Brugseni Nuuk igasussarsiorpoq / Brugseni Nuuk søger kok

Kalaallit Nunaanni Brugseni

Nuuk

Ikkunneqarpoq: 10-10-2024

Piffissaq atuuffissaa naassaaq: 07-11-2024

Suliffissamut ID normut: 331600778

Atorfeqarnermi atugassarititaasut: Tamakkiisoq

Suliassaqarfik: Pisiniarfik & sullissineq

Atorfiup taaguutaa: Gastronom, Kok

Ilinniagaq: Kok

Misilittakkat - Annertunerusumik: Mad

Oqaatsit:

Danskisut	Atuarneq/ oqalunneq/ allanneq
Tuluttut	Atuarneq/ oqalunneq
Kallaallisut	Atuarneq/ oqalunneq/ allanneq

Brugsenimi Nuummiittumi iggavimmi nioqqutissiortarfitsinni piginnaaneqarluartumik igasussarsiorpugut Kalaallit Nunaanni mamartuliornermik misilittagassarsiornissamut piareersimasumik.

Kalaaliminernik, soorlu tuttuminernik, umimmaminernik arfiminernillu nerisassiarisaarikkannillu tamanik suliaqarusussinnaavit? Taamaappat atorfik una ilinnut immaqa tulluarpoq.

Kalaallit Nunaanni niuertarfeqarfiit annersaannut ilaavugut, pisiniarfiutivullu susoqarfiulluartuaannarput inunnillu qiimasunik ulikkaartuaannarlutik.

Mamartuerniarfitsinniilissaatit, tassani iggaveqarlunilu tuniniaavittaqarluni cafértaqarpoq, pisiniarfiullu avataani pingasunik immikkoortortaqarluni. Pisiniarfimmi nioqqutissanik suliaqartarnitta saniatigut aamma aaqqissuussanut sullittakkatsinnullu aalajangersimasunut nerisassiortarpugut.

Iggavipput immikkoortortaavoq nuannisarfiullunilu assigiinngitsorpassuarnik kultureqarfiusoq oqaatsillu sisamat atorlugit oqaluffiusoq. Suleqatissatit Nunatsinneersuupput, Danmarkimeersut Filippinerineersut Thailand-imeersullutillu.

Pisiniarfik 160-it missaanniittunik sulisoqarpoq, taakkunannga iggavimmi pisortaq ataasiulluni, marlunnik igasoqarluni cater ataaseq, ernæringsassistent ataaseq iggavimmilu ikiortit 8-t. Immikkoortortaq pisiniarfiup ilaani ammasumiippoq, taamaattumillu pisinianik sullissineq ulluinnarni suliassat ilarujussuarissavaat.

Suliassat

• Iggavimmi kissartunik nillataartunillu assigiinngitsunik nioqqutissiorneq

Illit piginnaasatit

• Iggavimmi ilinniarsimasuuneq ukiuniluunniit arlalinni misilittagaqarnermik uppernarsaasinnaaneq
• Ataatsikkut arlalinnik suliaqarsinnaaneq
• Pitsaassutsimik akisussaaffinnillu ilisimaarinninneq
• Timikkut nukittuneq suliaq nukersorfiusarmat
• Kulturikkut assigiinngissutinik paasinnissinnaaneq

Ilinnut neqeroorutigisinnaavavut

• Suliffeqarfik ineriartorfiusoq
• Suliffik soqutiginartoq suliatigut piginnaasannik atuinissannut periarfissaqarluarfiusoq
• Suliffimmi avatangiisigissaarfiusumi pikkorissunik suleqateqarneq
• Illit toqqassagutsigit angalanissannut aningaasartuutigisinnaasannik tamanik aamma illit ilaquttavillu najugassilluarnissassinnik isumaginnissaagut
• Isumaqatigiissusiornermi atorfininnermut atatillugu suliffimmillu tunuarnermut atatillugu angalanernik akiliunneqarnissamut periarfissaqarneq.
• Piginnaasat naapertorlugit akissarsiaqarneq.
• Piffissat suliffiit ullaakkuunerullutillu ullukkuunerupput weekendilu allortarlugu sulinngiffiusarluni.

Qinnuteqarnissamut killigititaq

Kingusinnerpaamik 7. novembari 2024.

Ingerlaavartumik oqaloqateqartoqartassaaq.

Atorfininneq: Sukkanerpaamik isumaqatigiissutigineqartorluunniit naapertorlugu.

Atorfik pillugu apeqqutissaqaruit attavigikkit

Igaffimmi pisortaq Rasmus Japsen, tlf.:+299 349819, e-mail: rasmus.japsen@brugseni.gl imaluunniit tunisassiornermi aqutsisoq / 

neqaarniat pisortaat Casper Petersen, tlf.:+299 550939, e-mail: casper.petersen@brugseni.gl

Qinnuteqaatit nassiunneqassaaq nittartakkatsigut www.brugseni.gl/job (e-mailikkuunngitsoq).

Nuuk pillugu

Nuuk Kalaallit Nunaanni illoqarfiit pingaarnersaraat 20.000-t tungaannut inoqarluni. Illoqarfik ilaqutariinnut neqeroorutissaqarluarpoq kiisalu meeqqanut meeqqat atuarfiini atuartunut periarfissaqarluarluni. Illoqarfimmi sammisassaqarluarpoq pisiniarnissamut, caféliarnissamut, filmeriarnissamut nalugiarnissamullu periarfissaqarluarluni. Kalaallit Nunaata sineriaani allanisulli Nuuk pinngortitarsuarmit alianaatsumit avatangerneqaqqavoq piniarnissamut, aalisarnissamut angalaarnissamullu periarfissaqarluarluni.

Nittartagaq: www.brugseni.gl

Facebook & LinkedIn: Kalaallit Nunaanni Brugseni