sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Air Greenland

Auditor/ Investigator

Air Greenland

Ikkunneqarpoq: 14-05-2024
Piffissaq atuuffissaa naassaaq: 04-06-2024
Suliffissamut ID normut: LJA-85483703
Atorfeqarnermi atugassarititaasut: Tamakkiisoq
Suliassaqarfik: Allat

Air Greenlandimi auditor/investigator-itut atorfinissavit?

Suleqatigiinni nuannerluinnartuni mikisualukkaanillu siunnerfilinni akuulerusuppit, aammalu timmisartut isumannaassusiisa qaffasinnissaannut suleqataarusuppit? Silaannakkut angallassinermi isumannaallisaaneq nuannaraajuk, aammalu kulturitsinni ingerlaavartumik pitsanngorsaanermut suleqataanissat kajungeraajuk?

Taamaappat illiuvoq Air Greenlandip Safety-mut immikkoortortaqarfianiit ujartugarput!
Uagutsinni aallartikkuit suleqatigiit ataqatigiilluartut, amerlasuut ukiut 20-t sinnerlugit misilittagallit ilagilissavatit. Takunnissinnaassuseqarluarneq nukiillu nutaat tikilluaqqunartorujussuupput, nutaaliorfiusinnaasunik saqqummiiffiusinnaammata.

Suleqatigiinneq, pitsaassuseq misissuisarnerlu
Safety-mut immikkoortortaqarfitta Air Greenlandip inatsisinik malinninneratigut, malitassanik malinninneratigut, aammalu pitsaassutsinik suli qaffasinnerusunik ingerlaavartumik isumaliuteqartarneratigut sullitat isumannaannissaannik qulakkeerinissaq sulissutigaa. Timmisartuni isumannaallisaanermik pitsanngorsaanissamut pitsaanerulersitsinissamullu suleqatigaluta siunissamik ilusilersueqataasinnaavutit.

Immikkoortortaqarfik, Air Greenlandip Nuummi mittarfimmi qullersaqarfiani inissisimasoq misilittagalinnik assigiinngitsunillu tunuliaqutalinnik qulinik sulisoqarpoq. Nutaamik atorfinittutut pikkorissarnerit arlallit, atorfimmut piareersarluarnissannut ilusiligaasut aqqusaassavatit, taamaattumillu aallaqqaataaniit suut tamaasa pisinnaannginnakkit toqqissisimanngissutigissanngilat.

Immikkoortortami suleqatit allat ilagalugit ulluni suliffiusuni nalinginnaasuni piffissaq suliffiusoq nal. 8-16 akornanniittarpoq. Angalaneq nuannarigukku, aammalu Kalaallit Nunaata annersaa takorusukkukku sumiiffinni allani mittarfinni suleqativit naapinnissaannut periarfissaqarluassaatit. Piffissat suliffiusut eqaatsumik aaqqittariaqarpata, illuatungeriit pisariaqartitaat malillugu tamanna aaqqissuunneqarsinnaavoq.


Auditor/investigators-ip ulluinnarni suliffigisaa imatut imaqarpoq:

  • Silaannakkut angallassinermi maleruagassat, inatsisit EU-llu peqqussutai atuuttut naapertorlugit compliance-nik qulakkeerisarneq
  • Air Greenlandimi maleruagassanut, inatsisinut suleriaatsinullu malinnissinnaanerput pillugu suliffeqarfiup iluani misissuisarnermut akisussaaffeqarneq
  • Pisunut peqqutaasartut paasiniarlugit misissuisarnerit, aammalu pinaveersaartitsiniarluni inassuteqartarnerit
  • Illumi immikkoortortaqarfinnik suleqatigiinnillu assigiinngitsunik, kiisalu avataaneersunik suleqateqarluni suleriaatsinik pilersitsisarneq
  • Air Greenlandimi paasissutissanik tunngaveqarluni aalajangiisoqartarnissaanut ikiuunniarluni paasissutissanik misissueqqissaartarneq paasiniaasarnerlu

Piginnaaneqarfitit
Nalinginnaasumik attuumassutilimmillu ilinniagaqarputit, ajornanngippat timmisartuussinermik suliaqarfimmi. Ilinniagartuutut ilinniarsimaneq iluaqutaassaaq. Tamatuma saniatigut misissueqqissaarsinnaaneq, torersaarneq, naliliilluarsinnaaneq, kalaallisut oqalunnermi aamma danskisut tuluttullu allannermi oqalunnermilu oqaasiliullaqqissuseqarneq piginnaaneqarnerlu piginnaaneqarfigilluassavatit. Pitsaasunik attaveqarfeqalernissamut, aammalu Air Greenlandimi sulisunut allanut suleqatigiinnermik pilersitsiviulluarsinnaasumik pilersitsinissamut piginnaaneqarnissat pingaaruteqarpoq.


Tamatuma saniatigut maleruagassanut inatsisinullu tunngatillugu nutaanik ilisimasaqalernissamut kajumittuunissat piginnaaneqarnissallu pingaaruteqarpoq. Piginnaaneqarfissat taaneqartut tamaasa naammassisinnaanngikkukkit, kisiannili atorfimmut piukkunnartuuguit, aammalu nutaanik ilikkagaqarnissat misilitaqarnissallu ammaffigigukkit iluarsiiumaarpugut. Malitassat ilikkarnissaat, piviusunngortinnissaat ingerlateqqinnissaallu kajumiffigissavatit.

Assigiinngisitaarneq
Akuutitsiniarluni sulisussarsiornissamut qulakkeernissamut immitsinnut pisussaaffilerpugut, aammalu tamanut qanorluunniit tunuliaqutalinnut qinnuteqarnissamut kaammattuilluta. Takunnissinnaanerit, misilittakkatigut tunuliaquttat kulturillu assigiinngisitaarnissaat pingaartipparput, aammalu sulisut pikkorissut, inuunerminni assiginngitsunik misilittagallit Kalaallit Nunaata kivinnissaanut anguniagaqarnitsinni pingaaruteqarnerat upperaarput.


Akissarsiat atorfeqarnermilu atugassarititaasut
Akissarsiat atorfimmi piumasaqaatinut, illit piginnaaneqarfinnut misilittakkannullu naapertuutissapput. Tamatuma saniatigut ilaqutariit ukiumoortumik sulinngiffeqarnermi angalanerannut akililunneqarnissaq, soraarnerussutisiat, kiisalu sillimmasiissutit pilerinartut, ilaatigut piffissaq tamakkerlugu ajutoorsinnaanermut, ataatsimut inuunermut peqqissutsimullu sillimmasiissutinik ilaqartinneqartut neqeroorutigineqarput. Isumaqatigiissuteqarnikkut atorfinitsitsisoqassaaq.


Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia