissavatit.

Ilinniarfissuaq 170-it missiliorlugit ilinniartoqarpoq, tassani ingerlanneqarlutik ilinniartitsisunngorniarneq aamma najugaq qimannagu ilinniartitsisunngorniarneq, ungasianiit qarasaasiaq atorlugu ilinniartitsinermik malinnaanikkut, kiisalu katersuulluni pikkorissarnikkut ingerlanneqartartoq. Tamatuma saniatigut meeqqat atuarfianni ilinniartitsisunik pikkorissaaqqinnerit ilinniartitseqqiinerillu ingerlanneqartarput. Ilinniartitsinermik Ilisimatusarfimmi ilisimatuutut misissuinerit  tunngavigalugit ilisimatusartoqartarpoq, ilinniartitsisullu fagini ilisimatusarnissaminnut inerisaanissaminnullu perifissanik atorluaassasut naatsorsuuteqarfigineqarput. Sulisut ph.d.-inngorniarnissamut piffissamik immikkut aaqqiiffigineqartarput.

Ilinniartitsisumik ilinniartuutitta siunissami Kalaallit Nunaanni meeqqat atuarfianni ilinniartitsisunngornissaannut patajaallisarnissaannut, kiisalu ilinniartitsisooreersunut piginnaasaatigut qaffasinnissaanik piumaffigineqarnerup naammassinissaanut pikkorissaaqqinnerit - ilinniartitseqqiinerillu suliamut attuumassuteqarlutillu naapertuutut neqeroorutiginerisigut nukittorsaanissami sulerusussusilimmik pissarsiorpugut.

Suliassat:

  • Ilinniartitsisunngornianik kalaallit oqaasiinik, ilitsoqqussaralugu oqaatsitut kiisalu oqaatsit aappaattut/allamiut oqaasiisut ilinniartitsineq
  • Kalaallit oqaasiinik atuartitsinermik ataavartumik ineriartortitsineq
  • Ilitsoqqussaralugu oqaatsinik allamiullu oqaasiinik ilikkarnartumik atuartitsissusiornermik ineriartortitsineq
  • Kalaallisut atuartitsinermut atuartitsissutaasussanik ineriartortitsineq
  • Ilinniarfissuarmi fagini allani ilinniartitsisoqatigiinik suleqateqarneq
  • Ineriartortitsinermik ilisimatuutulluunniit misissuinernik suliaqarneq, kisimiilluni imalt. suleqatinik atuarfimmilluunniit suleqateqarluni
  • Ilinniartitsisunngorniarluni ilinniartitaanerup ilinniartitseqqiinermilu suliniutinik ineriartortitsinermi peqataaneq
  • Pisariaqassappat pisinnaasat naapertorlugit ilisimatuutut misissuineq
Neqeroorutigaavut:
  • Sulinermi avatangiisit ineriartortuartut, suliassat naammassiniarneranni nammineersinnaassutsimik ataatsimoorlunilu suleqatigiinnermik oqimaaqatigiissitsiniarfiusut
  • Ilinniartitsinermi avatangiisit pikialaarfiusut, soqutiginnittunik kajumissuseqartunillu sulisullit
  • Ilisimatuutut misissuisut akornanni suliffik fagini pædagogikkimilu ineriartorfissaqarluartut
Pisinnaasat makku pingaartinneqassapput:
  • Suliassamut attuumaassuteqartumik minnerpaamik kandidatitut
  • ilinniartitsinermik misilittagaqassaatit
  • Ilikkarnartumik atuartitsinermik nalinginnaasumik aalajangersimasumillu atorfininnissaq siunertaralugu ilinniartunik ilinniartitsinermik misilittagaqassaatit
  • Nunani assigiinngitsuni oqaatsinik ilisimatusarnerit nutaanerusut ilinniarfinnut meeqqallu atuarfiannut tunngasut ilisimasaqarfigissavatit
  • Ilitsoqqussaralugu oqaaserisanik kiisalu allanertat oqaasiinik ilikkarnartumik atuartitsinermik ilisimasaqassaatit
  • Mediat aassigiinngitsut atorlugit atuartitsisinnaassaatit
  • Kalaallisut pisinnaasaqarfiit makku pingaartinneqarput: Literacy, atuarnialeqqaanik atuartitsineq, meeqqanut inuusuttunullu atuakkiat, ilinniakkamut sammisunik atuarneq, oqaluttuarisaanermut tunngasunik atuarneq, oqaasilerineq kiisalu allariaatsit assigiinngitsut
Atorfimmut tunngasumik paasisaqarusukkuit Ilinniarfissuarmi Pisortaq Britta Lohmann, oqarasuaatikkut +299 385702 attavigineqarsinnaavoq.

Ilisimatusarfik pillugu.
Ilisimatusarfik – Grønlands Universitet – issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu.
 
Ilisimatusarfik sisamanik instituteqarpoq:
  • Kulturimik, Oqaatsinik Oqaluttuarisaanermillu Ilisimatusarfik
  • Ilinniartitsinermik Ilisimatusarfik ilinniartitsisunngorniarfittaqarlunilu meeqqat atuarfianni ilinniartitsisunut ilinniaqqiffissartalik
  • Peqqissaanermik Ilisimatusarfik peqqissaasunngorniarfittalik
  • Inuiaqatigiilerinermik, Aningaasaqarnermik Tusagassiornermillu Ilisimatusarfik
Allaffissornikkut aqutsisoqatigiiffik pillugu:
Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat faginik ingerlatsiviusunik qanimut suleqateqartarput soorlu namminneq akunnerminni aamma taamaattartut.
Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit aqutsineq, Siulersuisunik, Akademisk Rådimik kiisalu ilimmarfimmi sulisunik ilinniartunillu sullissineq.
Allaffissornikkut aqutsisoqatigiiffiup Ilimmarfiup ilutaanik sanaartornermik nakkutiginninneq aamma ingerlataraa.
Paasissutissat Ilisimatusarfik pillugu uani nanineqarsinnaapput www.uni.gl

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Qinnuteqaaternut allakkianik ilanngussinngilatit. Taamaakkaluartoq qinnuteqaatit nassiunniarukku "Ok" tooruk, imaluunniit "Taamaatiguk" tooruk aammalu qinnuteqaqqilinnginnarni allakkiat ilanngutikkit.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia