sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Kalaallit Nunaanni Brugseni

Brugseni Nuuk delikatesseerniarfimmi sulisussarsiorpoq / Brugseni Nuuk søger medarbejder til delikatesseafdelingen

Kalaallit Nunaanni Brugseni

Nuuk
Ikkunneqarpoq: 03-07-2019
Piffissaq atuuffissaa naassaaq: 31-07-2019
Suliffissamut ID normut: 330035612
Atorfeqarnermi atugassarititaasut: Tamakkiisoq
Suliassaqarfik: Pisiniarfik & sullissineq
Atorfiup taaguutaa: Køkkenassistent
Ilinniagaq: Levnedsmiddelassistent
Misilittakkat - Annertunerusumik: Køkkenassistance
Oqaatsit:
Danskisut Atuarneq/ oqalunneq/ allanneq
Kallaallisut Paasisinnaavakka

Brugseni Nuuk delikatesseerniarfimmi sulisussarsiorpoq

Kalaallit Nunaanni Brugseni suliffeqarfiuvoq 100 %-imik Nunatsinnit pigineqartoq ineriartorluarfiusorlu. Ukioq manna pisiniarfik ammagarput kingulleq Ilulissaniippoq. Sinerissami illoqarfinni arfineq pingasuni 500-it missaanniittunik sulisoqarpoq.

Brugseni Nuuk ukiumut 300 mio. kr. sinnerlugit kaaviiaartitaqartarpoq nerisassanik atortussanillu assigiinngitsorpassuarnik nioqquteqarluni. Pisiniarfik 160-it missaaniittunik sulisoqarpoq, taakkunannga pingasut igasuupput, nerisassanik paasisimasalik aamma qallersukkanik tuniniaasut marluk.

Delikatesseerniarfimmi tamarmi iggavittalimmi, tuniniaavittalimmi caféertalimmilu immikkoortortanilu marlunni pisiniarfimmi anginerminngiitsuni 30-t missaanniittunik sulisoqarpoq. Delikatesseerniarfik ammasuuvoq pisiniarfiullu ilaaniilluni taamalu pisianik sullissineq aamma ulluinnarni suliassaalluni.

Qiimasunik sulisussarsiorpugut pitsaassutsimik pingaartitsisunik ulapaarfiusumilu sulilluarsinnaasunik.

Suliassat
Iggavik nillertunik kissartunillu sassaalliutissaliorfik, suliffeqarfiit aalajangersimasumik sullittakkat, pisiniarfittaani (kiffartuussiviusumi imminullu kiffartuussiviusumi) tuniniaaneq kiisalu katersuunnernut assigiinngitsunut nerisassanik piareersaaneq. Suliassat ataatsimoorussassat pingaarnerit ilagaat atuartunut 1.600-t missaanniittunut annissassanik nerisassiorneq. Taamaalillutit tamatigoortumik ulluinnaqassaatit nioqqutissanik assigiinngitsorpassuarnik nioqqutissioqataassallutit.

Illit piginnaasatit
•Igasutut, cateritut delikatesseerniarfimmi allamilluunniit assingusumik ilinniarsimaneq
•Pisiniarfiit delikatesseerniarfittaani misilittagaqarneq pitsaanerutipparput, piumasaqaataanngilarli
•Suleqatigiinnissamik sullissinissamillu pingaartitsineq
•Timikkut piginnaaneqarneq suliaq nukersornarmat
•Assut eqqiluisaartuneq
•Ulapaarfiugajummat eqqissisimasinnaalluarneq
•Kulturikkut assigiinngissutinik paasinninneq

Ilinnut neqeroorutigisinnaavavut
•Suliffik soqutiginartoq suliamut piginnaaninnik takutitsiffigisinnaasat
•Delikatesseerniarfimmi qinigassanik ineriartortitsinermut sunniuteqarnissamut periarfissat
•Suleqatit pikkorissut akornanni pitsaasunik avatangiisilimmik suliffeqarneq
•Atorfininnermi atugassat pitsaasut atorfininnermut atatillugu inissiamik neqeroorfigineqarsinnaaneq, pequteqareersumik imaluunniit pigisat nassiunneqarsinnaallutik
•Atorfininnermut atatillugu suliffimmillu tunuarnermut atatillugu angalanerit isumaqatigiissusiornikkut aaqqiivigineqarsinnaapput
•Suliartorfissat nalinginnaasumik nal. 6.00 - 15.00, sapaatip akunneranut ullut tallimat weekendilu allortarlugu sulinngiffeqarneq
•Piginnaasat naapertorlugit akissarsiaqarneq

Nuuk pillugu
 Nuuk Kalaallit Nunaanni illoqarfiit pingaarnersaat 18.000-t missaanniittunik inoqarpoq. Illoqarfik inunnut qanorluunniit ukiulinnut sammisassanik neqeroorutissaqarluarpoq. Ilaqutariinnut assigiinngitsorpassuarnik periarfissaqarpoq meeqqanullu pitsaasunik atuarfeqarluni. Illoqarfimmi sammisassaqarluarpoq pisiniarnissamut, caféniinnissamut, filmeriarnissamut nalugiarnissamullu periarfissaqarluarluni. Kalaallit Nunaata sineriaani sumiiffinni allanisulli Nuuk pinngortitarsuarmit alianaatsumit avatangerneqaqqavoq piniarnissamut, aalisarnissamut angalaarnissamullu periarfissaqarluarluni. Ullut tamaasa inuit 3.000-t 5.000-llu akornanniittut Brugsenimut isertarput, taamaammat pisoqartuaannarlunilu sammisassaqartuaannarpoq.

Qinnuteqarnissamut killigititaq
Ingerlaavaartumik.
Sulilerfissaq: Sukkanerpaamik imaluunniit isumaqatigiissutigisaq naapetorlugu.
Ingerlaavartumik oqaloqateqartoqartassaaq.

Qinnuteqaatit nassiunneqassapput nittartagarput una aqqutigalugu www.brugseni.gl/job (e-mailikkuunngitsoq).

Atorfik pillugu apeqqutissaqaruit attavigikkit
Igaffimmi aqutsisoq Bo Hansen, tlf. +299 34 98 15, mail 07650D@brugseni.gl
Nittartagaq: www.brugseni.gl
Facebook: Kalaallit Nunaanni Brugseni

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia