sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Allagarsiuteqqitaq:Paarisa specialkonsulentissariorpoq chefkonsulentiluunniit MANU-mut, Siusinaartumik Iliuuseqarnermut, meeqqat 0-18-mullu suliamut tunngasumut

Namminersorlutik Oqartussat

Nuuk
Ikkunneqarpoq: 25-01-2022
Piffissaq atuuffissaa naassaaq: 11-02-2022
Suliffissamut ID normut: LJA-83282241
Atorfeqarnermi atugassarititaasut: Tamakkiisoq
Suliassaqarfik: Isumaginnittoqarfik

Pinaveersaartitsinerup iluani peqqinnerulersitsiniarluni suliniutit pitsaassusaannik ilinniagaq aallaavigalugu anguniagalimmik qulakkeerinnittarusuppit aamma nuannersumik allanngueqataarusuppit? Taamaassimappat suliffik pissanganartoq unammillernartorlu suliffigilissallugu periarfissinneqarputit.
Isumaginninnermut Aqutsisoqarfik pinaveersaartitsinermut immikkoortortaqarfimmi Paarisami suliaqarfiit assigiinngitsut tamarmik siunnersortaasa aqutsisussaannik ujaasivoq. Paarisa-p ilaatigut peqqinnerulernissamik periutsit nutaat inerisarlugit suliaqartarpoq aamma atuutilersitsisarpoq aamma kommunit oqartussallu allat qanimut suleqateqatigisarpai. Immikkoortortaqarfiup qitiusumik suliaa tassaavoq inuiaqatigiit peqqinnerulernissaanik suliniutip Inuuneritta III-p atuutilersinneqarnissaanik suliaqarneq.

Paarisa-mi suliaqarfiit assigiinngitsut tamarmik siunnersortaasa aqutsisuattut aqutsisooqatigiinni peqataasassaatit, taakkualu makkunannga inuttaqarput immikkoortortaqarfimmi pisortaq ataaseq aamma ilinniagaq aallaavigalugu aqutsisut / siunnersortit pingasut aqutsisui, illit taakkua pingajorissavaatsit. Ilinniagaq aallaavigalugu aqutsisut tamarmik immikkut suleqatigiit arfineq-marlunnik imaluunniit arfineq-pingasunik inuttallit aqutarisarpaat aamma suleqatigiit tamarmik immikkut ilinniagaq aallaavigalugu aalajangersimasumik sammisumik suliaqartarput. Atorfimmi inuttaqanngitsumik aalajangersimasumik sammisaq tassaavoq MANU-p atuartitsissutigineqarnerani atuutilersitsinissaq, suliaqarfiit assigiinngitsut suleqatigiinnerinik nukittorsaaneq aamma ilaqutariit naartusortallit Siusissukkut suliniuteqarfigineqarnissaanik pilersaarutip inerisarneqarneranik suliaqarneq aamma atualersussanik qarasaasiaq atorlugu ujaasisarnermik sakkuanik TOPI-p (Siusissukkut ujaasisarneq aamma iluuseqartarneq) atuutilersitsineq.

Paarisa-mi suliaqarfiit assigiinngitsut tamarmik siunnersortaasa aqutsisuattut makkua pingaarnertut sularissavatit:

  • Suleqatigiinni suliat ilinniagaq aallaavigalugu pitsaassussannik ataqatigiissaarinninneq qulakkeerinninnerlu
  • Suliap aalajangersimasup imarisai inernerilu pillugit suleqatigiit ilimagisaannik qulaajaaneq
  • Sulisut ataasiakkaarlugit aamma suleqatigiit eqimattanngortillugit ingerlaavartumik ilinniakkat suliat aallaavigalugit oqaloqatigineri aamma suleqatigiinnik inerisaaneq
  • Suleqatigiit inerisarneqarnissaannut sulianillu atuutilersitsisarnissaannut ilinniagaq aallaavigalugu sulianik tamanik takunissinnaalluni malinnaaneq
  • Ilinniagaq aallaavigalugu ilisimasat attuumassutillit ujartorneri piareersarlugillu suliarineri
  • Suliffeqarfiup iluani suleqatigiit isumasioqatigiittarneri aqutsinermilu sakkuinik inerisaaneq ingerlatsinerlu sunneeqataaffigalugit
  • Immikkoortortami pisortaq aqutsisullu allat peqatigalugit sullivimmi avatangiisit pitsaasut pilersissallugit atuuttuaannarnissaanillu suliaqarneq
  • Immikkoortortami suliassat assigiinngitsut suliarineri.
Imaattuusutit ilimasuuteqarpugut:
  • Piginnaasanik uppernarsaatinik atuuttunik peqarneq
  • Atorfiup imarisaanut oqimaassusaanullu attuumassutilimmik ilinniagaqarneq
  • Aqutsinermik misilittagaqartutit
  • Suleriutsit atuutilersinneqarneranik misilittagaqartutit
  • MANU aamma Siusissukkut suliniuteqartarneq ilisimasaqarfigigitit
  • Kommunit taakkualu ingerlanneqarnerinik ilisimasaqartutit
  • Pinaveersaartitsinermik sulinerup inerisartuarnissaanik sammisaqartutit aamma suliaqarfimmi tassani naalakkersuinermik suliallit suleriusaanik atuutilersitsinissaq sammisarigit
  • Ilinniakkat aallaavigalugu qulequttat ilisimagitit, soorlu ikaarsaariarfiit, oqaloqateqartarneq, illuatunginik suleqateqarnerit aamma suleqatigiit nammineq kajungissutsiminnik suliaqartunik suleqatigisartagannik suleqateqarneq
  • Periusissiortartutut, misissueqqissaartartutut aamma ileqqut atornagit eqqarsarsinnaasutit
  • Akisussaaffigisarnik ilisimaarinnittutit aamma pisunik tamanik takunnissinnaassutit
  • Kimeqarluartuusutit, soqutiginnittoq ineriartortitserusuttuusutillu
  • Immikkoortortaqarfimmi sulisut ineriartortinneqarnissaanik aamma ilorrisimaarinnilluni sulinissamik sammisaqarusuttutit
  • Kalaallit Nunaanni pissutsinik kalaallillu kulturiannik ilisimasaqartutit
  • Oqaatsinik marlunnik atuisinnaasutit, ajornanngippat kalaallisut aamma danskisut oqaatsinik.
Paarisa-mi suliaqarfiit assigiinngitsut tamarmik siunnersortaasa aqutsisuattut Paarisa-mi immikkoortortaqarfimmi pisortaq pisortarissavat qaninneq.

Ulloq atorfiniffissaq:
Martsip aallaqqaataat 2022 imaluunniit isumaqatigiissuteqarnikkut.

Isumaginninnermut aqutsisoqarfik pillugu                         
Isumaginninnermut Aqutsisoqarfik Naalakkersuisuni aqutsisoqarfiuvoq ukuninnga arfineq marlunnik immikkoortortaqartoq: Pitsaaliuinermut immikkoortortaq Paarisa, Aningaasaqarnermut immikkoortortaqarfik, Meeqqanut inuusuttunullu ulloq unnuarlu paaqqinniffiit, Innuttaasunut immikkoortortaqarfik, Sullissisunik Siunnersuisarfik, Inunnut innarluutilinnut immikkoortortaqarfik aamma Allattoqarfik. Immikkoortortaqarfiit qanimut suleqatigiittarput, suliffiuvorlu suliassanut tunngatillugu amerlasuunik unammilligassaqarfiusoq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Paasissutissat allat   
Atorfimmut tunngatillugu paasisaqarnerorusukkuit, Paarisami immikkoortortami pisortaagallartoq Tina Evaldsen e-mail uunga allaffigisinnaavat tiev@nanoq.gl / sianerfigisinnaavat +299 342394  

Qinnuteqarfissaq kingulleq: Tallimanngorneq februarip 11-at 2022 nal. 12.00 (kalaallit nunaata nalunaaqutaa malillugu)

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia