Allangarsiuteqqitaq Aasiaat - Meeqqerivik Ukaleq ilinniarsimasumik perorsaasussarsiorpoq

Kommune Qeqertalik, Aasiaat, Meeqqerivik Ukaleq-mi perorsaasumik 1. Juli 2024 imaluunniit isumaqatigiissuteqarnikkut atorfinittussamik pissarsiorpoq. Meeqqerivik Ukaleq akuleriinnik meeraateqarfiuvoq, November 2017 nutaatut ammartoq. Ininut pingasunut agguagaavoq, meeraaqqerivittut ini ataaseq inillu marluk meeqqerivittut.  

Meeqqerivimmi / meeraaqqerivimmi pissutsit:

·Meeqqerivimmi / meeraaqqerivimmi atorfik tamakkiisumik suliffiuvoq sap.ak. nal.ak. 40-t. Meeqqerivik / meeraaqqerivik meeqqanut assigiinngittunik marlunnik ukioqatigiiaartunut inissaqartitsivoq, 0-2-nik ukiulinnut 12-nut kiisalu 3-6-inut ukiulinnut 40-nut inissaqartitsilluni.

·Meeqqat sullitat malillugit ininiit ininut nuuttoqartarpoq, meeraaqqerivimmiik meeqqerivimmut nuuttoqarsinnaalluni imaluunniit meeqqerivimmiik meeraaqqerivimmut.

·Meeqqerivinni ingerlatsineq immikkoortortaqarfiup INUIT ataani inissisimavoq.

Qinnuteqartussamut piumasaqaatit:

·Perorsaasutut ilinniarsimasoq.

·Akisussaassusilik, takunnissinnaasoq naleqqussarsinnaasorlu.

·Ulapaarfimmi eqqissisimasumik ingerlatsisinnaasoq, eqaatsumik suleriuseqartoq, suleqatikkuminartoq aalajaatsorlu.

·Timikkut tarnikkullu peqqissoq kiisalu ammasoq qiimasorlu.

·Meeqqeriviup anguniagai iliuusissatullu pilersaarutai aallaavigalugit sulisinnaasoq.

Akissarsiat atorfeqarnermilu atugassat:

Atorfinitsitsinermi akissaasersuineqassaaq isumaqatigiissutit atuuttut malillugit.

Meeqqanik pinerliisimannginnermut aammalu pineqaatissinneqarsimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.

Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Inissaq:

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.

Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu A-skat sulitilluni ajunngittorsianut akileraartoqartassaaq inatsit atuuttoq naapertorlugu.

IMALUUNNIIT Qaqugukkut atorfik aqqutigalugu inissamik tunisinnissaq apeqqutaalluni atorfimmi aallartinnissaq aaqqinneqarsinnaavoq. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

Atorfeqarnerup uninnerani, atorfik aqqutigalugu inissiaq qimanneqassaaq.

Atorfimmut paasissutissat erseqqinnerusut pissarsiarineqarsinnaapput uunga saaffiginninnikkut: Ukaleq-up pisortaa Ajorna Joelsen oqarasuaat 89 47 95.

Qinnuteqarneq:

Qinnuteqaatinik mail-ikkut allakkatigullu tigusineq ajorpugut.

Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu. 

”Atorfik una qinnuteqarfigiuk” toorlugu ikkunneqassapput.

Qinnuteqaatit nassiunnerini ajornartorsiuteqaruit hr@qeqertalik.gl attavigiuk.

Qinnuteqaatissat tigunissaanut qilanaaraarput.