Allagarsiuteqqitaq - Sulisut marluk Najugaqatigiiffik Seernaq-mut perorsaanermik tunuliaqutalinnik / Genopslag - 2 Medarbejdere til Boenheden Seernaq

Kommuneqarfik Sermersooq

Nuuk

Ikkunneqarpoq: 20-06-2024

Piffissaq atuuffissaa naassaaq: 11-07-2024

Suliffissamut ID normut: 331589654

Atorfeqarnermi atugassarititaasut: Tamakkiisoq

Suliassaqarfik: Allat

Atorfiup taaguutaa: Socialmedarbejder

Misilittakkat - Annertunerusumik: Omsorgsarbejde, Samarbejde

Oqaatsit:

Danskisut	Atuarneq/ oqalunneq
Kallaallisut	Atuarneq/ oqalunneq

Najugaqatigiiffik Seernaq marlunnik perorsaanermut tunngasumik tunuliaqutilimmik sulisussarsiorpoq

Inunnut innarluutilinnut tarnimikkullu innarluutilinnut immikkoortortaqarfik Qinngutsinni Najugaqatigiiffik Seernaq marlunnik aalajaatsunik takkuttartunik isumassuisunillu sulisussarsiorpoq. Taamatut sulinissaq uummateqarfigiviuk, aamma najugaqartut pillugit allanngueqataarusuppit, taava illerpiaq suleqatissatsitut amigaatigaatsigit.

Atorfik piffissaq suliffiusussaq tamaat suliffiuvoq sapaatip akunneranut 40 tiimit, annerusumik ullukkut unnukkullu kiisalu sapaatip akunnerata naanerani. Najugaqartuutitta ineriartornissaanut tapersersuinermi suleqatitit qanimut suleqatigissavatit.

Najugaqatigiiffik Seernaq Nuummi najugaqatigiiffitsinni annerit ilagivaat. Najugaqatigiiffik 8-nik inisimasoqarpoq taakkulu tarnimikkut timikkullu piginnaasaat annikillisimasuupput. Najugaqatigiiffik sisamanik quleriilinniippoq, quleriit tamarmik immikkut najugaqartoqarlutillu sulisoqarput. Najugaqartut namminerisamik ineqarput, ini iggavillu najugaqatigiinni etage-qatigiinni ataatsimoorussaavoq. Illit pingaarnertut suliassarissavat najugaqartut tarnimikkut, inooqataanikkut aamma nalinginnaasunik piginnaasassanik inerisaaviginissai, taamaalillutik sapinngisamik imminnut ikiorsinnaalersillugit. Suleqatitit peqatigalugit najugaqartut kissaataat malillugit pitsaasumik imaqarluartumillu inuuneqarnissaannut tapersersussavatit. Najugaqartut 18-it saniatigut najugaqatigiiffik 25-t missaanik sulisoqarpoq, peqqinnissamut tunngasunik ilinniagallit, perorsaasut ilaalu ilinniagaqarsimasuunatik.

Suliassatit:

·Najugaqartut pisariaqartitai, kissaatai sinnattuilu aallaavigalugit ulluinnarni pilersaarusiorneq, aaqqissuussineq ataqatigiissaarinerlu

·Najugaqatigiiffiup najugaqartunut neqeroorutaanik ineriartortitsineq taamaasillutik najugaqartut inuulluataarlutik inuulernissaat anguniarneqassammat

·Najugaqartunut ulluinnarni kaammattuineq, tapersersuineq ikiuinerlu

·Najugaqatigiiffik ataatsimoorfittut ulluinnaanik nukittorsaaqataaneq suleqatit, aqutsisut najugaqartullu suleqatigalugit

·Perorsaanerup tungaatigut suliaqartuni qaammatikkaartumik ataatsimiinnermut peqataaneq

·Najugaqartut ulluinnaasa sinaakkusersorneranut piujuartitsineq

·Najugaqartut OCN-mut peqataanissaanut kaammattuineq

Suliassat najugaqatigiiffimmi sulisut allat qanimut kiisalu illup iluani avataanilu suleqatigisat suleqatigalugit suliarineqassapput, sullissisut, Ikaarsaarfik, Dronning Ingridip Napparsimmavissua aamma Pinerluttunik Isumaginnittoqarfik ilanngullugit

Ilinnit naatsorsuutigineqartut:

·Perorsaasutut imaluunniit perorsaanerup tungaatigut ilinniagalik

·Inunnik innarluutilinnik sullissinermut misilittagalik pisariaqanngilarli

·Peqqissaartoq, eqinnaattoq akisussaaffilimmillu sullisserusuttoq

·Inunnik tungiuillaqqissoq, misiginneqataasoq naapikkuminartorlu takusinnaallugulu taakkartorneqartut sulliviup avatagiisaanut pitsaasumik sunniuteqartartut

·Inuttut immikkoortortatsinnullu ineriartortitserusussuseqartoq najugaqartunut pingaaruteqarluinnarmik isumaqalersitsisumik

·Ulluni ulapaarfinni tamakkiisumik isiginnissinnaasoq, namminersorsinnaasoq aammalu suleqatinik suleqatiginnissinnaasoq uagut pilluta:

Atorfimmi tassani ataatsimooqatigiinnermi annertuumi peqataassaatit: Immikkoortoqarfiuvugut arfineq-pingasunik najugaqatigiiffeqartut, najugaqatigiiffiit allat tallimat, sammisassaqartitsinermut ataatsimooqateqartitsinissamullu neqeroorutinik marlunnik kiisalu tapersersorteqarfiit pingasut Nuummi, Tasiilami Paamiunilu agguataarsimasut.

Immikkoortoqarfimmi annertuumik ineriartorfiusussanngortumi pissanganartumilu atorfimmik neqeroorfigivatsigit. Ineriartortitsinermi ilaatigut pineqarlutik sulilerlaatut iluamik ilitsersuunneqarnissat, ingerlaavartumik siunersioqatigiittarnissamik kiisalu suliatigut ataatsimooqatigiiffeqarnissamik imaqarput.

Naatsorsuutigaarput atorfinitsitinissamut oqaloqatiginninnissaq sapaatip akunnera 30-mi pissasoq.

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Seernaq-mi pisortaq Tupârnak´ K. Raage, oqarasuaat +299 54 78 46 imaluunniit e-mail: tuki@sermersooq.gl

Inissaq:
Atorfininnermut atatillugu inissiamik innersuussisoqarsinnaanngilaq.

Qinnuteqaat:
Qinnuteqaat qulequtserlugu Atorfiup ilisarnaataa 645-24 -mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.