Avannaani immikkoortortaqarfik - Nutaarmiuni nakkutilliisoq

1. juli 2024-mi atorfinittussamik Nukissiorfiit Nutaarmiuni nunaqarfimmi sulisussarsiorpoq.

Nunaqarfimmi innaallagissiorfimmik aamma imeqarfimmik, taakkununngalu atasutut illunik aamma teknikkip tungaatigut ivertitikkanik ingerlatsinerit aserfallatsaaliuinerillu akisussaaffigissavatit.

Suliassaqarfik:

Nunaqarfimmi innaallagissiorfiup ingerlannera aamma aserfallatsaaliornera pingaarnertut suliassaqarfigivatit, aammalu imeqarfimmut, tassungalu ilaasutut illunik aamma teknikkip tungaatigut ivertitikkanik ikueqataasassaatit.

Tamakku saniatigut ilaatigut makku suliassarissavatit:

• Nunaqarfimmi innaallagissiorfimmik, aamma imeqarfimmik, taakkununnga ilaasutut illunik, erngup aqquteqarfiinik il.il. ingerlatsinerit aamma aserfallatsaaliuinerit
• Nunaqarfimmi formandinut ingerlatsinermi akornusersuutit, kukkussutit aamma amigaatit nalunaarutigisarneri
• Nunaqarfimmi formandinut Nutaarmiuni innaallagissiorfimmut aamma imeqarfimmut ingerlatsinermi paasissutissat nalunaarutigisarneri
• Nutaarmiuni ivertitikkanik tamanik ingerlatsinermik aamma aserfallatsaaliuinermik naammassiuminarsaajuarneq aamma pitsaanerpaanngorsaajuarneq
• Aqqusinermi qullernik aserfallatsaaliuinerit.

Upernavimmi suleqatigiinni aqutsisoq qullersarissavat, aammalu sapaatip akunnerani nalunaaqutap akunneri 40-t sulisarfigissavatit.

Suleqatissaq ima ittoq ujarparput:

• Ajornanngippat sulianut attuumassutilimmik ilinniagaqarsimasoq, soorlu skibsmontøri, maskinarbejderi il.il., tamannali piumasaqataanngilaq
• Suleqatiginnikkusuttoq aamma sungiussiasoq
• Suliartortarnikkut aalaakkaasoq aamma namminersortoq
• Qarasaasianik atuisartutut ilisimasalik
• Nutaarmiuni sumiiffimmik ilisimasalik.

Pineqartoq misissuiartortarnerni peqataasassaaq, aammalu suliffiup avataani aamma sapaatip akunnerata naanerani ajornanngippat aggeqqusisarnernut takkuttassalluni.

Makku ilinnut neqeroorutigisinnaavavut:

• Avatangiisini nuannersuni suliffik pissanganartoq, tamaani suleqatigiittut peqatigiilluta sulisartuuffeqarluta
• Atorfiup imarisaanik sunniinissamut periarfissatsialaat
• Inuttut soorlulusooq sulianut tunngasutut ineriartornissamut periarfissatsialaat.

Atorfinitsitaanermi atugassarisat:

Atorfininneq Namminersorlutik Oqartussat aamma attuumassusilittut sulisartut kattuffiata akornanni isumaqatigiissut najoqqutaralugu pissaaq.

Atorfimmut atatillugu sulisunut inissiamik atugassiisoqarsinnaanngilaq.

Nukissiorfiit pillugit annermik paasissutissarsioruit takuuk: www.nukissiorfiit.gl.

Atorfik pillugu uunga erseqqinnerusumik paasissutissarsiortoqarsinnaavoq:

Atorfik pillugu, imaluunniit atorfinitsitaasinnaanermi pissutsit piviusut pillugit apeqqutit unnga apeqqutigineqarsinnaapput: Suleqatigiinni aqutsisoq Aggo Kristensen, oq. 96 40 72, imaluunniit maili: akr@nukissiorfiit.gl.

Apeqqutit nalinginnaanerusut Sulisoqarnermut Ingerlatsivimmut (HR-imut) apeqqutigineqarsinnaapput: hr@nukissiorfiit.gl

Qinnuteqaat CV-mik, ilinniagaqarnermut uppernarsaatip assinganik, aamma najoqqutassanik ilaqartitaq A-tut allakkatut nassiunneqassaaq.

Nukissiorfiit

Postboks 1080

3900 Nuuk

Maili: hr@nukissiorfiit.gl

Nukissiorfiit pillugit

Nukissiorfiit Kalaallit Nunaat tamakkerlugu innaallagissamik, imermik aamma kiassaanermik pilersuisuuvoq. Suleqatigiilluta piffissaq tamakkerlugu aningaasartuutinik atorluaanissaq aamma piujuartitsineq tunngavigalugu aaqqiinissat atuisartutsinnut iluaqutaasussat anguniarpagut. 2020-mi innaallagissamik, imermik aamma kiassaanermik nioqquteqarnitta 70 %-a ataavartumik nukissiornermit aallaaveqarput. 2030-p tungaanut anguniarparput 100 %-imik ataavartumik nukissiornissaq. Nukissiorfinni sulisut 400 tamarmik killiussanik pitsaasunik atugaqarnissaanik pilersitsineq iluatsilluarparput. Tamanna pillugu annertunerusumik atuarit uani www.nukissiorfiit.gl.