sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Kalaallit Nunaanni Brugseni

Brugseni pikkorissumik grafikerissarsiorpoq assiliinermik piginnaasalimmik / Brugseni søger dygtig grafiker med flair for fotografering

Kalaallit Nunaanni Brugseni

Ikkunneqarpoq: 13-02-2020
Piffissaq atuuffissaa naassaaq: 06-03-2020
Suliffissamut ID normut: 330177533
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq, Pisiniarfik & sullissineq
Atorfiup taaguutaa: Reklamefotograf
Misilittakkat - Annertunerusumik: Adobe PhotoShop, Adobe Illustrator, Adobe InDesign, Grafisk design, Forretningsforståelse,
Oqaatsit:
Danskisut Atuarneq/ oqalunneq

Ilioqqaanermi ilisarnaasiinermilu grafikkimi nutaaliorneq malinnaavigaagit, assiliisarfimmilu assiliineq nuannarilluinnarpiuk? Taava immaqa maani sulilersinnaavutit. Assiliisarfimmi assiliinermik aallussillualersinnaasumik pikkorissumik grafikerissarsiorpugut.

Brugseni Kalaallit Nunaanni pisiniarfeqarfiit annersaasa ilagaat nerisassaarniarnermilu siuttuulluni. Kalaallit Nunaanni illoqarfiit annersaanni arfineq-pingasuni pisiniarfiuteqarpugut, pingaartitallu pitsaalluinnartut ilaasortatsinnit tusindilippassuarnit aalajangersarneqartut tunngavigalugit sulivugut. Kalaallit Nunaanni – inuiaqatigiinnut, avatangiisinut sulisutsinnullu 500-nit amerlanerusunut – malunnartumik iluaqutaarusunnerput kajumississutigalugu sulivugut.

Brugsenip pilerisaarinermut attaveqarnermullu immikkoortortaani Nuummi allaffimmi sullissivimmi massakkorpiaq sulivuugut arfinillit: pilerisaarinermut attaveqatigiinnermullu pisortaq, attaveqatigiinnermi suleqataasoq, grafikkimik ataqatigiissaarisoq, aviisimik ataqatigiissaarisoq grafikerillu marluk. Tulluusimaarutigaarput Kalaallit Nunaanni pisiniarfeqarfituaagatta suliffeqarfiup iluaneersunik immikkut ilisimasalinnik tunniusimasunik, ilaatigut facebookikkut pilerisaarusiortartunik suliffeqarfiullu neqeroorutinik aviisiinik naqitikkanik suliaqartartunik, sulisullit. Tamatuma saniatigut mobil-app-itsinnik ingerlaavartumik ineriartortitsillutalu pitsanngorsaaneq ulapputigaarput, atortut digitaliusut atorlugit pilerisaarinermi pingaarnersaasoq.

Pilerisaarinermut immikkoortortami sulisumik sullerissumik ilioqqaallaqqissumillu pisariaqartitsiinnanngilagut. Pisariaqartitsivuguttaaq assiliinermi ineriartortitsinissamik, ingammik assiliisarfimmi assiliinermi neqeroorutinillu aviisiutitsinni assitassanik nerisassanillu assitassanik ilusilersuinermi. Taamaattumik grafikkimi ilioqqaaneq isumassarsiullaqqillunilu assiliisarfimmi assiliineq piginnaasaqarfigissavatit. Immikkoortortami ikittunnguuvugut tunniusimalluartut sapaatillu-akunneri tamaasa suliffeqarfimmi pilerisaarinermik ingerlatsiniarluta qanimut suleqatigiittartut. Immikkoortortami qiimmisaartarnissaq pingaartitaraarput – aamma ulapikkaluaraangatta.

Suliassaqarfissatit:
Grafikkimik ilusilersuineq tunisassiornerlu, ilaatigut ilutsinik analogimik digitalimillu sunilluunniit ilusilersuineq titartaaqqissaarnerlu.
Pisiassanik assigiinngitsunik aamma assitassanik nerisassanillu assiliisarfimmi assiliineq.
Grafikkimik ataqatigiissaarisutsinnik qanimut suleqateqarneq designmanualiliornermut aamma grafikkimi najoqqutassanik malinninnermut ineriartortitsinermullu tunngatillugu.

Naatsorsuutigaarput illit…
Indesignimik, Illustratorimik, Photoshopimik immaqalu Lightroomimik atuillaqqilluinnartuusutit.
Ilusilersuinermi ilinniagaqarsimassasutit inuussutissarsiornermilu ajornanngippat designbureaumi sulinermi misilittagaqartutit, freelanceritut imaluunniit suliffeqarfimmi allami pilerisaarinermut immikkoortortami.
Pitsaanerpaamik qaammaqquteqarlutit, assiliissutini pitsaanerpaanik inissiissuteqarlutit kingornalu pingaaruteqartumik aaqqissuisarlutit assiliisarfimmi assiliisarneq ilisimasaqarfigigit. Paasisimasaqarluartuusariaqanngilatit, assiliisarfimmili assiliisarneq misilittagaqarfigissavat assillu isikkussaannut sunniuteqaqataanissamut piareersimassallutit.
Ajornanngippat pisiniarfeqarfinnit niuernermik paasisimasaqarluartuusutit, sunniuteqarluartumillu pilerisaarinikkut iluatsilluartumillu grafikki atorlugu attaveqarnikkut pisiniarusulersitsinissap pingaaruteqassusianik paasinnittutit.
Siornatigut suliarisimasannik kusanartunik takutitsisinnaasutit.
Tamakkiisumik isiginninnissaq annikitsualuillu soqutigisarigitit.
Namminersorlutit aamma immikkut paasisimasallit tunniusimasut allat suleqatigisartakkavullu suliffeqarfiup avataaneersut peqatigalugit sulisinnaasutit.

Ilinnut neqeroorutigaavut:
Nuup qeqqani suliffik orniginartoq.
Avatangiisini ulapaarfiusuni qeratanngitsunilu suleqatinik pitsaasunik ataatsimooqateqarluarsinnaaneq.
Suliatsigut inuttullu ineriartorluarnissamut periarfissaqarneq.
Suliffik soqutiginartoq isumassarsiorluni suliffiulluarsinnaasoq.
Piginnaasat naapertorlugit akissarsiaqarneq aamma sulisutut immikkut neqeroorfigittarneq, ilaatigut sulisutut inissiamik nuunnermilu aallarnermilu pigisat nassiunnerinik akiliutsinnissamik.

Qinnuteqaatit e-mailikkut nassiuguk kingusinnerpaamik marsip 6-ianni 2020, periarfissaqaruilluunniit sioqqullugu ingerlaavartumik oqaloqateqartoqartassammat. Sulilertoqassaaq isumaqatigiissutigineqartoq naapertorlugu.

Paasissutissat amerlanerusut:

Pilerisaarinermut attaveqatigiinnermullu pisortaq
Benny Reffeldt Otte
Tlf. +299 36 35 07
benny.otte@knbmarketing.gl

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia