sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Allagarsiuteqqitaq - Sammisassaqartitsisarnermut aqutsisoq

Namminersorlutik Oqartussat

Nuuk
Ikkunneqarpoq: 15-08-2019
Piffissaq atuuffissaa naassaaq: 02-11-2019
Suliffissamut ID normut: LJA-74814169
Atorfeqarnermi atugassarititaasut: Tamakkiisoq
Suliassaqarfik: Eqqumiitsuliorneq, kulturi & timersorneq

Nunatta Atuagaateqarfia sammisassaqartitsisarnermut aqutsisussarsiorpoq (Teamleder for Team Oplevelser) 1. november 2019 isumaqatigiissuteqarnikkulluunniit atorfinittussamik.

Suliassavit pingaarnersarissavaat sammisassaqartitsisarnermut immikkoortortaqarfimmi (Team Oplevelser) aqutsisuuneq, taassumalu iluaniipput pilersitsilluni isumassarsiorfiusinnaallunilu ilinniartitsilluni misigisassarsiortitsisarneq. Teamimi aqutsisutut Nunatta Atuagaateqarfiani aqutsisunut  ilaassaatit kiisalu teamit arlaannut suleqataasassallutit.

Teamimi aqutsisuunerpit saniatigut atorniartarfimmi vagteqartassaatit. Atuisut qanimut sullinnerisigut kiffartuussinitta ineriartortinnissaannut inerisaaqataassaatit.  Inersimasunut meeqqanulluunniit atuagaateqarfimmi vagteqartassaatit aamma arfininngornikkut vagteqartussatut tullinnguukkaagavit vagteqartarnissat naatsorsuutigissavat.

Suliassatit makkuussapput:

  • Aaqqissuussanik annikinnerusunik annertuunillu pilersaarusiornerni atuagaateqarfimmi ataqatigiissaarisuussaatit
  • 4-rums modeli aallaavigalugu aaqqissuussanik ineriartortitsineq qaammatikkaartumillu sammisassaqartitsinerni ataqatigiissaarisuussaatit
  • Suliffiup avataaniittunik kulturikkut suliniuteqartunik suleqatissarsiorneq aamma nunatsinni nunattalu avataaneersunik
  • Suliniutinut avataaneersunut atuagaateqarfiup peqataasarnissaanut qulakkeerinninneq ataqatigiissaarisuusarnerlu
Naatsorsuutigaarput piginnaasavit amerlanersai makkuussasut:
Ilinniarsimassutsikkut piginnaasat
  • Kulturilerisinnaanermut tunngasunik ilinniagaqarsimassasutit (Kulturformidler, Litteraturformidler, Eventmanager Atuagaatilerisorluunniit)
  • Suliniutit pilersaarusiornissaannut piviusunngortinnissaannullu sulinermik misilittagaqassaatit
  • Fondinut qinnuteqaasiornermut suliniutinullu oqaasertalersuinernut allagaqaasiornernullu piginnaaneqassaatit
  • Avammut nittarsaassinernut assit oqaatsillu atorlugit paasinartunik nittarsaassisinnaassaatit
Inuttut piginnaasat:
  • Pinngorartitsillaqqittuussaatit aaqqissuussanullu atorsinnaasunik isumassarsiullaqittuussallutit
  • Eqaatsumik suleriuseqassaatit, sullissilluarusuttuullutit allanngortoqarsinnaaneranullu ammasuussallutit
  • Kalaallit kulturiannut soqutiginnittuussaatit inuiaqatigiillu akornanni suleqataarusussuseqarlutit
Kalaallisut oqalussinnaaneq  iluaqutaasinnaavoq piumasaqaataanngilarli
Bibliotekssystemi Cicero misilittagaqarfigigukku iluaqutaassaaq piumasaqaataanngilarli.

Uagut pilluta:
Atuagaateqarfik Nuummi atuagaateqarfiuvoq nunatsinnilu qitiusumik atuagaateqarfiulluni, illoqarfiup qeqqaniippoq innuttaasunillu atorluarneqartuulluni. Ulluinnarni sulinitsinni aallutaraagut ullutsinnut malinnaanissaq, eqeersimaarneq, ilisimasanik kulturimillu aaqqissuussanut malinnaasutut siammarterineq kiisalu illoqarfimmi ilisimasanik kulturimillu saqqumilaartitsineq, taamaalilluta misigisaqartitsisinnaalluta, ilinniartitsisinnaallutalu atuagaateqarfimmilu 4-rums modelle atorlugu ingerlatsisuulluta.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia