Ataatsimik terapeutimik suliassamut piginnaaneqarluartumik suleqatissarsiorpoq / En faglig stærk terapeut

Kommuneqarfik Sermersooq

Nuuk

Ikkunneqarpoq: 07-08-2024

Piffissaq atuuffissaa naassaaq: 28-08-2024

Suliffissamut ID normut: 331600173

Atorfeqarnermi atugassarititaasut: Tamakkiisoq

Suliassaqarfik: Allat

Atorfiup taaguutaa: Terapeut

Ilinniagaq:

Misilittakkat - Annertunerusumik: Engageret, Selvstændig, Stabil, Ansvar

Oqaatsit:

Danskisut	Atuarneq/ oqalunneq
Kallaallisut	Atuarneq/ oqalunneq

Nuummi Najugaqarfittut katsorsaanermillu neqeroorut terapeutimik suliassamut piginnaaneqarluartumik suleqatissarsiorpoq

Uagut pilluta:

Kuserneq tassaavoq naartusunut aamma ilaqutariinnut mikisunik meerartalinnut najugaqarfiutigaluni katsorsaanertalimmik neqeroorut, angajoqqaatut piginnaanerit qaffassarneqarnissaannik angajoqqaajunermillu ilitsersuinermik ingerlatsivik.

Ilaqutariinnut 11-nut inissaqartitsivugut, assigiinngitsorpassuillu peqqutigalugit ilaqutariit uagutsinnut innersuunneqarsinnaasarput. Kusernermi ukiut marluk tikillugit najugaqarsinnaapput. Ilaqutariinnik katsorsaaneq, eqimattanik ingerlatsineq aamma sammisat naapertuuttut ineriartuutaasinnaasut neqeroorutigaavut.

Atorfik pillugu:

Kusernermi terapeutitut akisussaaffigissavat ilaqutariit aammalu suleqatigiisitsisinnaanermi katsorsaaneq.Taassuma nassataraa aaqqissuussaasumik tunngaveqarluni angerlarsimaffimmi oqaloqatigiinnerit ineriartorneq aamma nukissanik sanarfineq pingaartitaralugit. Suleqatigiit qanimut suleqatigisassatit tassaapput katsorsaanermik aqutsisoq, katsorsaanermik siunnersorti aammalu ilaqutariinnut siunnersuisut arfinillit suleqatigissavatit.

Kusernermi ilaqutariinnut iluaqutaasussamik ineriartornermik ingerlatsiuarpugut. Suliamut piginnaasat qaffassarnissaat ineriartortittuarnissaalu pingaartitaraarput, soorluttaaq periutsit sakkullu atukkatta ineriartortinnissaat pingaartittuarparput, ilaqutariinnut Kusernermi najugaqarneranni neqeroorutigisinnaasavut. Taamaattumik illit uagut peqatigaluta ineriartornissannut kajumissuseqassaatit, piumassuseqarlutit qunusuissuseqarlutillu. Tassunga piumasaqaataavoq illit nammineq piginnaasatit aamma killissatit pillugit ilisimaarinninnerit.

Pingaarnertut akisussaaffigisassat:

·Ilaqutariinnik mikisunik meerartalinnik terapeutitut katsorsaaneq siunnersuinerlu.

·Katsorsaanernik ilaqutariinnut tunngasunik ingerlatsineq ilaqutariit piginnaasaat meeqqallu nalerisimanerat pingaartillugit.

·Meeqqat nalerisimanerannik angajoqqaallu angajoqqaatut isumassuisutullu atuuffimminnik ingerlatsisinnaanerannut periarfissanik qulaarsineq naliliinerlu.

·Ilaqutariit oqaloqatigiinnerannik, ataasiakkaanik oqaloqateqarnernik aappariinnillu oqaloqatiginninnernik ingerlatsinerit.

·Angajoqqaat meeqqallu sunniivigeqatigiinnerannik misissuineq kiisalu tamassuma nukittorsarneqarnissaannik suliaqarneq.

·Angajoqqaanik pikkorissartitsinernik aamma tarnip pissusaanik tunngasunik ilinniarnernik ingerlatsinerit.

·Ilaqutariinnut siunnersuisunik qanimut suleqateqarneq ilivitsumik isiginnittaaseqarluni suliniuteqarneq qulakkeersinnaajumallugu.

·Ilaqutariit peqatigalugit katsorsaanermik sammisanut naapertuuttunut peqataaneq.

·Suleqatigiit sinneri peqatigalugit katsorsaanermut pilersaarusiorneq malinnaaffiginninnerit naliliinerillu tunngavigalugit.

·Killiffimmik allaaserinninnerit aamma malinnaaffiginninnernit nalunaarusiornerit. 

Tunuliaquttat:

·Psykologitut, ilaqutariinnik katsorsaasutut imaluunniitpsykoterapeutitut ilinniagaqarputit.

·Ajornanngippat naalungiarsunnik aamma angajoqqaajuneq pillugu suliassaqarfimmik misilittagaqarputit ilisimasaqarlutillu.

·Sullinniarneqartut pingaartippatit aamma ilaqutariit sunniivigeqatigiinnerannik suliamik misilittagaqarputit inuit ataasiakkaat pinerunagit attaveqarfiilli pingaartinnerullugit.

·Nukissat eqqarsaatigalugit aamma eqqarsaatimiilersitsineq tunngavigalugu sulinermik piginnaaneqarputit.

·Namminersorlutit aamma suleqatigiinni aaqqissuussaasumik aamma sinaakkutissat aallaavigalugit sulisinnaassuseqarputit.

·Erseqqissumik attaveqariaaseqarputit aamma killissanik inissiisinnaavutit.

·Eqaatsuuvutit aamma allanngueriaannaassuseqarputit.

·Maannakkorpiaq suliamut piginnaaneqarnerit atorsinnaavat ilaqutariit akornanni.

·Angajoqqaat/meeqqat attaveqarnerannik sunniivigeqatigiinnit aamma attuumassuteqarneq misilittagaqarfigivatit.

·Katsorsaanermik pisariaqartitsisut suliniuteqarfiginerannik misilittagaqarputit.

·Akuersaartuuvutit aamma misiginneqatiginnittuuvutit.

·Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

Neqeroorutigaagut:

·Suliffeqarfik eqeersimaarfiusoq ineriartortoq assigiinngisitaartunik suliassaqarfiusoq.

·Suliffik unammillernartoq illit suliamut piginnaasannik annertuunik piumasaqaatitalik illilli nammineq katsorsaanermik sinaakkusiussamut suliassanullu sunniuteqarsinnaaninnut periarfissaqartitsisoq. 

·Suliassat aamma supervision aqqutigalugit suliamut tunngasumik aamma inuttut ineriartornermik pingaartitsineq.

·Suleqatigiit pitsaasumik ingerlanerannik aamma suliffimmi peqqissunik atugassaqartitaanermik pingaartitsineq.

·Suleqatit soqutiginnittut aamma suleqatinik qanimut suleqateqarneq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Fagchef Cecile Jeremiassen , oqarasuaat +299 36 73 31 imaluunniit e-mail: ceje@sermersooq.gl, imaluunniit Katsorsaanermik aqutsisoq Solveig Mølgaard, oqarasuaat: +299 36 61 76 imaluunniit e-mail: solm@sermersooq.gl

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Qinnuteqaat:

Qinnuteqaat qulequtserlugu Atorfiup ilisarnaataa 823-24 -mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.