sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Kalaallit Nunaanni Brugseni

Brugseni Sisimiut neqaarniarfimmi nutaaliorsinnaasumik pisortassarsiorpoq / Brugseni Sisimiut søger en innovativ slagtermester

Kalaallit Nunaanni Brugseni

Ikkunneqarpoq: 22-04-2023
Piffissaq atuuffissaa naassaaq: 16-05-2023
Suliffissamut ID normut: 331497475
Atorfeqarnermi atugassarititaasut: Tamakkiisoq
Suliassaqarfik: Pisiniarfik & sullissineq
Atorfiup taaguutaa: Slagtermester
Ilinniagaq: Butiksslagter
Misilittakkat - Annertunerusumik: Fødevareproduktion, Stabil, ,
Oqaatsit:
Danskisut Atuarneq/ oqalunneq/ allanneq
Tuluttut Atuarneq/ oqalunneq
Kallaallisut Atuarneq/ oqalunneq/ allanneq

Neqaarnianut pisortaavit pikkorissoq nutaaliorusuttorlu? Neqaarniarfimmi pisortassarsiorpugut, tunisassiornermi ineriartortitsinermik pisariillisaanermillu ukkatarinnikkusussuseqartumik, aammalu sulisunik ineriartortitsinissamik suleriaatsinillu pitsanngorsaanissamik suliaqarusulluartumik. Qinnuteqartoq pitsaasoq tassaasoraarput, suliassamut ilisimaarinnilluni neqaarniarniarfiup nutarternissaanut ineriartortinnissaanullu peqataalluarsinnaasoq, pisiniarfimmi qullersat aammalu sulisut qanimut peqatigalugit.

 

Brugseni Sisimiut illoqarfitsinni pisiniarfigiumaneqarnerpaajusoq maanna ineriartorfimmiileruttorpoq. Pisiniarfiup allilerniarneqarnera aallartillualeruttorpoq, naatsorsuutaavorlu 2025 aallartilaarnerani naammassinissaa, tassanilu nutaamik neqaarniarfittaartoqassaaq.

 

Illoqarfitsinni eqqaanilu kulturi ilisimasassarsiorfigisinnaavat tuttunik, umimmannik, arfernik, puisinik, aalisakkanik allarpassuarnillu tunisassiornikkut. Pingaartillugu tulluusimaarutigaarput illoqarfimmi neqaarniaanerput illoqarfitsinnilu pisariaqartitanik pilersuisuunerput.

 

Brugseni Sisimiut pisiniarfeqarfiuvoq 70-t missaanni sulisulik. Ulluinnarni neqaarniap pisortaatut suliassat naliginnaasut saniatigut neqaarniamut sulisunullu sisamanut mamartuerniarfimmiittunut aqutsisuussaatit.

 

Suliassarissavat suliffimmi avatangiisit pitsaasuunissaat takutitsilluartuunissaallu, taamaalilluni sulisut sammivimmik ataatsimik sammiveqarlutik sulinissaat Brugsenillu pitsaassutsimik qaffasissumik ingerlajuarnissaa kivitseqatigiiffigissagissi.

 

Neqaarniarfiup suliassaraa neqinik uullianik pisiniarfiup nillataartitsiviinut tunisassiornissaq aammalu illoqarfiup ilaani immikkoortortanut mamartuerniarfimmullu tunisassiornissaq. Piginnaasatit ullut tamarluinnaasa atortassavatit ullullu tamaasa neqaarniatut sulisassallutit.

 

Soqutiginartikkukku tusarfiginissat qilanaaraarput.

 

Suliassat pingaarnerit

  • Neqinik uullinerit tunisassiornerlu
  • Sulisunik siulersuineq
  • Immikkoortortamut allaffissornikkut akisussaaneq
  • Aalajangiisarneq
  • Immikkoortortami tuniniaanissamut piareersaasarneq

Illit piginnaasatit:

  • Neqaarniatut ilinniarsimaneq
  • Sullissiumatuneq namminersorlunilu sulisinnaaneq
  • Niuertutut eqqarsartarneq
  • Suleqateqallaqqinneq, pilersaarusiullaqqinneq suliassanillu agguaassillaqqinneq

Ilinnut neqeroorutigisinnaavavut:

  • Atorfininnermi atugarissaarneq, ilaatigut piginnaasat naapertorlugit akissarsiaqarneq aamma ukiumut feriefrirejse.
  • Suliffimmut atasumik initaarsinnaaneq
  • Atorfininnermut suliffimmillu tunuarnermut atatillugu angalanernik akiliunneqarneq pigisallu nassiunnerinik akiliunneqarneq
  • Suliffik pissanganartoq ineriartorfiusorlu.

Qinnuteqarnissamut killigititaq:

Martsip 7-ani 2023.

Ingerlaavartumik oqaloqateqartoqartassaaq.

Piaarnerpaamik atorfinitsitsisoqassaaq imaluunniit isumaqatigiissutiliorneq naapertorlugu.

 

Qinnuteqaatit nassiunneqassapput nittartakkatsigut: www.brugseni.gl/job (e-mailikkuunngitsoq)

 

Atorfik pillugu apeqqutissaqaruit:

Attavigiuk pisiniarfimmi aqutsisoq Arnannguaq Lyberth, tlf. +299 86 17 01, mail arnannguaq.lyberth@knb.gl

Imlt. Tunisassiornermut pisortaq Ulrik Fjord Schultz, tlf. +299 56 46 46 22, mail ulrik.fjord@knb.gl

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffeqarfimmit ataatsimit suliffissat allat