Allagarsiuteqqitaq - Meeqqanut Ilaqutariinnullu Ingerlatsivik isumaginnermik siunnersortissarsiorpoq / Genopslag - Forvaltning for Børn og Familie Paamiut søger en socialrådgiver/ sagsbehandler

Kommuneqarfik Sermersooq

Paamiut

Ikkunneqarpoq: 19-09-2023

Piffissaq atuuffissaa naassaaq: 06-10-2023

Suliffissamut ID normut: 331578356

Atorfeqarnermi atugassarititaasut: Tamakkiisoq

Suliassaqarfik: Allat

Atorfiup taaguutaa: Socialrådgiver

Ilinniagaq: Prof. bach. socialrådgivning

Misilittakkat - Annertunerusumik: Socialrådgivning, Samarbejde,

Oqaatsit:

Danskisut	Atuarneq/ oqalunneq
Kallaallisut	Atuarneq/ oqalunneq

Oqartussaqarfiup iluani meeqqat inuusuttullu pillugit sullissisutut atorfik Paamiuni ulloq naallugu atorfiuvoq.

Piffissaq suliffiusoq ataasinngornermiit tallimanngornermut (sapaatip akunneranut nalunaaquttap akunnerinik 40-t).

Sulininni pingaarnertut suliassatit makkuussapput:

· Sulianik meeqqanut tunngasunik suliaqarneq, ilaatigut paasissutissanik attuumassuteqartunik tamanik nalunaarsuineq.

· Siunertaq pisariaqartitsinerlu apeqqutaatillugit oqartussaassusilinnut attuumassuteqartunut paasissutissanik noqqaassuteqarneq.

· Ilaqutariinnut ikiorsiissutit tulluartuujuarnissaat pillugu iliuusissatut pilersaarummik suliaqarneq, nutarterineq nalilersuinerlu.

· Siunertaq pisariaqartitsinerlu apeqqutaatillugit oqartussaassusilinnut attuumassuteqartunut inassuteqaasiorneq innersuussisarnerlu.

· Innuttaasunik, meeqqanik suleqatigisartakkanillu oqaloqatiginnittarneq.

· Tulleriissaarinermik, peqatigiittarnissamik isumaqatigiissusiornernik, attaveqaqatigiittartunik ataatsimeeqatigiinnernik, ilaqutariinnik isumasioqatigiitsitsinernik, inissiinernik, inissiinernik allannguinerit, angerlartitsinermik il.il. ataqatigiissaarineq.

· Inissiinissamik nalilersuineq. Inissiisoqassatillugu suliaq qajassuartumik pilersaarusiorlugu aamma angajoqqaat inissiivissarlu qanimut suleqatigalugit ingerlanneqassaaq.

· Qinnuteqaatinik assigiinngitsunik suliaqarneq, tassunga ilaallutik aningaasartuuteqarnerunermut, tikeraarluni angalanermut suliniutinut, efterskoleriarnermut, højskoleriarnermut, inissiinerup allamut nuunneqarneranut, angerlartitsinermut, suliniuteqareernerup kingorna malinnaaviginninnermut il.il. tunngasut.

· Meeqqanik inuusuttunillu inissinneqarsimasunik ukiumoortumik nakkutilliiartortarneq.

· Ikiorneqarnissamik pisariaqartitsisoqartillugu psykiatrimut, Isumaginninnermut Ingerlatsivimmut, oqartussanulluunniit allanut allagaqaasiorneq.

· Isumaginninnikkut misissuinermik suliaqarneq

· Piginnaatitsinermut pilersaarutit aamma maleruagassanut malittarisassat atuuttut malillugit atorlugillu

· Ulluinnarni suliassat assigiiaamik suliarineqarnissaat qulakkeerniarlugu isumasioqatigiilluni ataatsimiinnernut peqataaneq

· Suleqatigiinni, immikkoortortami, ingerlatsinermi kiisalu avataaniit suleqatigisartakkat ataqqinnittumik siunnerfeqartumillu suleqatigalugit

· Suliffiup avataatigut nalunaarutiginninnermut pigaartunut peqataaneq

· Oqartussaaffeqarfimmi aqutsisoq teamlederiluunniit isumaqatigiissuteqarfigalugu allanik suliaqarneq

· Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Sullissisutut nammineq akisussaaffigaat, sulisoqassuseq apeqqutaatillugu suliat aallaqqaataaniit nammineq tigummiatit 30-50 missaaniitinnissaat. Ilaatigut akisussaaffigivat, Inuusuttunik Sullissivik, aamma angajoqqaarsianut siunnersortit) aamma illup avataaneersut (Politiit, peqqissaavik, atuarfiit, meeqqeriviit, ulloq unnuarlu paaqqinniffiit, angajoqqaarsiat il.il.)suleqatigisartakkavut suleqatigilluarnissaat.

Tamatuma sanitigut suliassaqarfimmut tunngasuni inatsisit malinneqarnissaat akisussaaffigivat.

Suleqatigiit qaammatikkaartumik ataasiarluni ataatsimoorluni supervisionertarneq, aamma tassani pisariaqartitsineq naapertorlugu kisimiilluni ingerlannissaa periarfissaavoq. Aammattaaq immikkoortortaqarfimmilu aqutsisoq suliamut atatillugu isumasioqatigiinnermi qanimut suleqatigissavatit.

Ulluinnarni sulinermut pisariaqartinneqartillugu pikkorissarnissaq ilinniaqqinnissarlu periarfissaapput.

Atorfinitsikkusutaq:

Naatsorsuutigaarput, illit isumaginninnermi siunnersortitut imaluunniit isumaginninnermik suliaqarnermut tunngasumik ilinniagaqarsimanissat, sulianillu meeqqanut tunngasunik siammasissumik ilisimasaqartutit, ilaatigut oqaloqatiginninnerit kingorna paasissutissanik attuumassutilinnik nalunaarsuinerit, ataatsimiinnerit allakkanilluunniit tigusaqarnerup kingorna paasissutissanik pisariaqartunik nalunaarsuinermik.

Naatsorsuutigaarput, oqaloqatiginnittarnerit assigiinngitsut sungiusimallugit ingerlassinnaagitit, tutsuiginartuullutit tunuarsimaartuunngitsutit, ajornanngippallu innuttaasunik, meeqqanik suleqatigisartakkanillu oqaloqatiginneriaatsit assigiinngitsut ilisimasaqarfigigitit. Suliamik anguniagaqarusussuseqarneq pimoorussisuunissallu pingaaruteqarpoq. Namminersorlutit sulisinnaasutit, suleqatigiinni suleqatigiinnissamik pingaartitsiffiusumi akuusinnaasutit. Ullormut nalaattakkat siumut oqaatigiuminaassinnaasarmat allanngueriaannaassuseqassaatit, attavigiumminartoq tatitoorlu. Ingerlatsivimmi ineriartortitseqataassaatit, naatsorsuutigaarpullu aaqqiissutissarsiorluarsinnaassuseqarlutillu ajunnginneq angorusullugu uparuaasinnaassuseqartutit.

Sulinermut atatillugu suliassat 80 %-p missaanik allaffissornermik suliaqarfiusarmat, qarasaasiamik atuinermik ilisimasaqassaatit, allattariarsornermilu oqaaseqatigiiliorluarsinnaassuseqassallutit.

Nakkutilliinermut atatillugu angalasarsinnaaneq naatsorsuutigineqarsinnaavoq, tassuuna aamma peqataasinnaasariaqassaatit.

Meeqqanut Ilaqutariinnullu Ingerlatsivik:

Meeqqanut Ilaqutariinnullu Ingerlatsiviup oqartussaaffeqarfik ingerlataa, marlunnut suleqatigiinnut avitaalluni, meeqqanut ilaqutariinnullu sullissisuullutik. Sullissisunik tamanit suliassat suliarineqassapput, ilaatigut makkuusut isumaginninnikkut misissuinerit, periusissiatut iliuusissanik suliaqarnerit, pitsaaliuinerit, sulianik suliaqarnerit, meeqqanik inuusuttunillu ilaqutariinnik paarsisartunut imaluunniit meeqqat angerlarsimaffiinut inissinneqarsimasunik tunngasunik suliaqarnerit kiisalu malitseqartitsineq.

Nalunaarutiginninnermut tunngasunik suliaqartut aamma pinartoqartillugu pigaartup kommune tamakkerlugu nalunaarutiginninnernik tigooraasarput, suliarisarlugillu. Taassuma saniatigut suliat aallartiffeqartarput, tassani suliniutinik aallartitsisoqartarluni. Innarluutilinnut tunngasunik suliallit meeqqanik inuusuttunillu innarluutillit pillugit peqqussut naapertorlugu sullinneqartussanik suliaqartarput.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Kristian Dahl immikkoortortami aqutsisoq, oqarasuaat +299 367634 imaluunniit e-mail: krdh@sermersooq.gl

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.
Atorfinititsineq qaammatini pingasuni misiliutitaqassaaq.

Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Qinnuteqaat:

Qinnuteqaat qulequtserlugu Atorfiup ilisarnaataa 846-23, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk