Allangarsiuteqqitaq Aasiaat - Meeqqerivik ''Kulloq'' ilinniarsimasumik perorsaasussarsiorpoq

Kommune Qeqertalik, Aasiaat, Meeqqerivik ”Kulloq”-mi perorsaasumik ataatsimik pissarsiorpoq 1. maj 2024 imaluunniit isumaqatigiissuteqarnikkut atorfinittussamik.

Meeqqerivimmi pissutsit:

Meeqqerivimmi atorfiit tamakkiisumik suliffiupput sapaatip akunneranut nalunaaquttap akunneri 40-t suliffiulluni. Meqqerivik meeqqanut 70-inut inissaqartitsivoq.

Meeqqeriviup ammasarfigai ataasinngornermiit tallimanngornermut 06.30 – 17.00. Arfininngornikkut sapaammilu matoqqasarpoq.

Meeqqerivinni ingerlatsineq immikkoortortaqarfiup INUIT ataani inissisimavoq, perorsaanermut siunnersortillu meeqqerivimmik siunnersuineq ilitsersuinerlu isumagisarpai.

Qinnuteqarnissamut piumasaqaatit:

Perorsaasutut ilinniagaqarsimasuunissaq, akisussaassuseqarluartoq, suliumassuseqarluartoq suliffimmullu tunniusimalluartoq, suliffimmut ilisimasaqarluartoq, ulapaarfiusumi eqqissisimasumik ingerlatsisinnaasoq, suleqatigiuminartoq, akuersaartoq aalajaatsorlu, angajoqqaanullu qanilaartumik sullisserusuttoq.

Timikkut tarnikkullu peqqissuuneq, paaqqinnittarfiup anguniagai iliuuserisassatullu pilersaarutai kiisalu malittariassat assigiinngitsut Kommune Qeqertalimmut atuuttut naapertorlugit sulinissamut piareeqqasoq.

Meeqqerivik ”Kulloq”:

·Meeqqanut suli Atualinngitsunut Perorsaanikkut Inerikkiartuutaasunik ulluunerani neqeroorutit pillungit Inatsisartut inatsisaat nr.62 20. november 2023-meersumut ingerlatsitsisuuvortaaq.

·Ukioqatingiissaarisuuvoq.

·Meeqqap killiffia aallaavingalungu ingerlatsisuulluni.

·Sulisup meeraq iserneraniit aninissaata tungaanut malittarisarpaa.

·Sulisutut ataasiakkaatut iliuuseqartussatut ingerlatsiffiuvoq.

·Suliffik assingiinngittutingut ineriartorfiusoq neqeroorutingaarput.

Qinnuteqartut kalaallisut qallunaatullu oqalussinnaasut piumaneqarnerussapput, kisianni tamanna piumasaqaataanngilaq.

Akissarsiat atorfeqarnermilu atugassat:

Atorfinitsitsinermi akissaasersuineqassaaq nalinginnaasumik malittarisassat isumaqatigiissutillu atuuttut malillugit.

Meeqqanik pinerliisimannginnermut aammalu pineqaatissinneqarsimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.

Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Inissaq:

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.

Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu A-skat sulitilluni ajunngittorsianut akileraartoqartassaaq inatsit atuuttoq naapertorlugu.

IMALUUNNIIT Qaqugukkut atorfik aqqutigalugu inissamik tunisinnissaq apeqqutaalluni atorfimmi aallartinnissaq aaqqinneqarsinnaavoq. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

Atorfeqarnerup uninnerani, atorfik aqqutigalugu inissiaq qimanneqassaaq.

Atorfimmut paasissutissat erseqqinnerusut pissarsiarineqarsinnaapput ukununnga saaffiginninnikkut: Meeqqeriviup pisortaa ArnâránguaK’ Reimer oqarasuaat 89 47 86.

Qinnuteqarneq:

Qinnuteqaatinik mail-ikkut allakkatigullu tigusineq ajorpugut.

Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu. 

”Atorfik una qinnuteqarfigiuk” toorlugu ikkunneqassapput.

Qinnuteqaatit nassiunnerini ajornartorsiuteqaruit hr@qeqertalik.gl attavigiuk.

Qinnuteqaatissat tigunissaanut qilanaaraarput.