Brugseni Nuuk Neqaarniamik sulisussarsiorpoq / søger en Slagter

Kalaallit Nunaanni Brugseni

Nuuk

Ikkunneqarpoq: 07-09-2023

Piffissaq atuuffissaa naassaaq: 28-09-2023

Suliffissamut ID normut: 331577638

Atorfeqarnermi atugassarititaasut: Tamakkiisoq

Suliassaqarfik: Pisiniarfik & sullissineq

Atorfiup taaguutaa: Slagter

Ilinniagaq: Butiksslagter, Gourmetslagter

Misilittakkat - Annertunerusumik: Slagter, generelt

Oqaatsit:

Danskisut	Atuarneq/ oqalunneq
Tuluttut	Paasisinnaavakka
Kallaallisut	Paasisinnaavakka

Neqaarniamik pitsaassutsimik ilisimaarinnittumik piaartumik atorfinittussamik pissarsiorpugut sullissilluarnissamik pingaartitsisumik suliaminillu ilisimaarinnilluartumik.

Neqaarniarfimmik pølseliorfimmillu angisuumik kusanartuutitsinermut malunnartitsiniaanermullu akisussaaqataassaatit. Pisiniat pitsaanerpaanik qinigassaqarnissaat sullilluarneqarnissaallu pilerinartunillu kusanartunillu nutaanik pisiassaqarnissaat sulissutigisassavat.

Tamalaanik suliaqarfiusumik ulluinnaqassaatit, suliassatillu pingaarnerpaat tassaassapput neqinik ooqanngitsunik agguineq, pitsanngorsaaneq, nioqqutissiorneq eqqiluisaarnerlu aningaasatigullu iluanaaruteqarnerulernissamik siuarsaaqataaneq.

Brugseni Nuuk ukiumut 300 mio. kr. sinnerlugit kaaviiaartitaqartarpoq nerisassanik atortussanillu assigiinngitsorpassuarnik nioqquteqarfiulluni. Pisiniarfik 160-inik sulisoqarpoq, neqaarniarfimmi aqqanilinnik, taakkualu tassaapput neqaarniarfimmi aqutsisoq, tullersorti ataaseq, neqaarniat tallimat, ilinniartut marluk .

Immikkoortortamit iggavik immikkoortortallu allat qanimut suleqatigineqarput illoqarfimmilu pisiniarfinnut allanut sisamanut pisiassanik tunisassiortuullutillu pilersuisuusarlutik.

Kalaallit Nunaanni Brugseni sinerissami illoqarfinni arfineq pingasuni pisiniarfinni 17-ini 600-t missaanniittunik sulisoqarpoq. Pingaartitat pitsaalluinnartut ilaasortatsinnit tusindilippassuarnit aalajangersarneqartut tunngavigalugit sulivugut. Kalaallit Nunaanni – inuiaqatigiinnut, avatangiisinut sulisutsinnullu – malunnartumik iluaqutaarusunnerput kajumississutigalugu sulivugut. Tamanna ilutigalugu pisinianut attaveqarluartuarusuppugut. Pisiniartartuvut malunnartunik iluaqutissarsisarput uagutsinnullu niueriartortarlutik ilaatigut pitsaasunik neqerooruteqartaratta, aammali suliffeqarfimmut inuiaqatigiinnullu sunniuteqaqataasinnaagamik, namminneq illoqarfimminni nunalu tamakkerlugu.

Kalaallit Nunaanni Brugseni suliffeqarfiuvoq 100 %-imik Nunatsinnit pigineqartoq ineriartorluarfiusorlu. Suliffeqarfittut pingaartipparput sulisutta piginnaasaminnik ineriartortitsinissaat. 2022-imi ”Great Place to Work”-itut uppernarsaaserneqarpugut, tamannalu sungiussisimannilluarfiusunik sulinermi avatangiiseqarnissannut qulakkeerutaavoq illillu suliakkut piginnaasannik pingaartitsiffiussalluni ineriartornissamullu periarfissaqassallutit.

Illit piginnaasatit

• Neqaarniatut ilinniarsimasuuvutit
• Pitsaassutsimik ilisimaarinnipputit akisussaassuseqarlutillu
• Assut eqqiluisaartuuvutit
• Inuttut ammasuuvutit suleqatiginnilluarsinnaallutillu qiimasuullutillu
• Iluatsilluarnissamut piumassuseqarputit suleqateqassallutillu
• Pisinianik aggersunik sullissilluartarputit

Ilinnut neqeroorutigisinnaavavut

• Suliassamut pikkoriffiginninnerit takutissinnaavat ineriartortitsisinnaallutillu
• Suliffik soqutiginarlunilu ineriartorfiusoq nuannersunik suleqateqarfissaasoq pisiniarfimmi pisiassat pitsaassusiinik pisinianillu sullissilluarnissamik pingaartitsiffiusumi
• Nioqqutissanik nalinginnaasunik Nunatsinneersunillu suliaqarsinnaassaatit
• Immikkoortortaq nutartigaq pisiniartitsivittalik
• Piginnaasat naapertorlugit akissarsiat ilaatigut feriefrirejse, ilaatigut atorfimmut atasumik sulisunut inissiamik neqeroorfigineqarsinnaassallutit ilaatigullu atorfininnermut atatillugu suliffimmillu tunuarnermut atatillugu angalanerit, pigisat nassiunnerinut tunngasut aaqqiivigineqassapput isumaqatigiissusiortoqarneratigut
• Sulisutut pitsaasunik akikilliliivigineqarsinnaaneq

Qinnuteqarnissamut killigititaq: Septembarip 28-at 2023.

Ingerlaavartumik oqaloqateqartassaagut.

1.martsi 2023 imaluunniit sumaqatigiissutigineqarneq naapertorlugu atorfinittoqassaaq.

Soqutiginnilersimassaguit, taava tunisassiornermut pisortaq/neqaarniarfimmi aqutsisoq Casper Petersen mobil 550939 attavigiuk.

Qinnuteqaatit nassiunenqassapput nittartakkatsigut: www.brugseni.gl/job (e-mailikkuunngitsoq).