Atorfik ikkussara / Sygeplejerske søges til Boenhed Pakkutaq

Kommuneqarfik Sermersooq

Nuuk

Ikkunneqarpoq: 18-02-2025

Piffissaq atuuffissaa naassaaq: 11-03-2025

Suliffissamut ID normut: 331601968

Atorfeqarnermi atugassarititaasut: Tamakkiisoq

Suliassaqarfik: Allat

Atorfiup taaguutaa: Sygeplejerske

Misilittakkat - Annertunerusumik: Samarbejde, Selvstændig, Ansvar

Oqaatsit:

Danskisut	Atuarneq/ oqalunneq
Kallaallisut	Atuarneq/ oqalunneq

Najugaqatigiiffik Pakkutaq tunniusimasumillu peqqissaasumik            pissarsiorpoq

Inunnut innarluutilinnut tarnikkullu nappaatilinnut Immikkoortortaq Najugaqatigiiffik Pakkutaq Nuummiittoq peqqissaasumik imaluunniit peqqissaanermi assistentimik tuniuilluarsinnaasumik sulisussarsiorpoq. Najugaqartut pillugit allanngueqataarusuppit, taava illerpiaq suleqatissatsitut amigaatigaatsigit.

Atorfik ullormut suliffiusussaq tamaat suliffiuvoq sap. ak. 40 tiimit nikerartumillu suliffiulluni.

Najugaqatigiiffik Pakkutaq innuttaasunut timimikkut tarnimikkullu piginnaasakillisimasunut, 18 - 67-inik ukiulinnut 12-inut inissaqarpoq. Ataasiakkaat timikkut, eqqarsartaatsikkut inooqataanermilu piginnaasatigut attassiinnarnissaannut ineriartortinnissaanullu ikiornissaat pingaarnertut suliassarissavatit. Suleqatitit peqatigalugit innuttaasup kinaassutsiminik, imminut naleqartinnermik aamma inuunermik nuannarisaqarneranik attassiinnarnissaanut ineriartortitsinissaanillu ikorfartussavat. Najugaqatigiiffimmi pingaartitavut tassaapput inuunermi ajornaannerpaat, tassaasut: isumassuineq, ataasiakkaanut ataqqinninneq, toqqissisimanermik tatiginninnermillu pilersitsineq, pitsaanerpaamik inuuneqartitsinissaq tusarnaarluarnerlu.

Peqqissaasutut suleqatigilissuatigut sullitattalu ilaannut attaveqaataajumaarputit. Sullitatta illorsuup avataani suleqatitsinnut attaveqaassuttarnissaanut akisussaaqataassuutit soorlu ukununnga; peqqinnissaqarfik, tarnip pissusaatigut sullissisut, timikkut piginnaanngorsartinnermi suleqatit aammalu sullitatta inulerinermut sullissisuanut.

Naatsorsuutigaarput illit inuttut:

·Peqqissaasutut ilinniagaqarsimasutit.

·Tungiuillaqqittuusutit naapikkuminartorlu takusinnaallugulu sulliviup avatagiisaanut tamanna aqqutissaasoq

·Nutaanik ujartuisoq ineriartortitsinermullu eqqummaarittoq taamaasillutik najugaqartunut allanngueqataasinnaasutit

·Namminersorsinnaasutut allanillu ilinniagalinnik suleqatiginnissinnaasutit

·Suleqatinut peqqinnissap tungaatigut avitseqatiginnissinnaasutit

·Inuttut ilakkuminartuusutit, qiimasoq inissaqartitsisorlu

·Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

Suliassatit:

·Nakorsaatit – najugaqatigiiffimmi nakorsap ininut naasaasarnera

·Pilersaarusiorneq, aaqqissuineq aamma ulluinnarni suliassat eqqarsaatigalugit aqutsisoq sulisullu sinneri suleqatigalugit ataqatigiissaarineq

·Najugaqatigiiffiup najugaqartunut neqeroorutaanik ineriartortitsineq aqutsisoq sulisullu sinneri suleqatigalugit

·Sulisunik attassineq kiisalu peqqissutsimut tunngatillugu pitsaanerpaamik angusaqarnissamut ineriartortitseqqinneq

Neqeroorutigisinnaavarput:

·Atorfik suliassanik unammillernartulik namminerlu suliassanik sunniuteqarfiusinnaasoq

·Immikkoortortaq annertuumik ineriartuutilik

·Suleqatit sulilluartut pikkorissullu

·Sulisut pikorissut tunniusimasullu

Uagut pilluta:

Innarluutilinnut aamma Tarnikkut nappaatilinnut immikkoortoqarfik Immikkoortoqarfiuvoq arfineq-pingasunik najugaqatigiiffeqartoq, najugaqatigiiffiit allat tallimat, sammisassaqartitsinermut ataatsimooqateqartitsinissamullu neqeroorutinik marluk kiisalu tapersersorteqarfinnut pingasut Nuummi, Tasiilami Paamiunilu agguataarsimasut. Ineriartortitsinermik annertuumik ilaatigut sulisunik nutaanik sukumiisumik ilitsersuussisoqartarnissaanik, ingerlaavartumik siunersiuisoqartarnissanik suliatigullu ataatsimoorfeqarnissaanik imaqartumik ingerlatsivugut.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Qinnuteqartunik aggersaalluni oqaloqatiginninnissaq pissaaq sap.ak. 11-mi.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami aqutsisoq Signe Petersen, oqarasuaat +299 58 16 67 imaluunniit e-mail: spet@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 179-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.