sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Bychef Narsaq

Kommune Kujalleq

Narsaq
Ikkunneqarpoq: 27-04-2021
Piffissaq atuuffissaa naassaaq: 19-05-2021
Suliffissamut ID normut: LJA-82019030
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq, Aqutsineq

Narsami illoqarfiup pisortaa

 

Kommune Kujallermi Narsap illoqarfittut pisortassaanik inuttassarsiorpugut. Ulloq atorfiniffissaq tassaavoq juunip ulluisa aallaqqaataa 2021 isumaqatigiissuteqarnikkulluunniit.

 

Naatsorsuutigaarput sulisunik aqutsinermik attaveqaqatigiinnermullu pitsaasunik ilisimasaqarluartutit. Illoqarfimmi aqutsisutut atorfeqarnermi pitsaasumik suleqatiginnissinnaassuseqarnissaq pingaaruteqarpoq pisunilu nukinginnartuni tamanik ataatsimut isiginnissuseqarsinnaanissaq.

Atorfimmut tunngatillugu pisinnaasat inuttullu pissuseqarneq taamatuttaaq annertuumik pingaartinneqarput.

 

Tamatuma saniatigut illoqarfimmi malinnaallutilu susoqarneranik tusarniaasarnissat pissusissamisoorpoq.

 

Illit ilaatigut akisussaaffeqarfissatit tassaassapput:

  • Innuttaasunut eqaatsumik pitsaasumillu sullissinissaq.
  • Eqaannerusunik sullisseriaaseqarnissaq.
  • Pilertornerusunik aalajangiisinnaanerup qulakkeernissaa.
  • Suliassat suliniutillu ataqatigiissaarnissaat.
  • Illoqarfinni aaqqissuussaalluartumik inernilerniakkamillu ingerlatsineq ineriartortitsinerlu. 
  • Allaffissornermut eqqiaanermut assigisaannullu akisussaasuunissaq.
  • Narsami kommunip illuutaanik nakkutilliisuunissaq.
  • Aningaasaqarnerup missingersuutillu aalajaatsumik aqunneqarnissaat.
  • Illoqarfimmi immikkut pisut ullorsiorfiillu isumagineqarnissaat pilersaarusiorfinissaallu.

 

Piginnaasassatit:

  • Aqutsinermi misilittagaqarneq piginnaaneqarnerlu kiisalu aqutsinermik ilinniagaqarneq
  • Sulisut kalaaliusut akornanni pissutsinik sukumiisumik ilisimasaqarnissaq.
  • Susassaqarfiit kommunip iluaniittut avataaneersullu assigiinngitsut kinguneqarluartumik suleqatigiinnissaat.
  • Politikikkut aaqqissuussaasumik siulersorneqartumi aqutsinermik sulinermillu  sivisuumik misilittagaqarneq

 

Qullersarisassaq qaninnerpaaq tassaavoq allattoqarfiup aqutsisua.

 

Akissarsiat atorfeqartitaanermilu atugassarititaasut:
Akissarsiat atorfeqarnermilu atugassarititaasut, atorfeqarnermi soraarnermilu angalanissamut pisattallu nassiunneqarnerannut sulisitsisumit akilerneqarsinnaatitaanermut malittarisassat uani ilaapput, taakkua Kalaallit Nunaanni Namminersorlutik Oqartussat kattuffiullu aammalu Atorfillit kattuffiat immikkoortortanut pisortanut isumaqatigiinniarsinnaat naapertorlugit pissapput.

 

Kommune Kujalleq Kalaallit Nunaanni kommunit kujallersaraat 6.439-inik inoqartoq (2020) katillunilu 53.000 km2-inik angissuseqartoq. Taamaammat Kalaallit Nunaanni kommunit minnersaraat.

 

Kommunimiipput qanga Nanortallip Kommunerisimasaa, Qaqortup Kommunerisimasaa kiisalu Narsap Kommunerisimasaa, 2009-mi januaarip aallaqqaataani kattullutik Kommune Kujallinngortut.

Illoqarfiit pingasut (Nanortalik, Qaqortoq aamma Narsaq) saniatiguttaaq aqqanilinnik nunaqarfeqarpoq 37-nillu nunaleriveqarluni (savaateqarfiit, tuttuuteqarfiit nersussuaateqarfiillu).

Kommune pillugu paasissutissat sukumiinerusut nittartakkatsinni pineqarsinnaapput https://www.kujalleq.gl/Emner/Om%20kommunen?sc_lang=kl-GL

 

Kommune Kujallermi inuiaqatigiit ullumikkut nutaalianngorsimapput, niuertarfeqarnikkut takornariartitsinikkullu sorpassuarnik umigassaqalersimalluni, soorlu akunnittarfiit / unnuisarfiit, umiatsianik qulimiguulinnillu takusassarsiortitsineq, inuussutissarsiorneq ingerlalluartoq nunaleriffiusoq, takornariartitsiviusoq eqqarsaatigalugit kiisalu illoqarfinni tamani nunaqarfinnilu qassiini tunisassiorfeqarluni annertusiartuinnartumik aalisarfiunera eqqarsaatigalugit.


Akissarsiat atorfinitsitaanermilu atugassarititaasut:

Akissarsiat atorfeqarnermilu atugassarititaasut, atorfeqarnermi soraarnermilu angalanissamut pisattallu nassiunneqarnerannut sulisitsisumit akilerneqarsinnaatitaanermut malittarisassat uani ilaapput, taakkua Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit pissapput.

 

Inissiaq:

Inissaqartitsisoqarsinnaavoq malittarisassat qaqugukkulluunniit atuuttut malillugit Atorfininnermut atatillugu angalanermut pequtillu nassiunnerinut malittarisassat atuuttut naapertorlugit akiliussinerit pissapput.

 

Atorfik pillugu paasissutissat sukumiinerusut uunga saaffiginninnikkut pissarsiarineqarsinnaapput: Allattoqarfiup pisortaa Max Heilmann Larsen, mailikkut mahl@kujalleq.gl oqarasuaat 645312.

 

Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri PDF-ilinngorlugit il.il. kommunimut tunniunneqariissapput kingusinnerpaamik maajip ulluisa 19-iat 2021 nittartagarput aqqutigalugu imaluunniit uunga:

 

Kommune Kujalleq
Sulisoqarnermut Immikkoortortaqarfik
Postboks 517
3920 Qaqortoq
job@kujalleq.gl

 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia