sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Aningaasaqarnermut aamma Nalilersuisarnermut immikkoortortaqarfimmi pisortassamik Inuussutissarsiornermut Niuernermullu Naalakkersuisoqarfik pissarsiorpoq

Namminersorlutik Oqartussat

Nuuk
Ikkunneqarpoq: 29-11-2021
Piffissaq atuuffissaa naassaaq: 16-12-2021
Suliffissamut ID normut: LJA-83028304
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq

Inuussutissarsiornermut Niuernermullu Naalakkersuisoqarfik immikkoortortaqarfimmi pisortassamik pingaarnertut Naalakkersuisoqarfimmi aningaasaqarnikkut aqutsinermut, naatsorsuuserinermut aamma allaffissornermut immikkoortortaqarfianut pissarsiorpoq, ilanngullugit inuiaqatigiinni aningaasarsiornikkut nalilersuinernik nunatsinni inuussutissarsiornikkut ineriartortitsinermut atatillugu sulianut akisussaasussamik.
Immikkoortortaqarfimmi pisortaq Naalakkersuisoqarfimmi aqutsisoqatigiinni ilaavoq, taannalu inuttaqarpoq Inuussutissarsiornermut Immikkoortortaqarfimmi pisortamik, Atuisartoqarnermut Unammilleqatigiinnermullu Aqutsisoqarfimmi pisortamik kiisalu Naalakkersuisoqarfimmi pisortaanermik. Immikkoortortaqarfimmi pisortaq toqqaannartumik Naalakkersuisoqarfimmi Pisortaanermut attaveqartuuvoq.

Atorfik pillugu
Atorfimmi piumasaqaatit annertuujupput ataatsimut pisunik isiginnissinnaanissamut, - qaninnerusumut aamma ungasinnerusumut sammisuni. Naalakkersuisoqarfiup immikkoortortaqarfiisa sinneri peqatigalugit isumasioqatigiittarneq kiisalu Atuisartoqarnermut Unammilleqatigiinnermullu Aqutsisoqarfillu ataqatigiissaarineq ulluinnaat ingerlaaserisaasa ilagissavaat.
Aningaasaqarnermut Nalilersuisarnermullu immikkoortortaqarfimmi immikkoortumi pisortatut ilaatigut akisussaaffigissavatit makkua:

  • Naalakkersuisoqarfiup naatsorsuutai, aningaasartuutissanut missingersuusiat malitseqartinneqartarneri aamma ukiumoortumik naatsorsuutinik inaarsaasarneq.
  • Qularnaartassallugit naatsorsuuserinermi suliassat aamma naatsorsuutit isumannaarneqartarneri, kiisalu piffissanut aalajangersimasunut aamma ukiumoortunik naatsorsuusiortarneq.
  • HR- aamma sulisoqarnermi allaffissornikkut suliassat.
  • Inuiaqatigiit aningaasarsiornerannut atatillugu nalilersuinernik suliaqartarnerit aamma kisitsisinik paasissutissanik suliaqartarnerit.
Iluarissavarput illit makkununnga piginnaaneqarlutillu pisinnaasaqaruit:
  • Atorfimmit assingusumit misilittakkat, aamma / imaluunniit allaffissornermik aamma nalilersuinernik suliaqartarnermiit.
  • Naalakkersuinikkut aqunneqartumit ingerlatsivimmit misilittagaqaruit.
  • Pisortatut misilittagaqaruit.
  • Ataatsimut isiginnissinnaassuseqaruit misilittagaqarlutillu allaffissornikkut. ingerlatseriaatsini, matumani aamma aningaasarsiornermut aamma naatsorsuuserinermut.
  • Annertussutsinik nalilersuisarnernut misilittagaqaruit, kisitsisinik paasissutissanik suliaqallaqqikkuit aamma Excel atorlugu
  • Misilittagaqaruit, ilisimasaqaruit aammalu soqutigisaqarlutit atorfimmut aamma Naalakkersuisoqarfiup suliassaqarfiani.
  • Inuiaqatigiinnik kalaallinik inuussutissarsiutinullu tunngasunik ilisimasaqaruit.
  • Naleqquttumik qaffasinnerusumik ilinniagaqarsimanissat, ajornanngippat aningaasarsiornermut sammisumik.
  • Iluaqutaassaaq kalaallisut, danskisut aamma tuluttut oqalussinnaaguit
     

Akissarsiat aamma atorfeqarnermi atugassarititaasut
Akissarsiat aamma atorfeqarnermi atugassarititaasut, tamatumani aamma sulilernermut aamma soraarnermut atatillugu angalanerit aamma pequtinik angallassinerit, piffissami atorfiniffiusumi isumaqatigiissutit atuuttut / isumaqatigiissut Namminersorlutik Oqartussat aamma kattuffiup isumaqatigiinniarsinnaatitaasup akornanni atuuttoq. Atorfik piffissami matumani inissinneqarsimavoq LR 38-ip assigisaanik. Piffissaq suliffiusussaq aallaavittut sapaatip akunneranut 40 tiiminik sivisussuseqarpoq, atorfimmullu ilaavoq piareersimasussaatitaaneq  ukiumut 320-ini akunnerni, qaammatinullu pingasukkaanut akunnerni 80-ini, ullunullu suliffiusussaanngikkaluartunut annaasanut aalajangersakkat matumani atuutinngillat.

Inissaq
Atorfimmut atatillugu inissiamik innersuussisoqartanngilaq. Qinnuteqartoq Namminersorlutik Oqartussani atorfeqareernini aqqutigalugu sulisunut inissiamik innersuunneqarnikuuppat, inigisamik innersuunneqarsimasumik tigumminniinnartoqassaaq. Atorfeqarnermut atatillugu ineqarnermi inigisaq atorfeqarnerup taamaatinnerani qimanneqartussaavoq.

Ilassutitut paasissutissat
Atorfik pillugu annertunerusunik paasisaqarumaguit, tikilluaqquneqarputit Naalakkersuisoqarfimmi Pisortaanermut Mininnguaq Kleist-imut attaveqarnissamut, mail mikl@nanoq.gl / +299 34 51 48.
Naalakkersuisoqarfik pillugu annertunerusunik paasisaqarniaruit paasissutissanik arlaqarnerusunik aallersinnaavutit uani www.naalakkersuisut.gl.

Qinnuteqaat
Piffissaq qinnuteqarfiusussaq killilerneqarpoq 15. december 2021-imut.
Atorfininnissaq sapinngisamik sukkanerpaamik, imaluunniit isumaqatigiissuteqarneq naapertorlugu.
Qinnuteqaat ilallugu paasissutissanik ilinniakkanut aamma siusinnerusukkut suliffigisimasanut tunngasunik, pinerluuteqarsimanermut nalunaarsuiffimmiit paasissutissanik, soraarummeerutit assilineqarnerinik il.il. quppersagaq manna aqqutigalugu nassiunneqassapput toorlugu  ”qinnuteqaat nassiuguk”.
 
E-mail atorlugu qinnuteqaatinik tigusisanngilagut.
 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia