Allagarsiuteqqitaq: Sarfaannguani innaallagissiornermi ingerlatsinermut sulisussarsiorpugut

Sarfaannguani innaallagissiorfimmi atorfissaqartippatsigit. Assigiinngiiaartumik atorfinni suliassaqartippatsigit, inuiaqatigiinnut pingaaruteqarluinnartumi.

Suliassatit pingaarnerit tassaapput:

·Generatorinik dieselitortunik, illuutinik aamma ikkussukkanik ingerlatsineq aamma aserfallatsaaliuisarneq

·400 V uunnaavissuarnik nakkutilliineq aamma aserfallatsaaliuisarneq

·Nunap immikkoortuani immikkoortortaqarfinni sorliunersoq apeqqutaatinnagu suliaqartarneq

·Innaallagissiorfimmi ilinniartinneqareernermi pigaartuusarnermi peqataasarneq

·Innaallagissiorfimmi suliassanik takkuteriasaartunik suliaqartarneq, tassunga ilanngullugu eqqiaasarneq

Suliassarpassuarnik allanik pissanganartunik suliaqartarnissat naatsorsuutigissavat. Ilinniartinneqarnissaq aamma ineriartornissamut periarfissat uagut qulakkiissavavut. Ilinniartinneqareeruit aammattaaq suleqatitit peqatigalugit pigaartuusassaatit.

Suut naatsorsuutigisinnaavigit?

Suleqatigiit misilittagallit aamma akisussaaffeqarluartut ilagilissavaatsit, taakku pisariaqartinneqaraangamik ikiuuttarput. Uagutsinni naatsorsuutigissavat suliatigut ilinniakkat aamma immikkoortortaqarfinni sorlermi suliaqarneq apeqqutaatinnagit suleqatigiittarnerput. Maani assigiinngiiaartorpassuarnik suliassaqarpoq aamma suleqateqarluni assigiinngitsunik tunuliaqutaqartunik. Nukissiorfiit suliffeqarfiupput aallussilluarfiusut, tassani suliatigut aamma inuttut ineriartornissat salliutinneqarlutik.

Illit suleqatigerusuppatsigit makkuninnga piginnaaneqartoq:

·Skibsmontøritut, maskinarbejderitut imaluunniit assingusumik ilinniagalik

·Motoorinik dieselitortunik iluarsaasarnermik misilittagalik

·SRO atorumik ilisimasalik PC-millu atuisinnaasoq

·Biilersinnaanermut allagartalik

Suleqatigiinnik suleqateqarsinnaassaatit aamma suliartortarnissamut aalajaatsuussallutit. Immitsinnit naatsorsuutigaarput nammineq akisussaassuseqartarnissaq aamma pitsaanerpaanik suliaqartarnissaq. Iluaqutaassaaq piumasaqaataananili marluinnik oqaaseqartuunissat, kalaallisut aamma danskisut.

Atorfinitsitsineq pissaaq sapinngisamik pilertornerpaamik.

Atorfeqartitaanermi atugassarititaasut:

Akissarsiat aamma atorfinitsinneqarneq isumaqatigiissut tulluartoq aamma atuuttoq tunngavigalugu ingerlanneqassapput. Qaammatit pingasut misilitsiffiupput.

Atorfimmut atatillugu inissaqartitsisoqanngilaq.

Illit tassaavit suleqatigiligassarput?

Taava qinnuteqaatit una aqqutigalugu ”Atorfik una qinnuteqarfigiuk” piaartumik nassiuguk.

Atorfik pillugu apeqqutissaqaruit taava Teamleder Jónas B. Syderbø oqarasuaammut uunga: +299 56 02 14 sianerfigalugu attaveqarfigissavat. Akissarsiat aamma atorfinitsitsinermut atugassarititaasut pillugit apeqqutit nalinginnaasut pillugit uunga nassiunneqarsinnaapput hr@nukissiorfiit.gl

Nukissiorfiit pillugit

Nukissiorfiit Kalaallit Nunaat tamakkerlugu innaallagissamik, imermik aamma kiassaanermik pilersuisuuvoq. Suleqatigiilluta piffissaq tamakkerlugu aningaasartuutinik atorluaanissaq aamma piujuartitsineq tunngavigalugu aaqqiinissat atuisartutsinnut iluaqutaasussat anguniarpagut. 2020-mi innaallagissamik, imermik aamma kiassaanermik nioqquteqarnitta 70 %-a ataavartumik nukissiornermit aallaaveqarput. 2030-p tungaanut anguniarparput 100 %-imik ataavartumik nukissiornissaq. Nukissiorfinni sulisut 400 tamarmik killiussanik pitsaasunik atugaqarnissaanik pilersitsineq iluatsilluarparput. Tamanna pillugu annertunerusumik atuarit uani www.nukissiorfiit.gl.