sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Kalaallit Nunaanni Brugseni

Brugseni Nuummi iggavimmi nioqqutissiornermi aqutsisussarsiorpoq / Brugseni Nuuk søger produktionsleder til køkkenet

Kalaallit Nunaanni Brugseni

Nuuk
Ikkunneqarpoq: 20-12-2018
Piffissaq atuuffissaa naassaaq: 15-01-2019
Suliffissamut ID normut: 329931748
Atorfeqarnermi atugassarititaasut: Tamakkiisoq
Suliassaqarfik: Pisiniarfik & sullissineq
Atorfiup taaguutaa: Produktionsleder
Misilittakkat - Annertunerusumik: Administration
Oqaatsit:
Danskisut Atuarneq/ oqalunneq/ allanneq

Brugseni Nuummi iggavimmi nioqqutissiornermi aqutsisussarsiorpoq

 

Brugsenimi nioqqutissiornermi aqutsisutut sulinerni aqutsinermik akisussaaffik annertuumik imaqassaaq, nerisassat tungaasigut sulisullu tungaasigut. 

Nioqqutissiornermi piumasaqaatinik annertuunik malinnissinnaasumik pissarsiorpugut, saniatigullu iggavimmi sulisunut pitsaasumik suliffimmik atugassaqartitsisinnaasumik.

 

Ullutit assigiinngiiaassapput akisussaaffiillu marloqiusaapput, nerisassat nillertut kissartullu suliarineqartarmata, saniatigullu suliffeqarfiit aalajangersimasut sullitarivagut nerisassanik pilersorlugit.

Atorfik nioqqutissiornermi aqutsisuussagaanni pitsaasumik pilersaarusiorsinnaassuseqartariaqarpoq, iggavimmit nerisassat Nuummi suliffeqarfinnut assigiinngitsorpassuarnut nerisassanik pajuttortarmat, saniatigullu pisiniarfiutitsinnut agguaassisarluni.

 

Nioqqutissiornermi aqutsisutut iggavimmi aqutsisoq qanimut suleqatigisussaavat, illillu iggavimmiunut pikkorissunut qulinut aqutsisutut inissisimalissallutit.

 

Nuummi Brugsenip aningaasat 300 mio. sinnerlugit ukiumut kaaviiaartittarpai, nerisassanik nerisassaanngitsunillu qinigassarpassuaqarpoq. Pisiniarfik 160-inik sulisoqarpoq, taakkunani ataaseq iggavimmi aqutsisuuvoq, igasoq ataaseq, tallimat catere / nerisassiornermut assistentit. Delikatessemi sulisut 30-it missaanniipput, tassanilu iggaveqarpoq, tuniniaavik, café, taassuma saniatigut immikkoortut marluk pisiniarfiup avataaniillutik.

Immikkoortoqarfik ammasuuvoq, pisiniarfimmullu ilaalluni, taamaammat ulluinnarsiutaavoq sullissineq.

 

Soqutiginnikkuit, tusarfiginissat qilanaaraarput.

 

Suliassat

  • Sulisunik aqutsineq
  • Suliassanik pilersaarusiorneq aamma suliassanik agguataarineq
  • Atuarfinni nerisassat suliarineranni agguataarineq
  • Sullitanik attaveqarnerit
  • Nioqqutissiornermi akisussaaneq, nioqqutissat kissartut nillertullu nioqqutissiarineranni akisussaaneq

 

Illit

  • Iggavimmi ilinniagalik imaluunniit ukiuni arlalinni misilittagaqarnermut takussutissalik
  • Minnerpaamik ukiut marluk aqutsisutut misilittagaqarneq
  • Ulapaarfimmi suliassat ataatsikkoornerini ulapporinneq
  • Suleqateqarsinnaanermik sullissilluarsinnaanermillu siunnerfilik
  • Timikkut peqqissoq, atorfimmi timimut ilungersunartuuvoq
  • Piorsarsimassutsikkut assigiinngissutsinut paasinnittuuneq.

 

Neqeroorutigisinnaavagut

  • Atorfik pissanganartoq, periarfissaqassaatit piginnaasavit takutinnissaanut
  • Immikkoortortaqarfiup qinigassaataanik ineriartortitsinissamik sunneeqqataasinnaassaatit
  • Aqutsinermik piginnaasat ineriartorteqqinnissai
  • Suleqatit pikkorissut aamma suliffik pitsaasoq
  • Atorfininnissamut atugassarititaasut pitsaasut, atorfik aqqutigalugu najugaqartitaaneq, pisataqareersoq imaluunniit nutsernermi akiliutsinneq.
  • Atorfininnermi angalaneq aammalu isumaqatigiissutip naammassereernerani atorfiup qimannerani angerlamut akiliutsinneq,
  • Misilittakkat aallaavigalugit akissarsiaqarneq

 

Qinnuteqarnissamut killigititaq

Kingusinnerpaamik 15. januar 2019, ajornanngippat siusinnerusumik.

Oqaloqateqarnerit ingerlatillattaarneqassapput.

 

Qinnuteqaat HR-mut nassiunneqassaaq

ungaaq.abelsen@knb.gl

 

Paasissutissat annertunerusut

Sulilerfissaq: Piaarnerpaamik isumaqatigiissuteqarnikkulluunniit.

 

Nuuk pillugu

Nuuk Kalaallit Nunaata illoqarfinni pingaarnersaraat 18.000-it missaani innuttaqarluni. Illoqarfik sorpassuarnik qassinilluunniit ukiulinnut neqerooruteqarpoq. Ilaqutariinnut periarfissarpassuaqarpoq, meeqqanullu atuartunut ilinniarnissamut periarfissagissaarluni.

Illoqarfik eqeersimaartuuvoq pisiniarfilerinissamut periarfissarpassuaqarluni, cafet, filmertarfik naluttarfillu. Kalaallit Nunaata sinneratut Nuup pinngortitaa kusanaqaaq, pinialunnissamut periarfissarpassuaqarluni, aalisarnissamut periarfissagissaarluni aamma angalaarnissamut periarfissagissaarluni.

Ullut tamaasa sullitat 3.000 aamma 5.000 akornanni amerlassusillit Brugseni isertarpaat, taamaammat Brugsen iserlugu uummaarilluartuuvoq.

 

 

Atorfik pillugu apeqqutissaqaruit attaveqarfigiuk

Pisiniarfimmi aqutsisoq Stefan Nelth, tlf. +299 34 98 01, mail nuuk@brugseni.gl

Iggavimmi aqutsisoq Bo Hansen, tlf. +299 34 98 15

Nittartagaq: www.brugseni.gl

Facebook: Kalaallit Nunaanni Brugseni

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffissat assigusut
Hotel Hans Egede
Nuuk
Styrelsen for Sundhed og Forebyggelsen - Personaleadministrationen
Styrelsen for Sundhed og Forebyggelsen - Personaleadministrationen
Styrelsen for Sundhed og Forebyggelsen - Personaleadministrationen