sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Aningaasaqarnermut Naalakkerusisoqarfik pikkorissumik pimoorussisumillu nutserisussarsiorpoq.

Namminersorlutik Oqartussat

Nuuk
Ikkunneqarpoq: 03-04-2020
Piffissaq atuuffissaa naassaaq: 27-04-2020
Suliffissamut ID normut: LJA-80047519
Atorfeqarnermi atugassarititaasut: Tamakkiisoq
Suliassaqarfik: Allat

Aningaasaqarnermut Naalakkerusisoqarfik pikkorissumik pimoorussisumillu nutserisussarsiorpoq.

Pitsaassuseq qaffasissoq, ulapaarfimmi suliassanik ilisimaarinnissinnaasoq, piffissaq eqqorlugu naammassinnissinnaasoq qungujulallunilu sullissisinnaasoq. Taava immaqa illit nutserisussaraatsigit.

Aningaasaqarnermut Naalakkersuisoqarfik nutserisussarsiorpoq. Nutserisoqarfik Aqutsinermik Allattoqarfimmut naalakkersuisoqarfimmi ingerlatsinermi kiisalu Naalakkersuisumik naalakkersuisoqarfimmilu pisortamik sullissinermut atatillugu suliassaqarfinnik arlalinnik ingerlataqartumut ilaavoq. Nutserisup Aqutsinermik Allattoqarfimmi immikkoortortami pisortamut atassuteqarpoq.

Illit pillutit
Nutserisutut ilinniarsimasuuvutit imaluunniit assigisaanik piginnaasaqarlutit misilittagaqartuullutit. Nutserinermik suliaqarnermik misilittagaqareersimaguit iluaqutaassaaq.

F2-mik atuisinnaaguit pitsaassaqaaq aammalu Wordimik imaluunniit Power Pointimik immaqalu Officemi atortunik allanik atuineq sungiusimagukku aamma pitsaassalluni.

Aningaasaqarnermut tunngasutigut oqaatsinik ilisimasaqarnissaq iluaqutaassaaq.

Suliassanik ilisimaarinnittuuvutit pilersaarusiorluarsinnaallutillu, taamaalilluni suliat piffissaq eqqorlugu naammassineqarsinnaaqqullugit naatsorsuutiginngisallu pinngitsoortissinnaallugit. Pitsaassutsip qaffasissuunissaa aqutsilluarsinnaanerlu pingaartitaraatit.
Nammineerlutit sulilluarsinnaavutit, aammali allanik suleqateqarluarsinnaallutit.

Suliffimmi persuarsiorfiunngitsumi, suliakkiisartumut qanittumik inissisimasumi pimoorussisunillu sulisulimmi sulisinnaavutit. Sullissilluarneq aamma pitsaassutsimik pingaartitsilluinnartuuneq kiisalu suleqatigiinnermut pitsaasumut tapiissuteqartarneq ilinnut nalinginnaasuuvoq.

Atorfik pillugu
Pingaartumik makku suliarisassavatit:

  • Kalaallisut/danskisut allattariarsorluni nutserineq
  • Nutserisut avataaneersut nutsigaasa pitsaassusaannik qulakkeerinninneq
  • Nutserisunut avataaneersunut attaveqaataaneq aammataaq ilaatigut nutserinermi suliassanik ataqatigiissaarinerusinnaasut
  • Naalakkersuisoqarfiup atortussanik naalakkersuinikkut suliarineqartussanik tunniussinissaanik qulakkeereqataaneq
  • Naalakkersuisumik naalakkersuisoqarfimmilu pisortanik sullisseqataaneq
  • Nutsikkat pitsaassusaannik akisussaasuuneq
  • Suliassat takkussortut.
Aningaasaqarnermut Naalakkersuisoqarfimmi nutserisutut tuaviortumik nutsigassat naannerusut suliarisinnaassavatit, aammali inatsisilerinikkut nutsigassat annertunerusut kiisalu aningaasaqarnikkut saqqummiussassat assigiinngitsut tassaapput suliarisartagarisinnaasavit ilaat.

Naalakkersuisoqarfiup iluani nutsigassat suliarisinnaanngikkaangatsigit, naalakkersuisoqarfiup avataani nutserisunut suliakkiutigineqartarput. Pitsaassutsip qaffasissuunissaa assigiissaarnissaalu kissaatigaarput, tamannalu isumaqarpoq, suliassat naalakkersuisoqarfiup avataani nutserneqarsimasut pitsaassusaat qulakkeertassagitit/kukkunersiortassagitit.
 
Ilisimasatit piginnaasatillu naapertorlugit nalinginnaasuulluinnarpoq, naalakkersuisoqarfimmi aqutsisunut ikiuuttarnissat siunnersuisarnissallu, taamaasillutik artortussat naalakkersuisoqarfiup tunniussai sapinngisamik pitsaanerpaamik pitsaassuseqassammata.

Aningaasaqarnermut Naalakkersuisoqarfimmi nutserisutut pingaaruteqarput suliassaqarfiit akornanni nutsigassanik ataqatigiissaarineq, piffissaliussanik eqqortitsineq, pitsaassutsimik qaffasissumik qulakkeerinninneq kiisalu inuppalaassuseq.

Aqutsinermik allattoqarfimmi sulineq isumaqarpoq, suliassaq apeqqutaatinnagu pisariaqartitsiffimmi ikiuussinnaanissaq.

Aningaasarsiat atorfeqarnermilu atugassarititaasut
Aningaasarsiat atorfeqartitaanermilu atugassarititaasut, matuma ataani akiliunneqarluni atorfinikkiartorluni soraarlunilu angalasinnaatitaaneq aamma pequtit nuunneqarsinnaanerat piffissami atorfiniffiusumi Kalaallit Nunaanni Namminersorlutik Oqartussat aamma pineqartup kattuffiata isumaqatiginninniarsinnaatitaasup akornanni isumaqatigiissutit atuuttut malillugit.
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq.   Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.
Sapaatip akunneranut suliffiusut 40 tiimiupput.

Paasissutissat annertunerusut
Atorfik pillugu paasissutissat erseqqinnerusut pissarsiarineqarsinnaapput uunga saaffiginninnikkut: immikkoortortami pisortaq Preben Rasmussen, tlf. +299 34 51 12 imaluunniit e-mail prer@nanoq.gl. Namminersorlutik Oqartussat pillugit uani paasisaqarnerusinnaavutit www.naalakkersuisut.gl.

Qinnuteqarfissamut killigititaq aamma atorfininnissaq
Qinnuteqaat linki atorlugu nassiunneqassaaq. Qinnuteqaatit mailikkut tiguneqarneq ajorput.

Qinnuteqaat naalakkersuisoqarfiup kingusinnerpaamik tigusimassavaa ataasinngorneq 27. april 2020 nal. 12:00.

Qinnuteqaammut ilannguteqquneqarput CV aamma soraarummeersimanermut uppernarsaat soraarummeernermilu karakteerit kiisalu oqaaseqaatit attuumassuteqartut.
Atorfininnissaq isumaqatigiissutigineqassaaq, sapinngisamilli piaarnerpaamik pissalluni.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia