sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Atuisartoqarnermut Unammilleqatigiinnermullu Aqutsisoqarfiup Maalaaruteqartarfia Inatsisilerituumik ilinniarsimasumik inuttassarsiorpoq

Namminersorlutik Oqartussat

Nuuk
Ikkunneqarpoq: 12-02-2021
Piffissaq atuuffissaa naassaaq: 15-03-2021
Suliffissamut ID normut: LJA-81712849
Atorfeqarnermi atugassarititaasut: Tamakkiisoq
Suliassaqarfik: Politi, illersornnissaq & eqqartuussiveqarneq

Atuisartoqarnermut Unammilleqatigiinnermullu Aqutsisoqarfimmi suleqatigilerusuppitigut?

Atuisartoqarnermut Unammilleqatigiinnermullu Aqutsisoqarfiup Maalaaruteqatarfia, Unammilleqatigiinnermilu Sullissivia inatsisilerituussarsiorpoq. Sullissineq soqutigisariviuk, suliffeqarfillu sullerissusermik suliassanik isumaginnikkut, eqqartuussisutigoortitsinikkut pitsaassusermillu ataqatigiissitsilluni ingerlatsisoq suleqataaffigerusuppiuk? Taava immaqa illit Atuisartoqarnermut Unammilleqatigiinnermullu Aqutsisoqarfimmi suleqatissarivatsigit.

Eqqortumik peqqisaartumillu ilinnartinneqassaatit, suleqativillu avitseqatigilluartarnissaannut periarfissaqarluartassallutit. Suliassat misilittakkat tunuliaqutillu aallavigalugit agguaanneqartassapput. Taamatuttaaq suliffimmut aamma ilaasinnaavoq inatsisissanik siunnersuutinik tusarniaanerit.

Maalaaruteqarfik
Maalaaruteqartarfimmi Isumaginninneq pillugu maalaarutinut tunngasunik suliassanik suliaqartartussaavutit.

Isumaginninnermi Maalaaruteqarnermi Aalajangiisartut aalaajangiinerit maalaarutigineqartut isumagisarpai, aammalu kommunini, Isumaginninnermut, Inatsisinillu Atuutsitsinermut Naalakkersuisoqarfimmit aalajangerneqarsimasut isumagisarlugit. Maalaaruteqartarfiuttaaq saniatigut Siusinaartumik pensionisiaqarnermut maalaaruteqartarfik, Ineqarnermut maalaaruteqartarfik aamma Avatangiisit Pinngortitarlu pillugit maalaaruteqarnermi ataatsimiititaliat annertunngikkaluamik suliaqarfigisarpai.

Suliassat pillugit Maalaaruteqartarfimmi suliassatit pingaarnerit makkuupput:

  • Isumaginninneq pillugu maalaarutinik Siusinaartumik pensionisaqarnermut maalaaruteqartarfik aamma Ineqarneq pillugu Maalaaruteqartarfimmi suliassanik isumaginninneq
  • Eqqartuussinermut tunngasunik siunnersuineq
  • Maalaaruteqartarfiup saaffiginnittarfiani allaffissornikkut suliassat
Tamatuma saniatigut minnerusumik Maalaaruteqartarfimmi aamma makkua suliarisinnaassassavatit:
  • Sulianut attuumassutilinnut tusarniaanermi akissutinik saqqummiussineq
  • Naalakkersuisunik sullissineq tunuliaqutigineqarsinnaasunik saqqummiussassanillu suliaqarnerit
Illinnut tungasoq
Sullissivitsinni arlaat soqutigigaluarukku naatsorsuutigaarput:
  • Sullissilluarsinnaasutit
  • Namminersorluarluni sulisinnaasoq aammalu suleqatiminut suleqatiginnillaqqissoq
  • Sulinermi aaqqissugaalluartumik pitsaassusilimmillu sulisinnaasutit
  • Oqaatitsigut piginnaaneqartutit
  • Suliat pillugit oqaloqateqarluarsinnaasutit – aamma inatsisilerinermut ilisimasaqanngitsunut nassuiaalluarsinnaasutit
  • Suliffeqarfimmi Naalakkersuinikkut aqunneqartumi ilisimasaqarluartoq
  • Maalaaruteqartarfiup suliarisartagai soqutigigukkit
  • Inatsisilerituutut ilinniagaqarsimasuussasutit, kandidatitullu qaffasissusilimmik ilinniagartuusimasinnaavutit
  • Kalaallit oqaasii, kulturiat aamma inuiaqatigiivi ilisimasaqarfigigukkit iluaqutaassaaq
Atuisartoqarnermut Unammilleqatigiinnermullu Aqutsisoqarfik pillugu
Atuisartoqarnermut Unammilleqatigiinnermullu Aqutsisoqarfik suliffeqarfiuvoq pissanganartoq ineriartupiloortorlu. Sulianik ingerlatsineq sulianillu periuutsit eqqumaffigaagut, sulianullu tunngatillugu illit kinaassutsit atorlugu sunniuteqarnissannut periarfissaqarluarputit. Ulluinnarni suliffeqarfik inussiarnisaartumik ammasumik persuarsiornanilu suliffeqarfiuvoq.

Unammilleqatigiinnermut Allattoqarfik Maalaaruteqartarfillu saniatigut Atuisartoqarnermut Unammilleqatigiinnermullu Aqutsisoqarfik ataani Unammillernermut Qitiusumik Allattoqarfik ilaavoq. Suliffeqarfiit akornanni, suliassanillu isumaginninneq aqutsisoqarfiup iluani suleqataaffigisarpavut, ilisimasavut piginnaaneqarfigisavullu akornatsinni avitseqatigiissutigisarlugit.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Qinnuteqartoq piukkussaq immikkut piginnaanilimmut, pissutsit naapertorlugit immikkut ittumik tapimik aamma siunnersortit pisortaattut tapimik tunniussisoqarsinnaavoq.

Najugaq
Atorfimmut atatillugu sulisunut inissiamik pequsersorsimanngitsumik innersuussisoqarsinnaanngilaq. Qinnuteqartoq Namminersorlutik Oqartussat aqqutigalugu inissiamik attartugaqaruni, najugarisaq paariinnarneqarsinnaavoq.

Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Paasissutissat allat
Atorfiit pillugit suli paasisaqarnerorusukkuit ukua attaveqarfigisinnaavatit: aqutsisoqarfimmi pisortaagallartoq Rannvá Clementsen, +299 34 54 23, racl@nanoq.gl.

Atuisartoqarnermut Unammilleqatigiinnermullu Aqutsisoqarfik pillugu ugguuna qimerluuigit: www.aua.gl.

Kalaallit Nunaat aammalu Namminersorlutik Oqartussat sukumiinerusumik paasisaqarfigerusukkukkit ugguuna alakkerterit: www.naalakkersuisut.gl.

Qinnuteqarneq
Qinnuteqarfissap killigivaa 15-03-2021

Piffissami qinnuteqaateqartut oqaloqatigineqartassapput.

Qinnuteqaatit qarasaasiakkut immikkut paasissutissartalerlugu nassiuguk.

Atorfiniffissaq
Tuaviornerpaamik.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffissat assigusut
Styrelsen for Sundhed og Forebyggelsen - Personaleadministrationen
Styrelsen for Sundhed og Forebyggelsen - Personaleadministrationen
Styrelsen for Sundhed og Forebyggelsen - Personaleadministrationen