sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Arbejdsmiljøkonsulent

Kommune Kujalleq

Qaqortoq
Ikkunneqarpoq: 23-05-2022
Piffissaq atuuffissaa naassaaq: 13-06-2022
Suliffissamut ID normut: LJA-83643598
Atorfeqarnermi atugassarititaasut: Tamakkiisoq
Suliassaqarfik: Allat, Allaffik & allaffissorneq

Qaqortumut suliffimmi atugarisat pillugit siunnersortissarsiorpugut


Kommune Kujallermi Sulisoqarnermut Immikkoortortaqarfiup ataani nutaatut atulersitamik Qaqortumi inissisimasussatut suliffimmi atugarisat pillugit siunnersortitut atorfik juulip ulluisa aallaqqaataat 2022-miit inuttalerneqarsinnaalissaaq imaluunniit erseqqarinnerusumik isumaqatigissuteqarnikkut.


Kommune Kujallermi Qaqortumi inissisimasussamik piffissaq tamakkerlugu atorfimmut sulinermi atugarisat pillugit siunnersortimik Sulisoqarnermut Immikkoortortaqarfik pissarsiorpoq. Suleqatigilissagutsigit suliffimmut susoqarfiujuaannartumut pissaatit. Sulisoqarnermut Immikkoortortaqarfimmi suleqatigiit suliassanik nikerartunik suliaqartarpugut.

Inunnik sullissinissamik soqutigisaqaruit aammalu unammillernarsinnaasunik nuannarisaqarlutit, soorluttaarlu nammineersinnaassuseqarlutit sulisinnaaguit, illit ujartorpatsigit.


Atuuffiit:

  • Suliassat suliffinni atugarisat pillugit peqatigiiffinnik sullissineq attaveqarnerlu.
  • Kommune Kujallermi tamarmiusumi sulinermi atugarisanut tunngatillugu suliassanut tiguneqartunut siunnersuineq, ilitsersuineq attaveqarnerlu.

·Suliffimmi atugarisat pillugit aqutsisunut nutaanut siunnersuineq ilitsersuinerlu.


Suliassat:

  • Kommune Kujallermi tamarmiusumi sillimaniarnermut / suleqatigiinnissamut ataatsimiititaliami (SISU-mi) ataatsimiinnernut tamanut allattaanissaq imaqarniliortarnissarlu. Aamma HSSU-mut (Hoved Sikkerheds- og Samarbejdsudvalg), tassa Sillimaniarnermut aamma Suleqatigiinnissamut Ataatsimiititaliamut Qulliusumut tunngatillugu. Taakku ilagalugissaaq SISU-mi aamma HSSU-mi ataatsimiinnerni suliassaasinnaasut nanginnissaat.
  • Kommunimit suliassat aallutassat pineqartillugit suliffimmi atugassarititaasut atugarissaarnissarlu eqqarsaatigalugit anguniakkanik tapersersuinissaq.
  • Kommune Kujallermi atorfillit suliffimmi atugarisat pillugit ilinniartinneqarnissaannik pilersarusiorlunilu ingerlatsinissaq. Kalaallit Nunaanni Sullivinnik Nakkutilliisoqarfiup suleqateqatigineqarsinnaanissaa.
  • Najugaqarfinni SISU-t tamaasa ingerlaavartumik nalunaarsiuuttarnissaat.
  • Suliffeqarfinnik naliliinernik/APV-nik aallartitseqataallunilu nangitsisarnissaq.
  • Sammisanik ilisarititsinerit sananeqarlutillu nutarterneqartassapput - kommunimi tamarmiusumi atorfillit tamarmik sammisamut pulatinneqassapput.
  • Atugarissaarnermut misissuinerit aallartisarnissaat nanginneqartarnissaallu.
  • Sulisoqarnermut politikkit, najoqqutassat assigisaasalu malinnaatinneqarneqartuarnissaat. Kommune Kujallermi paasissutissat pissarsiarineqartarnissaasa "uummaarissuunissaasalu" qulakkeerneqarnissaat.
  • Sulisunut politikkeqarneq pillugu SISU-mut susassaqarfiillu pisortaannut ukiumoortumik ulloqartitsinissap pilersaarsuiornissaa ingerlanneqarnissaalu.

·Susassaqarfiit tamalaaneersut peqaqataaffigisaannik soraarfiup nalaani suliat inuttullu susassareqatigiinneq pillugit ataatsimiinnerit piareersarnissaat.


Aningaasarsiat atorfeqartitaanermilu atugassarititaasut

Akissarsiat atorfinitsitaanermilu atugassarititaasut atorfininnerup nalaani Naalakkersuisut aamma Atorfilli Kattuffiata akornanni isumaqatigiissutit atuuttut malillugit pissapput.


Avataaneersut suliffimmut atasumik inissaqartinneqarsinnaapput, malittarisassat atuuttut najoqqutaralugit ineqarnermut akiliutit allallu akilerneqassallutik. Aammattaaq malittarisassat atuuttut malillugit sivikinnerpaamik ukiuni pingasuni atorfeqareersimanermi soraarnerup allamullu nuutsinneqarnerup nassataanik pigisanik nuussinermut aningaasartuutit akilerneqassallutik.


Atorfik pillugu paasissutissat annertunerusut, immikkoortortaqarfimmi aqutsisumut Jacob Abelsenimut, oqarasuaat (+299) 645403, e-mail:jaab@kujalleq.gl-imut saaffiginninnikkut pissarsiarineqarsinnaapput. 


Qinnuteqaat, pineqaatissinneqarsimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat kiisalu soraarummeersimanermit uppernarsaatit assilineri il.il. PDF-filinngorlugit kommunip nittartagaatigut nassiunneqariissapput kingusinnerpaamik ulloq juunip 13-iat 2022.


MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.


”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput ”

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffeqarfimmit ataatsimit suliffissat allat