sullissivik.gl
Atorfimmut ussassaarummut oqaatsinut allanut nuunniarlutit tooruk
Kommuneqarfik Sermersooq

Angerlarsimaffeqanngitsut Unnuisarfiannut Suleqatigiinnut Aqutsisumik (Holdleder) pissarsorpoq / 1 Holdleder til Herberg for Hjemløse

Kommuneqarfik Sermersooq

Nuuk
Ikkunneqarpoq: 12-02-2024
Piffissaq atuuffissaa naassaaq: 04-03-2024
Suliffissamut ID normut: 331588250
Atorfeqarnermi atugassarititaasut: Tamakkiisoq
Suliassaqarfik: Allat
Atorfiup taaguutaa: Holdleder
Ilinniagaq: Social- og Sundhedsassistent i DK
Misilittakkat - Annertunerusumik: Samarbejde, Selvstændig, Ansvar
Oqaatsit:
Danskisut Atuarneq/ oqalunneq
Kallaallisut Atuarneq/ oqalunneq
Attaveqarfissamut paasissutissat

Kommuneqarfik Sermersooq

HR Afdeling
Kuussuaq 2
Oqarasuaat 367000

Angerlarsimaffeqanngitsunik innuttaasunillu atugarliortunik sullissinissat pilerigaajuk? Unammilligassaannik pisariaqartitaannillu ilisimaarinnippit paasinnillutillu? Ulluinnaat allanngorartut suliffigisinnaavigit.

 

Unnuisarfik pillugu:

Ajornartoornermi unnuisarfik Nuummi angerlarsimaffeqanngitsunut unnuisarfiuvoq 96-inullu inissaateqarluni sumiiffinnut pingasunut agguataarsimasuni.

Ajornartoornermi unnuisarfik unnuinissamut ammartarpoq nal: 15-miit nal: 09:00 ullaap tungaanut. Siulliuniuunneq periuserineqarpoq, imaappoq angerlarsimaffeqanngitsoq unnuamut inissaqassaguni ammarnerani allatsikkiartussaaq. Unnuinermi errortanik oqorutit qaliinik allarutinik ullaakkorsiutinik unnukkorsiutinillu annikitsunik neqeroortoqartarpoq. Atuisut errorsisarfimmik, uffarfimmik, iggavimmik, isersimaartarfimmik tv-limmik atuisinnaapput pisariaqartitsinermilu sulisunik oqaloqateqarsinnaallutik.

 

Sulinitsinni innuttaasut tamarmik isumaqartuunerat aallaavigisarparput, nukissaat kissaatigisaallu aamma aallaavigisarlugit. Toqqavik pingaarnerpaaq tassaavoq qaninnerusumik attaveqalersinnaaneq.

Suliassat:

Angerlarsimaffeqanngitsut Unnuisarfianni suleqatigiinnut aqutsisup (Holdleder) pingaarnertut suliassai tassaapput atuisut suleqatigalugit suliat pitsaassusissaata allaaserineqarnera (kvalitetsstandarden), atuisunut piumasaqaatit, illup iluani malittarisassat il. il. sulisut peqatigalugit atuisumit malinneqarnissaat qulakkiissallugu. Suliassaqartitsinermut ilaasumut atuisut ullaakkut eqqiaaqataassapput oqorutillu qalii siniffinniit peerlugit. Piffissat suliffiusut nikerarsinnaapput.

 

Sulianut tunngasutigut piginnaasat:

·Peqqinnissamut, perorsaanermik imaluunniit isumaginninnermut attuumassutilimmik tunngaviusumik ilinniagaqarsimasoq piumasaqaataanngilarli. Immaqa allatorluinnaq ilinniagaqartuuvutit kisianni misilittakkatit sulisinnaassutsillu takutissinnaallugit.

·Innuttaasunik atugarliortunik sullissinermik misilittagaqaruit pitsaassaaq.

·Aaqqissuussaanikkut suliaqarnermik paasisimasaqarputit.

·Marlunnik oqaaseqartuusutit, kalaallisut qallunaatullu, tamannali piumasaqataanngilaq.

· Outlook, Word, Excel aamma Get Organized sakkussatut misilittagaqarfigigitit.

·Biilernermut allagartaqaruit pitsaassaaq

·Aaqqissuussaasumik sulisinnaasutit, torersuusutit suleqatinillu nalornisunik aqqutissiuussisinnaasutit

·Namminersorlutit sulisinnaasutit, skemaliorsinnaasutit, sulisunik ataatsimiititsisinnaasutit, suliassanik agguaasinnaasutit, sapaatip akunneranut piareersimasutut aggersarneqarsinnaasutit allaffissornikkullu suliaqarsinnaasutit

·Allakkatigut attaveqarluarsinnaasutit ersarissumillu nalunaarsuisinnaallutit

 

Naatsorsuutigaarput illit inuttut sulisutullu:

·Ammasuusutit, kiffartuussiumatuujusutit, akisussaassuseqartutit tatiginartuullutillu

·Inissaqartitsisutit, ilakkuminartutit, inuppalaartutit ataqqinnittuusutillu

·Aaqqiissutissarsiorsinnaasutit, paasissusissiisinnaalluartutit

·Suleqateqallaqqissuusutit nuannaartuusutillu ineriartorusussuseqartutillu

·Ataatsimut isiginnissinnaanermik piginnaasaqartutit, tunniusimasoq, ammasoq sulerusussusilillu.

·Suliffimmi atugassat pitsaasut, nutaaliorfiusut, isumassarsisitsisut attanneqarsinnaasullu pilersitseqataaffigisinnaagitit

·Suliassanik nutaanik suliaqarusussuseqassasutit alapernaatsuullutillu

·Piffissani suliffissani tamani pigaartuusinnaassasutit aamma sapaatip akunnerata naanerini

·Suliffimmi aamma angerlarsimaffimmi inuunerup immikkoortilluinnarnissaat ilisimaarigit

·Naammagittassuseqartutit unamminartunilu assigiinngitsuni eqqissisimasinnaasutit

 

Ilinnut neqeroorutigisinnaavagut:

·Atorfik suliassanik unammillernartulik ineriartornissamut periarfissaqarluartoq namminerlu suliassanik sunniuteqarfigisinnaasaq.

·Pikkorissarnissamut allanullu periarfissat

·Angerlarsimaffeqanngitsunut unnuisarfimmi sulisut pitsaasumik toqqissisimasumillu suliffeqarnissaq pingaartillugu sulisarput.

 

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.


Atorfinititsineq qaammatini pingasuni misiliutitaqassaaq
.

 

Inissaq:
Atorfininnermut atatillugu inissiamik innersuussisoqarsinnaanngilaq.

 

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: immikkoortortami aqutsisoq Marthannguaq Dahl Bech, oqarasuaat +299 530412 imaluunniit e-mail: mdbe@sermersooq.gl

 

Qinnuteqaat:

Qinnuteqaat qulequtserlugu Atorfiup ilisarnaataa 155-24 -mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Malugiuk: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: marsip 4.-at, 2024

Qinnuteqaaternut allakkianik ilanngussinngilatit. Taamaakkaluartoq qinnuteqaatit nassiunniarukku "Ok" tooruk, imaluunniit "Taamaatiguk" tooruk aammalu qinnuteqaqqilinnginnarni allakkiat ilanngutikkit.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia