sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Angerlarsimaffik Uulinermut pisortassarsiorpoq

Namminersorlutik Oqartussat

Nuuk
Ikkunneqarpoq: 20-01-2020
Piffissaq atuuffissaa naassaaq: 11-02-2020
Suliffissamut ID normut: LJA-78975832
Atorfeqarnermi atugassarititaasut: Tamakkiisoq
Suliassaqarfik: Isumaginnittoqarfik

Annertuumik sunniuteqarfiulluartumik ineriartorfiulluartumik allaanerusumillu pissarsinarluartumut atorfimmut soqutiginnissinnaavit, taava immaqa atorfik una ilinnut tulluartuuvoq.
  
Angerlarsimaffik Uulineq pillugu
Angerlarsimaffik Uulineq Kalaallit Nunaanni nuna tamakkerlugu inunnut autismespektrum-imik nappaatilinnut neqeroorutaavoq. Angerlarsimaffik Uulineq sisamanik immikkoortortaqarpoq: immikkoortortaq Uulineq meeqqanut inuusuttunullu (6-18-inik ukiulinnut), immikkoortortaq Suluppaluk inuusuttunut (16-25-inut ukiulinnut), taavalu inersimasunut immikkoortortaq Qiimaneq (18-iniit qummut ukiulinnut). Immikkoortortaq Nigerleq, ineqatseqarsinnaanngitsoq.
 
Angerlarsimaffik Uulinermi suliat aallaavigalugit tunngaviusumik naleqartitai akuerineqarsinnaasumik tunngaviupput; soorlu makkua: oqaloqatigiinneq, akisussaassuseqarneq, sullitanut ilisarsisinnaasoq, ilinniagaq aallaavigalugu sulisinnaassuseqartoq.
 
Neqeroorutigaavut:

  • Suleqatigiinnik piginnaasaqarluartunik assigiinngisitaartunillu aqutsisunik suleqateqarnissamut periarfissaqartoq
  • Ulluinnarni sulissutigisanut nutaanut annertuumik sunniuteqarsinnaassuseqarneq
  • Suliffeqarfik ineriartortitsisarnernik ilinniagaqarnissamillu pingaartitsisoq
  • Perorsaanikkut - aqutsinikkullu tunngasutigut suliaqartarnernik ineriartortitsisarnerit unammilligassallu
  • Naalakkersuisoqarfimmik isumasioqateqarnissamut periarfissaqarneq - pingaartumik Ulloq Unnuarlu Paaqqinnittarfinnut immikkoortortaqarfimmik
  • Suliatigut isumasioqateqarneq kiisalu pisortanik allanik siunnersorteqarneq
  • Pisortat ukiumoortumik isumasioqatigiinneranni ataatsimeersuarnerilu peqataasarneq
Kissaatigaarput illit:
  • Perorsaasutut ilinniagaqarsimasutit imaluunniit isumaginninnermut suliaqartarnermut tunngasunut attuumassuteqartumik ilinniagaqarsimassasutit
  • Sullitanut pineqartunut ilisimasaqartutit misilittagaqartutillu
  • Inatsisiliornermut ilisimasaqarluartutit
  • Aqutsinermik aningaasaqarnermillu aqutsinermik paasisimasaqassasutit
  • Inuunermik pitsaasumik isiginnittaaseqassasutit akuersaartumillu isiginnittariaaseqarneq aallaavigalugu atassuteqarnernik pitsaasunik pilersitsisinnaasutit
  • Pisortatut misilittagaqarluartutit, suliassanillu agguaassillaqqissuusutit
  • Ulloq unnuarlu paaqqinnittarfiit allat Namminersorlutik Oqartussanit pigineqartut suleqatiginissaannut piumassuseqartutit
  • Ulloq Unnuarlu Paaqqinnittarfinnut immikkoortortaqarfimmik qanilaartumik kinguneqartussamillu suleqateqarnissamut ilanngunnissamut piareersimasutit
  • Meeqqanut inuusuttunullu neqeroorutit iluini misilittagaqartutit
 
Tassunga ilanngullugu qallunaat kalaallillu oqaasiinik piginnaasaqartutit, kalaallillu kulturiannut inuiaqatigiinnerannullu paasisimasaqartutit kissaatigaarput.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq.

Paasissutissat sukumiinerusut
Piffissaq suliffiusussaq sapaatit akunnerannut nalunaaquttap akunnerinik 40-nik sivisussuseqarpoq.
Atorfik pillugu paasissutissanik annertunerusuni pissarserusukkuit, tikilluaqqusaavutit attavigissallugu immikkoortoqarfimmi pisortaq Kenneth Thomsen kent@nanoq.gl +299 34 64 81 imalunniit Faglig leder Karina Ivalo Kleist kaik@nanoq.gl +299 34 69 54

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia