sullissivik.gl
Atorfimmut ussassaarummut oqaatsinut allanut nuunniarlutit tooruk
Kalaallit Nunaanni Brugseni

Attaveqatigiinnermut siunnersortissarsiorpugut / Vi søger en kommunikationskonsulent

Kalaallit Nunaanni Brugseni

Nuuk
Ikkunneqarpoq: 18-06-2024
Piffissaq atuuffissaa naassaaq: 27-07-2024
Suliffissamut ID normut: 331589605
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq, IT & tusagassiuutit
Atorfiup taaguutaa: Kommunikationskonsulent
Ilinniagaq: , , Prof. bach. journalistik
Misilittakkat - Annertunerusumik: Kommunikation, , ,
Oqaatsit:
Danskisut Atuarneq/ oqalunneq/ allanneq
Tuluttut Atuarneq/ oqalunneq/ allanneq
Kallaallisut Atuarneq/ oqalunneq/ allanneq
Attaveqarfissamut paasissutissat

Kalaallit Nunaanni Brugseni

John Thorsen
Aqqusinersuaq 4, 2 th.
Oqarasuaat +299 36 35 00

Inuit attaveqatigiittarfiinut pikkorillutillu kalaallisut oqaatsinik pingaartitsisuuvit? Taava maannakkut periarfissaqarputit Kalaallit Nunaanni Brugsenip kiffartuussinermut allaffeqarfiani attaveqatigiinnermut siunnersortitut suleqataalernissamut!

 

Kalaallit Nunaanni Brugseni 100% kalaallinit pigineqarpoq. Suliffeqarfittut naleqartitat tunngavingalugit ineriartortuarnissarput pingaartitaraarput, taamaattumik aamma attaveqatigeeriaatsinut assigiinngitsunut ineriartornikkut malinnaajuarnissarput sulinitsinni qitiulluinnarpoq. Attaveqatigeeriatsit assigiinngitsut suliffeqarfitsinni atorneqarput annerpaamillu digitalimik ingerlanneqarlutik.

 

Suliffeqarfiup iluani aammalu avammut attaveqatigiinnermi kalaallisut danskisullu oqaatsit pingaarnertut atorneqarput, annertusiartortumilli aamma tuluttut oqaatsit atugarineqaraluttuinnarlutik, taamaattumik atorfimmi matumani pingaaruteqarluinnarpoq kalaallisut danskisullu piginnaasaqarluarnissaq, ukiumoortunik nalunaarusiat annertuut suliarineqartartut pitsaassusilimmik nutserneqarnissaannut kukkunersiorneqarnissaannullu qulakkeerinnittooqataassaatit.

 

Attaveqatigiinnermut immikkoortortamit suliffeqarfiup iluani immikkoortortat allat aammalu pisiniarfiit assigiinngitsut qanimut suleqatigineqartarput kiffartuunneqartarlutillu.

 

Qitiusumik allaffeqarfipput kiffartuussiviuvoq immikkoortortanut assigiinngitsunut makkununnga agguataarnikoq: aningaasaqarneq akissarsialerinermullu immikkoortortaq, nioqqutissanik ussassaarutissanillu immikkoortortaq, sulisoqarnermut ingerlatsivik (HR), tuniniaanermut pisortat marluk, pilerisaarinermut attaveqatigiinnermullu immikkoortortaq. Immikkoortortani taakkunanni katillugit sulisut 26-iupput.

 

 

Pingaarnertut suliassatit makkuussapput:

  • Pisiniarfinni kiffartuussiveqarfimmilu sulisut peqatigalugit suliarissallugit pilersillugillu ilutsinnit avammullu attaveqaqatigiittarfitsigut saqqummiussassat
  • Tusagassiorfinni assigiinngitsuni attaveqatigiittarfinnullu ilanngutassanik ujartuillutillu allaaserinnittarneq
  • Allaaserisassat assigiinngitsut kalaallisut qallunaatullu namminersuutigalugit aamma avataani nutserisorput peqatigalugu suliarisassavatit
  • Saqqummiussassat pilersaarusiorlugit ulluinnarni saqqummiussiffiusartuni digitaliusuni saqqummiussussallugit
  • Attaveqaqatigiinnermut periusissaq pillugu isumasioqataaneq aammalu nutaanik pitsaasunik suleriusissianik ineriartortitseqataaneq

 

Illit piginnaasaqarfigisassatit:

  • Attaveqarluarsinnaasoq oqaluttuassanullu pitsaasunut tappittoq
  • Kalaallisut qallunaatullu allattariarsornermut pikkorissoq, tuluttoorsinnaaneq aamma iluaqutaassaaq
  • Suliniutinut nutaanut isumassarsiorluarsinnaasoq
  • Inunnik amerlasuunik suleqatiginninnissamut kajumissusilik
  • Teknikkikkut piginnaasalik programminut suliaqarfinnillu digitaliusunik ilisimaarinnittoq
  • Suliumassusilik immikkullu iliuuseqarumasoq
  • Aaqqissuussaasumik namminersorlutillu sulisinnaassutit, immikkuullarissunut tappittoq.
  • Eqinnaatsuuvutit tamatigoortuullutillu


Uagut neqeroorutigaarput:

  • Nunatsinni suliffeqarfiit annersaasa ilaanni ilaasortanut suleqatinullu inerisaanissamik periarfissaq
  • Susassareqatigiiffiusumi suleqatigiiaaani atorfik namminersorfiusoq
  • Kiffartuussiveqarfimmi sulinermi avatangiisit ineriartorfiusut
  • Susassaqarfiit assigiinngitsut iluini suleqatigiiaani suleqatit pikkorissut
  • Piginnaasat naapertorlugit akissarsiaqarneq allallu sulisunut ajunngitsorsiassat
  • Allamiit sulinissamut aamma periarfissaqarsinnaavoq

 

Qinnuteqarfissaq kingulleq

27. juuli 2024 - ataavartumilli oqaloqatiginninnerit ingerlanneqassapput, taamaattumik piaartumik qinnuteqarnissat kaammattuutigissavarput.

 

Qinnuteqaatit nittartagarput www.brugseni.gl/job aqqutigalugu nassiunneqartassapput (e-mail-ikkuunngitsoq)

 

Atorfininnissaq

1. septembari 2024 isumaqatigiissuteqarnerluunniit naapertorlugu

 

Atorfik pillugu paasisaqarnerorusukkuit attavigiuk:

Ussassaarinermut attaveqatigiinnermullu pisortaq Benny R. Otte, oqarasuaat +299 363507 imaluunniit mailikkut benny.otte@knbmarketing.gl

 

Nittartagaq: www.brugseni.gl

Facebook & LinkedIn: Kalaallit Nunaanni Brugseni

Qinnuteqaaternut allakkianik ilanngussinngilatit. Taamaakkaluartoq qinnuteqaatit nassiunniarukku "Ok" tooruk, imaluunniit "Taamaatiguk" tooruk aammalu qinnuteqaqqilinnginnarni allakkiat ilanngutikkit.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia