sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Beredskabschef

Avannaata Kommunia

Ilulissat
Ikkunneqarpoq: 20-01-2021
Piffissaq atuuffissaa naassaaq: 12-02-2021
Suliffissamut ID normut: LJA-81613641
Atorfeqarnermi atugassarititaasut: Tamakkiisoq
Suliassaqarfik: Allat

Avannaata Kommuniani Upalungaarsimanermut Pisortatut atorfik 1. marts 2021 imaluunniit isumaqatigiissuteqareernerup kingorna inuttassarsiuunneqarpoq. Atorfik Ilulissani inissisimavoq.

Sulisunik aqutsinissamut ilisimasaqarluartumik attaveqaqateqallaqqissumillu, suliffeqarfiup iluani avataanilu, sutigullu tamatigut suleqateqallaqqissumik sulisussarsiorpugut.

 

Qaninnertut qullersarissavat Avannaata Kommuniani Teknikkikkut Ingerlatsivimi Pisortaq.

 

Akisussaaffigissavatit:

  • Annaassiniarnissamut upalungaarsimaneq pillugu inatsit, Inatsisartut akuersissutigisimasaat, tunngavigalugu kommunimi upalungaarsimaneq.

 

  • Qatserisartut pisortaatut ataqatigiissaarisutut allaffissornikkut Avannaata Kommuniani qatserisarfiit illoqarfinnilu sisamani Suliniuteqarnermut Aqutsisut, matumani ilanngullugu missingersuusiornermut pilersaarusiorneq missingersuutinillu malittarinninneq, qullersatut akisussaaffigissavatit.

 

  • Sumiiffinni Suliniuteqarnermut Aqutsisut akisussaaffiup iluani suleriutsit malittarisassallu, qatserisartoqarneq, ilinniartitaaneq, atortut inatsisit atuuttut malillugit atortorineqarnersut inatsisillu atuuttut pillugit ilisimasaqarluarnissaat siunertaralugu ilinniartittassavatit.

 

  • Pinaveersaartitsiniarluni sulianut, ikuallattoorsinnaanermut misissuinernut sanaartukkanillu ikuallattoorsinnaanissamullu sullissinernut qullersatut akisussaaffigissavatit nakkutigalugillu.

 

Piginnaasatit:

  • Qatserisartoqarnermut annaassiniarnerullu iluani ilinniagaqarsimanissaq.
  • Nunatsinni qatserisartoqarnermi upalungaarsimanermilu atugassarititaasunik ilisimasaqarluarneq.
  • Nunatsinni akisussaaffiup iluani inatsisinut ilisimasaqarneq.
  • Suleqateqallaqqissuunissaq, ulapaarfiusumi arajutsisaatsuunissaq kiisalu marlunnik oqaaseqarfiusumi, sulinermi piginnaasanik taamatuttaarlu inuttut piginnaasanik pingaartitsiffiusumi, sulisinnaanissaq pingaaruteqarpoq.

 

Akissarsiaqartitsineq atorfinitsitinerlu:

Upalungaarsimanermut Pisortatut atorfimmut akissarsiaqartitsisoqassaaq Naalakkersuisut Ilinniargartuullu Kattuffiata akornanni isumaqatigiissut, qallunaatut allassimasoq, naapertorlugu (Akademikernes sammenslutning i Grønland af 24. februar 2011). Atorfik akissaateqarfimmi 35-imi inissisimavoq immikkullu ittumik tapeqartitsisoqassalluni.

 

Atorfimmut atatillugu inissaqartitsisoqarsinnaavoq, qularnaveequsiinermut/ineqarnermut ilaallu ilanngullugit inatsisit sukkulluunniit atuuttut tunngavilgalugit akiliisoqarpat. Atorfininnermut kiisalu nuunnermut atatillugu angalanermut akiliussisoqassaaq.

 

 

Atorfik pillugu paasissutissat amerlanerusut uunga saaffiginninnikkut pineqarsinnaapput: Teknikkikkut Ingerlatsivimi Pisortaq Karl Madsen telefon (+299) 38 76 18 imaluunniit e-mail-ikkut kmad@avannaata.gl.  

 

Qinnuteqaat ilinniarsimanermut uppernarsaatit, attaveqarfissat oqaaseqaatillu ilanngullugit kingusinnerpaamik ulloq 12. februar 2021 kommunimut tunniunneqareersimassapput.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffissat assigusut