Aqutsisoq Inunnik isumaginnittoqarfimmi / Afdelingsleder socialområdet

Kommune Qeqertalik

Qeqertarsuaq

Ikkunneqarpoq: 10-08-2020

Piffissaq atuuffissaa naassaaq: 31-08-2020

Suliffissamut ID normut: 330326471

Atorfeqarnermi atugassarititaasut: Tamakkiisoq

Suliassaqarfik: Aqutsineq, Isumaginnittoqarfik, Pisortani allaffissornikkut aqutsineq

Atorfiup taaguutaa: Afdelingsleder

Misilittakkat - Annertunerusumik:

Oqaatsit:

Danskisut	Atuarneq/ oqalunneq
Kallaallisut	Atuarneq/ oqalunneq/ allanneq

Kommune Qeqertalik Qeqertarsuaq

Inunnik isumaginnittoqarfimmi immikkoortortami aqutsisussarsiorpoq

Kommune Qeqertalik Qeqertarsuarmi Ininnik isumaginnittoqarfimmi immikkoortortami aqutsisutut atorfik inuttassarsiuunneqarpoq 1. september 2020 atorfinittussamik imaluunniit isumaqatigiissusiornikkut.

Atorfik allaffissornikkut Qeqertarsuup illoqarfiani inississimavoq tassanilu Qeqertarsuarmi immikkoortortaqarfiit Inuit ataaniittut, kiisalu Kangerlummi Inunnik isumaginninneq akisussaaffigissallugit.

Inunnik isumaginnittoqarfimmi immikkoortoqarfimmi aqutsisutut Kommune Qeqertalik Qeqertarsuarmi sullissivinni pisortaq qaninnertut pisortarissavat.

Aqutsisup suliassai pingaarnerit ukuupput:

    Inunnik isumaginnittoqarfiup ulluinnarni ingerlanneqarnerata aqunneqarneratalu innuttaasunik sullissilluarnikkut pitsaassutsimigullu nukittorsartuarnerata qulakkeernissaa siuttuuffigalugit. Isumaginnittoqarfimmi suliassat aqullugit agguataarlugillu makkuusut; meeqqanik inuusuttuaqqanillu isumaginninneq, pisortatigut ikiorsiissutit, siusinaartumik pensionit, utoqqarnik isumaginninneq innarluutilinnillu isumaginninneq  Isumaginninnikkut siunnersuineq ilitsersuinerlu.

Suliassat akisussaaffiillu agguataarneri:

            Innuttaasut ikiorserneqarnissamik pisariaqartitsisut pitsaasumik sullinneqarnissaat

• Inatsisit malittarisassallu atuuttut malillugit isumaginnittoqarfik aqullugu
• Isumaginnittoqarfiup missingersuutaanik ukiumoortunik suliaqarneq

       Periutsit sungiusimasat isumaginnittoqarfimmilu suleriaatsit aaqqissuuttuarlugit allanngutsaalillugillu

   Suliffeqarfiup iluani avataanilu suleqatinik suleqatigiilluarnissap qulakkeernissaa  Inunnut ataasiakkaanut suliat eqqortumik aaqqissuunneqarneri uppernarsaasersornerilu qulakkiissallugit

• Isumaginnittoqarfiup iluani paasissutissanik aaqqissuussinerup qularnaarneqarnissaa suleqatigiit paasissutissanik nalunaarsuutinillu pissarsiuarnissaannik, suliat naammaginartumik suliarineqarnissaannut pisariaqartinneqartunik qulakkeerinnittumik.
• Suleqataasut atugarissaarnerat suliamikkullu ineriartornerat qulakkiissallugu ilitsersuineq aammalu suliffeqarfiup iluani ilinniaqqinnerit pikkorissarnerillu naapertuuttut aqqutigalugit.

Pisinnaasat:

             Aqutsisoq ersarissoq.

• Aqutsisutut misilittagalik, imaluunniit siornatigut suliffigisimasami sulisunut aqutsinermut misilittagarsimasuussaatit.
• Inuit naligalugit ataqqillugillu naapissinnaanissaat pingaartippat aqutsisinnaassuseqarlutillu

• Isumaginnittoqarfiup iluani inatsisinik ilisimasaqartuussaatit
• Akisussaassusilik.
• Aalajangiisinnaasoq.
• Suleqatinik kaammattuisinnaasoq

                -     Sulianut tunngasuni suliaqarfiit akimorlugit suleqataasinnaassusilik.

• Pisuni sakkortuuni eqqissisimasinnaaneq.
• Naatsorsuutit missingersuutillu aqutsinermut atorsinnaallugit.

Akissarsiat atorfininnermilu atugassarititat:

Akissarsiaqartitaaneq atorfininnermilu atugassarititaasut kattuffik isumaqatiginninniarsinnatitaasumut isumaqatigiissutit atuuttut naapertorlugit atorfinitsitsineq pissaaq.

Atorfimmut atatillugu inissaqartitsisoqarpoq, taannalu akilerneqartassaaq qularnaveeqqusiinermut akiliutissamut il. il. malittarisassat atuuttut naapertorlugit.

Pinerlussimannginnermut uppernarsaat (Straffeattest) meeqqanillu pinerliisimannginnermut uppersarsaat (Børneattest) tunngavigalugit atorfinitsitaaneq pissaaq, taakkulu qinnuteqartup akuersineratigut Rigspolitiinut sulisitsisumiit piniarneqassapput.

Atorfik pillugu annertunerusumik paasisaqartoqarsinnaavoq Aqutsisoq Inuit Per Andersen telefon 38 7185—mut saaffiginninnikkut imaluunnut e-mailimut: pean@qeqertalik.gl

Qinnuteqarfissaq kingulleq

Qinnuteqaat ilinniarsimaneq suliffigisimasallu pillugit paasissutissat, ilinniarsimanermut uppernarsaatit il.il. ilanngullugit Kommune Qeqertalik Qeqertarsuarmut tunniutereerneqarsimassaaq kingusinnerpaamik 31. august 2020 nalunaaqutaq 12.00 (ullup-qeqqanut).

Qinnuteqaammik nassiussivissaq:

hr@qeqertalik.gl

Imaluunniit uunga:

Kommune Qeqertalik Qeqertarsuaq Postboks 513,

3953 Qeqertarsuaq