Aqutsisoq Ippiarsummut / Leder til Ippiarsuk

Kommuneqarfik Sermersooq

Nuuk

Ikkunneqarpoq: 27-01-2023

Piffissaq atuuffissaa naassaaq: 16-02-2023

Suliffissamut ID normut: 331478035

Atorfeqarnermi atugassarititaasut: Tamakkiisoq

Suliassaqarfik: Aqutsineq

Atorfiup taaguutaa: Leder

Misilittakkat - Annertunerusumik:

Oqaatsit:

Danskisut	Atuarneq/ oqalunneq/ allanneq
Kallaallisut	Atuarneq/ oqalunneq/ allanneq

Kommuneqarfik Sermersooq utoqqaat illuani Ippiarsummi patajaatsumik pimoorussilluartumillu aqutsisussarsiorpoq.

Utoqqarnik paaqqinniffik 33-nik ineqartuuteqarpoq. Init qulit Innuttaasunut puiguttortunut atugassaapput. (Tamatuma saniatigut immikkoortortaqarfeqarpoq innarluutilinnut inuusunnerusunut qulinut inissaqartumik, taannalu illorsuup iluaniippoq suleqatigineqarlunilu)

Ippiarsuk aamma innuttaasunut angerlarsimaffinniittunut innersuunneqartunut sammisassaqartitsisarpoq.

Ippiarsummiipput immikkoortortaqarfeeqqat arfinillit. Utoqqarnut immikkoortortaqarfiit marluk, puiguttortunut immikkoortortaqarfik, igaffik, errorsisarfik/eqqiaasut, allaffik taavalu sammisassaqartitsivik, tassaniipput katillugit sulisut 70-it missaanniittut.

Ippiarsummi aqutsisutut suleqatigiit ataqatigiissaarisut immikkoortortaqarfimmilu peqqissaasoq peqatigalugu utoqqaat illuata ingerlatsinera akisussaaffigissavat, suliffeqarfiuvoq assigiinngitsorpassuarnik fag-tigut suliassatigullu sammisalik. Tassunga atatillugu angerlarsimaffiuvoq utoqqaat angerlarsimaffiat taamaattumik illit aqutsisutut utoqqaat illuani ersarittuunissat ajunngitsumillu aqutsinikkut siuttuunissat, uummateqarfigalugu, fag-tigut pikkoriffigalugu kiisalu aamma atugarissaartitsineq eqqarsaatigalugu aqutsilluarnissat pingaaruteqarpoq.

Utoqqarnut susassaqarfimmi tamani ineriartortitsinissamut tunngasunik ingerlatsivugut, ilaatigut aqutsisutut kiisalu sulisunut tamanut inuttut ineriartortitsinermik taaneqartartoq ilanngullugu. Ippiarsuk utoqqarnik paaqqinniffiuvoq illorsuaq angisooq pissanganartorlu, tassanilu immitsinnut inissaqartittuuvugut, najugaqartoq qitiutillugu sulilluta aamma tatiginassuseq, qanilaassuseq, isumassuineq, toqqissisimaneq, tusarnaarneq naleqartinneqarlutik inuunermilu pitsaassuseq takuneqarlunilu malugineqarpoq.

Kommunip utoqqarnut politikkia aallaavigalugu innuttaaqativut utoqqaat sullinneqartarput, taanna uani, kommunillu maleruagassiai allat ilanngullugit allagartat uppernarsaatit ilanngullugit takusinnaavatit:

https://sermersooq.gl/da/politik-indflydelse/kommunens-hoeringer/

Pissarsiorpugut:

• Peqqinnissamut tunngasunik ilinniagalik imaluunniit peqqinnissaqarfiup iluani suliamut tunngasunut ilinniagaqaqqissimasoq
• Utoqqarnut tunngassutilinnut nalinginnaasunik sulianik misilittagaqarnissat aqutsinermilu misilittagaqarnissat kissaatiginarpoq
• Aqutsisutut sullitannut aammalu sulisunnut saaffikkuminartuunissat qanilaassuseqarnissallu pingaartipparput
• Qulakkeerinnissinnaanissat sullitat maleruagassat inatsisillu maillugit sullinneqassasut
• Suleqatikkuminartuuvutit allannguinissamut ineriartortitsinissamullupiumassuseqarlutit timitaliisinnaassuseqassaatit, aammalu pisariavitsillugu pingaarutilinnik aalajangiisinnaassuseqassallutit
• Nutaaliorsinnaassuseqassaatit nuannersumillu eqqarsarsinnaassaatit – anguniakkanillu ersarissunik pilersitsisinnaasuseqassaatit
• Ilinniagalinnik ilinniagaqanngitsunillu suleqateqarsinnaassaatit - sulisoqarlutillu
• Malinnaasinnaalluassasutit immikkoortortaqarfiillu akornanni suleqatigiinnermi ataqatigiissaarisuusinnaasutit
• Pingaaruteqarpoq suliassanut tunngatillugu piffissaliussat malillugit sulisinnaanissat
• Pingaartissagitit sulinermut tunngatillugu ineriartuutaasinnaasut – aammalu siumut isigisumik eqqarsarsinnaaneq
• Missingersuutinik aningaasaqarnermillu ilisimasaqartuunissat misilittagaqarfigisimanissailu kiisalu aningaasanik aningaasaliussaasunik aqutsisinnaanissat

Neqeroorutigaavut:

• Innuttaaqatitsinnut utoqqarnut isumaginninnerup nukittorsarnissaanut ineriartortinnissaannullu periarfissiineq
• Ulluinnaq, tassani ullut marluk assigiinneq ajorput
• Aqutsisoqatinik isumasioqatigiinnissamut periarfissaqarluarneq
• Qanimut suleqatigiinneq, fagchefillu isumasioqatigiittarneq
• Inuttut suliamullu tunngasutigut ineriartorneq
• Sulisunik kajumissuseqarluartunik pikkorissunillu suleqateqarnissamut periarfissaqarneq

Aqutsisup toqqaannartumik utoqqarnut susassaqarfimmi fagchefi qullersarissavaa.

Annertunerusumik paasisaqarusukkuit:

Atorfik atuuffiullu allaaserineqarnera pillugit allanik paasissutissanik takorusukkuit fagchefi Arnannguaq H. Christensen uunga attavigissavat; arch@sermersooq.gl. Oqarasuaat: +299 368142/529932

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Naalakkersuisut aamma Sulinermik Inuussutissarsiuteqartut Kattuffiata (SIK-p) akornanni isumaqatigiissut atuuttoq, Sundhedsassistentit Peqatigiiffiata imaluunniit Peqqissaasut Kattuffiata (PK-p) akornanni isumaqatigiissut atuuttoq imaluunniit Kalaallit Nunaanni kattuffiup allap isumaqatiginninniarsinnaatitaasup isumaqatigiissutaa atuuttoq naapertorlugu atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Qinnuteqaat:

Qinnuteqaat qulequtserlugu Atorfiup ilisarnaataa 85/23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALIGIUK: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: februaarip 16.-at, 2023