Angerlarsimaffimmi ikiorteqarfimmi peqqissaasumut ikiortinik ullukkoortussanik pissarsiorpoq / Hjemmehjælpen Nuuk søger sundhedshjælper til dagvagt

Kommuneqarfik Sermersooq

Nuuk

Ikkunneqarpoq: 14-01-2025

Piffissaq atuuffissaa naassaaq: 04-02-2025

Suliffissamut ID normut: 331601645

Atorfeqarnermi atugassarititaasut: Tamakkiisoq

Suliassaqarfik: Allat

Atorfiup taaguutaa:

Ilinniagaq: Sundhedshjælper

Misilittakkat - Annertunerusumik: Engageret, Selvstændig, Stabil, Ansvar

Oqaatsit:

Danskisut	Atuarneq/ oqalunneq
Kallaallisut	Atuarneq/ oqalunneq

Angerlarsimaffimmi ikiorteqarfimmi peqqissaasumut ikiortinik pingasunik ullukkoortussanik pissarsiorpugut

Angerlarsimaffimmi ikiorteqarfik suliatigut pikkorissumik tunniusimasumillu ullukkoortunik peqqissaanermi ikiortinik pissarsiorpoq.

Nuummi Angerlarsimaffimmi ikiorteqarfik innuttaasunik namminerisamik angerlarsimaffimmi najugaqartunik 290-it missaaniittunik sullitaqarpoq, ilaatigut paaqqutarinninnermik suliaqarfiusarlunilu eqqiaanermik pisiniarfiliussinermillu suliassaqarfiusarluni. 2017-imi ukiaaneraniit aallartittumik angerlarsimaffimmi ikiortinit ulloq unnuarlu sullissineq ingerlanneqartalerpoq.

Angerlarsimaffimmi ikiorteqarfimmi sulisuupput Immikkortortami aqutsisoq 1, suleqatigiinnik ataqatigiissaarisartut 2, Peqqinnissamut ikiortit, Peqqinnissamut assistentit, Tapersersortit pigaartartunut tamanut agguaanneqartartut kiisalu ullukkoortartut ilinniarsimanngitsut, ullut tamaasa innuttaasut inuuneranni pitsaassutsimik atatitsiinnartartut, taamaalillutik sivisunerpaamik namminneq angerlarsimaffimminniiginnarsinnaaniassammata.

Inuttaasuni suliassaat suliassaqarfinnut 9-nut immikkoortiterneqarsimapput taakkulu aalajangersimasumik atorfilinnit suliarineqartarput.. Unnukkoortut holdit marluupput, holdit tamarmik tallimanik sulisoqarlutik. Tassanilu suliassat aamma agguagaapput, unnukkut orninneqartartut immikkoortillugit. Taakku sulinermi vagtmobileqartarput kiisalu ajornartorsiortoqarpat inuk ataaseq sianertartussatut toqqarneqartarpoq, pinartoqarpat ornigukkasuarnissaq pissutigalugu.

Biilernermut allagartaqartut Angerlarsimaffimmi ikiorteqarfiup biilia atortarpaat, allagartaqanngitsut bussinik ingerlaartarput ornitassatik tulleriiaarlugit.

Kommuneqarfik Sermersooq pingaartitat pingaarnerit pingasut aallaavigalugit sulivoq: Ataqqinninneq, akisussaaneq aamma ineriartorneq Illit qinnuteqartutut pingaartitanik taakkuninnga pingaartitsisuunissat pingaaruteqarpoq.

Angerlarsimaffimmi ikiorteqarfimmi naleqartitaqarpugut, tassaasut – Tatigeqatigiinneq, Tungiuineq, Inuunermi naleqartitat, Tusarnaarsinnaaneq, Toqqissisimaneq, Ataqqeqatigiinneq, qajassuussineq.

Peqqissaasutut ikiortimik innuttaasuni suliassanik akisussaaffimmik tiguserusussuseqartumik aamma ilinniagaqarsimanngitsunik ilinniartunillu ilitsersuisinnaassuseqartumik pissarsiorpugut.

Atorfiup imaa:

·Innuttaasunik paaqqutarinninneq isumassuinerlu

·Ilitsersuussineq ikorfartuinerlu

·Sullinneqartup timikkut nukitigullu nukittorsarneqarnissaanut piginnaanngorsaanermik aallutaqarneq

·Oqaloqatigiinnikkut toqqissisimanermik tatigeqatigiinnermillu pilersitsineq

·Nakorsaatinik tunniussineq

·Uppernarsaasiorneq

·Innuttaasut pisariaqartitsinerannik naliliinerit

·Innuttaasup sullinneqalersup taassumalu qanigisaasa aallartitsiffigilluarnissaannik qulakkeerinninneq

·Innuttaasut peqatigalugit peqqinnerulersitsisinnaasunik pitsaaliuinermillu suliniutinik aallartitsineq

·Timikkut tarnikkullu nappaatit nalinginnaanerpaat ersiutaannik nakkutiginninneq suussusersiuinerlu naleqquttumillu qisuariaateqarneq

·Nammineq piginnaasat tunngavigalugit suliaqarfiit assigiinngitsut akornanni suleqataasinnaaneq

·Sulisunut nutaanut ilinniartunullu ilisarititsineq ilitsersuinerlu

Suliassat suliarineqassapput angerlarsimaffimmi ikiorteqarfimmi sulisut allat, immikkoortortami aqutsisoq suliassaqarfiillu allat akornanni sulisut qanimut suleqatigalugit.

Qinnuteqartumut naatsorsuutigisat:

·Peqqinnissamut ikiortitut ilinniarsimasuusutit

·Aalajaatsuusutit suliannullu akisussaassuseqartutit

·Sulianut tunngasunik qaffassaaqataasinnaasutit suliamullu tunngasunik piginnaasannik avitseqatiginnikkusussuseqartutit

·Inuit assigiinngisitaartuunerinut inissaqartitsisutit

·Nutaamik eqqarsarsinnaasutit namminersorsinnaallutillu

·Suleqatinnik kiisalu suliassaqarfinni assigiinngitsunik suleqatigisartakkannik suleqatiginnilluarsinnaassuseqartutit

·Ineriartortitsisinnaasutit

·Tatitooq aalajaatsorlu

Inuttut piginnaasat:

·Aalajaatsuusutit pitsaassutsimillu pingaartitsisuusutit

·Isumalluartuullutillu ilakkuminartuusutit

·Misiginneqataasinnaassuseqarneq

·Akisussaaffimmik tigusisinnaaneq

·Allattariarsornikkut oqaluttariarsornikkullu ersarissumik paatsuugassaanngitsumillu attaveqarsinnaasoq

·Suliassat agguataarneqarnerisa ingerlaavartumik allanngortiterneqarneranni eqaatsumik periaaseqartoq

·Ulluinnarni ulapaarfiusuni qitiutitsillutit aaqqissuisinnaassuseqarlutit sulisinnaasutit

Uagut neqeroorutigaavut:

·Suliffeqarfik ineriartortitsinermik, akisussaaqataanermik sunniuteqaqataasinnaanermillu pingaartitsisoq

·Suliffik avatangiisigissaarfiusoq isumalluarfiusorlu

·Suliffik pissanganartoq assigiinngisitaartunik unammilligassarpassuarnillu suliassaqarfiusoq

·Suleqatigiit suleqatigiinnermik pingaartitsisut, ingerlatitsinissamik paasinnittut

·Immikkoortortami aqutsisoq, suleqatigiit pillorissaasut, tulleriissaarisartut puiguttortunullu tunngasunik ataqatigiissaarisoq qanimut suleqatigalugit

·Pitsaasumik ilisarititsineq sungiusaanerlu

Sapaatip akunneranut akunnerit 40-t suliffiusarput ullukkoorluni unnukkoorlunilu.

Sapaatip akunnerisa naaneri allortarlugit sulisassaatit.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Namminersorlutik Oqartussat, SIK imaluunniit kattuffiup allap isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami Aqutsisuugallartoq Akisooq Geisler Skifte, oqarasuaat +299 36 61 69 imaluunniit e-mail: akig@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 44-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.