Atuakkanik atorniartarfimmi kulturilerinermi sulisoq

Atuakkanik atorniartarfimmi kulturilermi sulisoq tamatigoortoq

ALLAGARSIUTEQQITAQ:

Narsami atuakkanik atorniartarfimmi kulturilerinermilu sulisutut atorfik juulip aallaqqaatani 2024-mi imaluunniit isumaqatigiissuteqarnikkut inuttalerniarneqarpoq. 

Sapaatip akunneranut suliffiusartoq: Akunnerit 40-t.

Atuakkanik atorniartarfimmi kulturilerinermi sulisup atuakkanik atorniartarfik akisussaaffigaa. 

Narsami Nanortalimmilu atuakkanik atorniartarfiit Majoriami ilinniartunut, meeqqat atuarfianni atuartunut, meeqqerivinnut, sukisaarsaartarfinnut, kommunip suliffeqarfiutaanut sullissisarput kiisalu sammisaqartitsisartut assigiinngitsut suleqatigisarlugit.

Suliassat:

• Inuit attaveqaqatigiittarfianni attaveqarluarneq
• Atuakkanik atorniartarfimmi aqutsisoq sunngiffimmilu pisortaq suleqatigalugit ulluinnarni atuakkanik atorniartarfimmi ingerlatsineq. 
• Unnuk kulturisiorfimmut aaqqissuussineq, atuakkanik atorniartarfimmi illoqarfimmilu aaqqissuusanik aaqqissuineq.
• Atuakkanik inniminniinermi ilioraanermilu ingerlatsineq akisussaanerlu.
• Atuakkanik atorniartarfiup ammasarfiisa avataatigut kulturimut sunngiffimmullu pisortamut ikiortaaneq.
• Umiarsuit takornariartaatit tikeqattaarnerini katersugaasivimmi ikiuunnissamutqinnuigineqarsinnaavutit. 

Atuakkanik atorniartarfiit kulturilerinermilu suliat ilisaritinnerat:

Atuakkanik atorniartarfiit suliffiupput tamaatigoortut sumiiffimmilu najugaqartunut kulturilerisunullu qanimut attaveqarfiusarlutik.     Sukisaarsaartarfik, sunngiffimmi pisortaq kiisalu katersugaasivik qanimut suleqatigineqartassapput.

Ilinnut neqeroorutigisinnaasavut:

• Suliffik namminersorsinnaanerup ineriartortinnissaanut periarfissalerujussuaq
• Suliffik persuarsiorfiunngitsoq
• Immikkoortortami takorluukkanik piviusunngortitsinissamik periarfissaqarluarneq
• Suliassat assigiinngitsut, suliassat allanngorartut
• Piffissaq tamaat suliffik – sapaatillu akunnerisa naanerini suliffiusartussaq
• Nunatsinni eqqumiitsuliornermik kulturianillu qanimut suliaqarfiusoq

Pineqaatissinneqarsimannginnermut aamma meeqqanik pinerliisimannginnermut uppernarsaatit:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu pinerluuteqarsimannginnermut uppernarsaat kommunimit tiguneqareerpat, aatsaat atorfinittoqarsinnaavoq. Taamaattumik malugeqqussavarput kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitiinit, aammalu pineqaatissinneqarsimannginnermut uppernarsaat Politiinit tiguneqarpat atorfininnissaq inissinneqassammat.

Akissarsiat sulinermilu atukkat:

Akissarsiatigut atorfinitsitaanermilu atugassarititaasut atorfininnerup nalaani Namminersorlutik Oqartussat SIK-llu akornanni isumaqatigiissutit atuuttut naapertorlugit aaqqinneqassapput.

Atorfimmut atatillugu inissaqartitsisoqanngilaq.

Atorfinitsinneqartut qaammatini pingasuni misiligaassapput.

 Atorfik pillugu paasissutissat sukumiinerusut pissarsiarineqarsinnaapput atuakkanik atorniartarfiup aqutsisua Mike K. Andersen saaffigalugu mika@kujalleq.gltelefon: +299 582203

Qinnuteqaat, pineqaatissinneqarsimannginnermik uppernarsaatitalik, kiisalu ilinniagaqarsimanermut siusinnerusukkullu sulisimanermik paasissutissartalik, ilinniarsimanermut uppernarsaatit nuunnera, allallu pdf-inngorlugit Kommunimut tunniunneqareersimassaaq kingusinnerpaamik juunip ulluisa 25-iat 2024

MALUGIUK: Qinnuteqaatit pappilianngorlugit e-mailikkulluunniit tiguneq ajorpagut, qinnuteqaatit PDF-fil-inngorlugu nittartagaq aqqutigalugu nassiunniunneqassapput.

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput ”