Brugseni Nuuk iffiortussarsiorpoq - allagarsiuteqqitaq / Brugseni Nuuk søger bagersvend - genopslag

Kalaallit Nunaanni Brugseni

Ikkunneqarpoq: 03-11-2020

Piffissaq atuuffissaa naassaaq: 03-12-2020

Suliffissamut ID normut: 330408293

Atorfeqarnermi atugassarititaasut: Tamakkiisoq

Suliassaqarfik: Pisiniarfik & sullissineq

Atorfiup taaguutaa: Bagersvend

Misilittakkat - Annertunerusumik: Bager og konditor,

Oqaatsit:

Danskisut

Paasisinnaavakka

Iffiortutut soqutiginartumik suliffissarsioruit uagut illit pisariaqartippatsigit.

Brugseni Nuummi Kalaallit Nunaanni iffiorfiit annersaannut piukkunnartumik iffiortussarsiorpugut. Iffiorfitsinni qajuusiassat iffiassiassallu atorlugit assigiinngitsorpassuarnik iffiortarpugut, ilaatigut ullaakkorsiutissanik nalinginnaasunik kiisalu wienerbrødinik kaaginillu nioqqutissiortarpugut.

Kalaallit Nunaanni Brugseni suliffeqarfiuvoq 100 %-imik Nunatsinnit pigineqartoq ineriartorluarfiusorlu. Suliffeqarfittut pingaartipparput sulisutta piginnaasaminnik ineriartortitsinissaat. 2020-imi ”Great Place to Work”-itut aammaarluta uppernarsaaserneqarpugut, tamannalu sungiussisimannilluarfiusunik sulinermi avatangiiseqarnissannut qulakkeerutaavoq illillu suliakkut piginnaasannik pingaartitsiffiussalluni ineriartornissamullu periarfissaqassallutit.

Tamatigoortunik soqutiginartunillu ulluinnaqassaatit nioqqutissanik assigiinngitsorpassuarnik nioqqutissioqataasassallutit. Qulit missaanniittunik suleqateqassaatit aammalu iffiorfiup tuniniaavittaani 15-it missaanniittunik suleqateqassallutit. Pisiniarfik 160-it missaanniittunik sulisoqarpoq.

Illit piginnaasatit

• Iffiortutut kaagiliortutulluunniit ilinniarsimasoq

• Imlt. ukiorpassuarni misilittagaqarninnik uppernarsaateqarneq

• Ilinniarusussuseqarneq namminerlu suliavit pitsaasuunissaannik imminut piumaffigineq

• Eqqiluisaarluinnartuuneq

• Aalajaatsuuneq tatiginartuunerlu

• Suleqateqallaqqinneq qiimasuunerlu

Ilinnut neqeroorutigisinnaavavut

• Iffiortutut suliffik soqutiginartoq piginnaasannik ersersitsinissamut periarfissaqarfiulluartoq

• Iffiorfimmi iffiukkat amerlanersaat naqqaniit nioqqutissiarisarpavut bagermesterillu saniatigut sulisoralugit iffiortut arfinillit poortuisartutullu sulisorpaaluit

• Suliffimmi avatangiisit pitsaasut suleqatillu pikkorissut

• Atorfininnermi pitsaasunik atugaqarneq, ilaatigut sulisutut inissaqarnissamut pigisallu nuunnerannik akiliunneqarnissamut periarfissaqarneq

• Isumaqatigiissusiorsimagaanni sulilernermi soraarnermilu angalanermik akiliunneqarnissamut periarfissaqarneq

• Piginnaasat naapertorlugit akissarsiaqarneq ukiumoortumillu feriefrirejseqarneq

Qinnuteqarnissamut killigititaq decemberip 3. 2020

Atorfininneq sukkanerpaamik

Ingerlaavartumik oqaloqateqartassaagut.

Qinnuteqaatit nassiunneqartassapput nittartakkatsigut www.brugseni.gl/job (e-mailikkuunngitsoq).

Nuuk pillugu

Nuuk Kalaallit Nunaanni illoqarfiit pingaarnersaraat 18.000-t missaanniittunik inoqarluni. Illoqarfik qanorluunniit ukiulinnut neqeroorutissaqarluarpoq. Ilaqutariinnut periarfissaqarluarpoq meeqqanullu atuartunut ilinniarfissaqarluarluni. Illoqarfimmi sammisassaqarluarpoq pisiniarnissamut, caféliarnissamut filmeriarnissamut nalugiarnissamullu periarfissaqarluarluni. Kalaallit Nunaata sineriaani allanisulli Nuuk pinngortitarsuarmit alianaatsumit avatangerneqaqqavoq piniarnissamut, aalisarnissamut angalaarnissamullu periarfissaqarluarluni.

Atorfik pillugu apeqqutissaqaruit attavigikkit

Niuertarfimmi aqutsisoq Kent Helberg, tlf. +299 34 98 01, mail nuuk@brugseni.gl

Imlt. iffiorfimmi aqutsisoq Mads P. Rasmussen, tlf. +299 34 98 31, mail 07650b@brugseni.gl

Nittartagaq: www.brugseni.gl

Facebook: Kalaallit Nunaanni Brugseni