sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Kalaallit Nunaanni Brugseni

Brugseni Nuuk Nunatsinni neqaarniarfiit annersaanni ilinniarsimasumik neqaarniartussarsiorpoq / Brugseni Nuuk søger mestersvend til Grønlands største slagterafdeling

Kalaallit Nunaanni Brugseni

Ikkunneqarpoq: 13-05-2020
Piffissaq atuuffissaa naassaaq: 01-06-2020
Suliffissamut ID normut: 330268761
Atorfeqarnermi atugassarititaasut: Tamakkiisoq
Suliassaqarfik: Pisiniarfik & sullissineq
Atorfiup taaguutaa: Slagter, Mestersvend
Misilittakkat - Annertunerusumik: Udskæring, generelt, Kundeservice
Oqaatsit:
Danskisut Atuarneq/ oqalunneq
Kallaallisut Atuarneq/ oqalunneq


Nuummi neqaarniarfitsinni pitsaassutsimik ilisimaarinnittumik mestersvendissarsiorpugut. Neqaarniatut sulineq nuannariviuk, pisortatullu akisussaaffeqarsinnaasutut ullormillu siullermiilli suliassanik tunngaviusunik suliaqalersinnaasutut imminut takorlooruit suliffissaqartippatsigit!

 

Brugsenimi Nuummiittumi mestersvenditut neqaarniarfitsinnik pølseliorfitsinnillu malunnartitsiniarnermi suleqatigiinni pingaaruteqassaatit. Suleriaatsinik tunngaviusunik immikkut peqqissaarussinissarput pingaartipparput, taamaattumillu ilaatigut tunisassiani assigiinngitsorpassuarni tunngaviusumik uullinermik suliaqartassaatit. Atorfik suleriaatsinnik atuilluarfigisinnaasannik, ilaatigullu kalaaliminernik soorlu tuttuminernik, umimmaminernik, arfiminernik aalisakkanillu mamartunillu Nunatsinneersunik assigiinngitsunik suliaqartassaatit. Tamatuma saniatigut aamma pisiniarfiup delikatesseerniarfianut annissassanik nerisassiornermi suliaqaqataasassaatit. Allatut oqaatigalugu ulluinnatit assigiinngiiaartuarumaarput.

 

Suliassavit ilagissavaat neqaarniarfimmi naalakkamut ikiortaalluartarneq aamma feerianut assingusunullu tunngatillugu immikkoortortamut akisussaaffeqarallartarneq.
 Sulilerninniilli tunisassiornermut akisussaalissaatit ingerlaavartumillu pisortatut piginnaaninnik ineriartortitsinissamut periarfissaqarluassallutit. Neqaarniatut ukiuni 2-3-ni misilittagaqarsimaguit Kalaallillu Nunaanni suliffeqarfimmi soqutiginartumi pisortatut misileraarusukkuillu atorfik illinnut tulluarluinnarpoq. 

 

Nuummi pisiniarfipput 170-it missaanniittunik sulisoqarpoq, taakkunanngalu neqaarniarfimmi sulisuuvugut qulit. Init suliffiit ammasuupput tuniniaavittaqarlutillu. Taamaattumik pingaaruteqarpoq pisinianik sullissilluarnerpaajuartarnissat. Immikkoortortami qiimasaarnissarput pingaartipparput kikkut tamarmik ullormi suliffimminni ullugissaarniassammata. 

 

Suliffissatut ilinnut tulluarpat, tusarfiginissat qilanaaraarput.

 

Illit suliassatit

 
•Neqinik kalaaliminernillu ooqanngitsunik assigiinngitsunik uullineq suliaqarnerlu
•Poortuineq pisiassanillu ilioqqaaneq
•Delikatesseerniarfimmi annissassanik nerisassiorneq
•Egenkontrol eqqiluisaarnerlu
•Pisiassanik inniminniineq tigusinerlu
•Pisinianik sullissineq
•Sulisunut pisortaaneq

Illit piginnaasatit
•Neqaarniatut ilinniarsimaneq piginnaaneqarnerlu (ukiuni 2-3-ni misilittagaqarneq)
•Pitsaassutsimik akisussaassusermillu ilisimaarinninneq
•Eqqiluisaarluinnartuuneq
•Inuttut ammasuuneq, suleqateqallaqqinneq qiimasuunerlu
•Iluatsilluarnissamut piumassuseqarneq suleqataarusunnerlu
•Tuniniaavimmi pisinianik sullissilluarsinnaaneq

Ilinnut neqeroorutigisinnaasavut
•Neqinik kalaaliminernillu suliaqarnissamut periarfissaqarneq
•Neqaarniarfik nutaaliaq tuniniaavittalik
•Pisortatut misilittakkanik ineriartortitsinissamut periarfissaq asseqanngitsoq
•Piginnaasat naapertorlugit akissarsiaqarneq
•Ukiumoortumik feriefrirejseqarneq
•Sulisutut initaarnissamut periarfissaqarneq
•Tikinnermi aallarnermilu angalanernik akiliutsinneq, aammalu isumaqatigiissusiortoqarsimappat nuunnermi pigisat nuunnerinik akiliutsinneq

Qinnuteqarnissamut killigititaq

Kingusinnerpaamik juunip 1-at 2020.

Ingerlaavartumik oqaloqateqartoqartassaaq.


 Ulloq sulilerfissaq: 01.07.2020.

Qinnuteqaatit nassiunneqassapput nittartakkatsigut www.brugseni.gl/job (e-mailikkuunngitsoq).

Nuuk

Nuuk Kalaallit Nunaanni illoqarfiit pingaarnersaraat 18.000-it missaanniittunik inoqarluni. Illoqarfik ilaqutariinnut periarfissarpassuaqarpoq meeqqanullu atuartunut atuarfissatut qinigassaqarluarluni. Illoqarfik pikialaarfiuvoq pisiniarnissamut, caféliarnissamut, filmeriarnissamut nalugiarnissamut periarfissaqarluni. Kalaallit Nunaanni sumiiffinni allanisulli umiatsiamik angalaarnissamut aamma piniarlunilu aalisarnissamut periarfissaqarluarpoq.

Kalaallit Nunaani Brugseni:

Niuertarfeqarfiuvugut kalaallinit 100%-imik pigineqartoq, Kalaallillu Nunaanni illoqarfiini arfineq-pingasunik pisiniarfiuteqarpugut.

2020-mi suliffeqarfittut ukiut marlunni tulleriinni ”Great Place to Work”-itut uppernarsaaserneqarpugut, tamannalu illit pikkorissaarfiusumik piginnaasannillu pingaartitsiffiusumik ineriartornissannillu periarfissaqalissutigisannik suliffinni avatangiiseqarnissannik qulakkeerutaavoq.

 

 

 

Atorfik pillugu apeqqutissaqaruit attavigiuk:

Casper Petersen
Slagtermester
 E-mail: 07650s@brugseni.gl
 Tlf.: +299 34 98 16

Suliffik sumiiffia
Aqqusinersuaq 2
3900 Nuuk
Grønland

 

Ulloq qinnuteqarfissaq kingulleq:
 2. juni 2020 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia